Matthew 4:8 - ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐁᒄ ᒦᓐ ᑳ ᐐ ᑲᑴᒋᐦᐋᑦ ᒪᒋᒪᓂᑑ ᐊᓂᔫ ᒌᓴᔅ ᑳ ᐃᑐᐦᑕᐦᐋᑦ ᐊᓂᑌ ᓈᔥᒡ ᐁ ᐃᔥᐹᓈᔨᒡ ᐗᒋᔫ, ᑳ ᐙᐸᐦᑎᔮᑦ ᒥᓯᐌ ᒋᔐᐅᒋᒫᐎᓐᐦ ᐅᑕᐦ ᐊᔅᒌᐦᒡ ᑳ ᐃᐦᑕᑯᓂᔨᒀᐤᐦ ᑲᔦ ᑖᓐ ᐁ ᐃᔑ ᐃᐦᑕᑯᓂᔨᒡ ᒦᓯᑎᓰᐎᓂᔫ ᐊᓂᑌ᙮

Chishemanituu Utayimuwin: Kaa Uskaach Testament

⁸ Ekw miin kaa wii kakwechihaat machimanituu aniyuu Jesus kaa ituhtahaat anite naashch e ishpaanaayich wachiyuu, kaa waapahtiyaat misiwe chisheuchimaawinh utah aschiihch kaa ihtakuniyikwaauh kaye taan e ishi ihtakuniyich miisitisiiwiniyuu anite.

Matthew 4:8 Iomraidhean Croise

Matthew 16:26

ᐁᒄ ᒫᒃ ᐊᓐ ᐊᐌᓐ ᑳ ᐐ ᑲᓄᐌᔨᐦᑕᒫᓱᑦ ᐅᐱᒫᑎᓰᐎᓐ, ᐴᓂᐱᒫᑎᓰᑌ ᒫᒃ ᑖᓂᑌ ᒉᒌ ᐅᐦᒋ ᐐᒋᐦᐄᑯᑦ ᐋᑦ ᒌ ᐐᐦᑯᒋᐦᑕᒫᓱᑌ ᒥᓯᐌ ᒉᒀᔫ ᐅᑕᐦ ᐊᔅᒌᐦᒡ, ᐎᔭ ᑖᓐ ᑳ ᐃᔑ ᓂᑕᐌᔨᐦᑕᐦᒃ ᒉᒌ ᐃᔑ ᐊᔮᑦ᙮ ᓇᒧᐃ ᑲᑕ ᐅᐦᒋ ᒥᔮᑲᓅ ᐱᒫᑎᓰᐎᓂᔫ ᐎᔭ᙮ ᓇᒧᐃ ᒥᑐᓐ ᐃᐦᑕᑯᓂᔫ ᒉᒀᔫ ᒉᒌ ᐸᒋᔥᑎᓇᐦᒄ ᑳᐤ ᒉᒌ ᒥᔮᑲᓅᑦ ᐅᐱᒫᑎᓰᐎᓐ᙮

Matthew 4:5

ᐁᒄ ᒪᒋᒪᓂᑑ ᑳ ᐃᑐᐦᑕᐦᐋᑦ ᒌᓴᔅ ᐊᓂᑌ ᒉᕉᓴᓚᒥᐦᒡ, ᐁᒄ ᑳ ᐃᔅᒀᐦᑕᐐᐦᑕᐦᐋᑦ ᐊᓂᔫ ᒋᔐᐊᔨᒥᐦᐁᐅᑲᒥᑯᔫ ᐊᓂᑌ ᒫᐅᒡ ᐁ ᐃᔥᐹᓈᔨᒡ ᑳ ᐃᑐᐦᑕᐦᐋᑦ᙮

John 5:20

ᐌᔥ ᐅᐦᑖᐐᒫᐤ ᓵᒋᐦᐁᐤ ᐅᑯᓯᓯᒫᐤᐦ ᑲᔦ ᐙᐸᐦᑎᔦᐤ ᒥᓯᐌ ᑖᓐ ᐁ ᐃᐦᑎᑦ᙮ ᒋᑲ ᐐᒋᐦᐁᐤ ᐁᑎᑑ ᒉᒌ ᒫᒥᔥᑳᒡ ᐃᐦᑎᔨᒡ᙮ ᐁᒄ ᒫᒃ ᒉ ᒫᒥᔥᑳᑌᔨᐦᑕᒣᒄ᙮

1 Peter 1:24

ᒋᔐᒪᓂᑑ ᐅᑕᔨᒧᐎᓐ ᐃᑕᔥᑌᔫ, ᒥᓯᐌ ᐊᐌᓐ ᒬᐦᒡ ᒪᔥᑯᔔ ᐃᔑᓈᑯᓲ᙮ ᒥᓯᐌ ᐊᐌᓐ ᐅᒋᔅᑌᔨᐦᑖᑯᓱᐎᓐ ᒬᐦᒡ ᐙᐳᑯᓐ ᓂᑕᐐᓐ ᑳ ᓂᐦᑖᐅᒋᐦᒡ ᐃᔑᓈᑯᓂᔫ᙮ ᓂᐲᒪᑲᓐᐦ ᒪᔥᑯᔔᐦ ᐁᒄ ᐙᐱᑯᓐᐦ ᐹᐦᐸᐦᒋᔥᑎᓐᐦ᙮

Revelation 11:15

ᐁᒄ ᒦᓐ ᑯᑕᒃ ᐁᓐᒋᓪ ᑳ ᐴᑖᑕᐦᒃ ᐅᐴᑖᒋᑲᓐ᙮ ᐁᐅᒄ ᐆ ᓃᔣᔥᒡ ᑳ ᐃᐦᑖᑦ ᐁᓐᒋᓪ᙮ ᓂᒌ ᐯᐦᑕᐙᐅᒡ ᒫᒃ ᐊᐌᓂᒌ ᐁ ᒋᔐᐌᑣᐤ, ᐊᓂᑌ ᑭᐦᒋᑮᔑᑯᐦᒡ ᐁ ᐊᔨᒥᑣᐤ ᐁ ᐃᑗᑣᐤ, ᐁᒄ ᐌᑎᓇᒫᓱᑦ ᒋᑎᐯᔨᐦᒋᑫᒥᓅ ᑲᔦ ᐊᓂᔫᐦ ᑳ ᐯᒋ ᐃᑎᔕᐦᐙᑦ ᒉᒌ ᐅᒋᒫᐅᑣᐤ ᐅᑕᐦ ᐊᔅᒌᐦᒡ᙮ ᐎᔭ ᒫᒃ ᐅᑎᐯᔨᐦᒋᑫᐤ ᒋᑲ ᐅᒋᒫᐤ ᑳᒋᒉ ᑲᔦ ᑳᒋᒉ᙮