Matthew 27:6 - ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐁᒄ ᐊᓂᒌ ᑳ ᓃᑳᓂᔥᑯᐙᑣᐤ ᐊᔨᒥᐦᐁᐅᒋᒫᐤ ᑳ ᐅᑎᓇᐦᒀᐤ ᐊᓂᔫ ᔔᓕᔮᔫ ᐁᒄ ᑳ ᐃᑗᑣᐤ, ᓇᒧᐃ ᒋᑲ ᒌ ᑲᓄᐌᔨᐦᑌᓈᓅ ᐆ ᔔᓕᔮᐤ ᐅᑕᐦ ᒋᔐᐊᔨᒥᐦᐁᐅᑲᒥᑯᐦᒡ, ᐌᔥ ᒌ ᐋᐸᑕᓐ ᐁ ᒌᔒᐦᑯᐙᑲᓅᑦ ᐊᐌᓐ ᒉᒌ ᓂᐸᐦᐋᑲᓅᑦ ᓈᐯᐤ᙮

Chishemanituu Utayimuwin: Kaa Uskaach Testament

⁶ Ekw anichii kaa niikaanishkuwaatwaau ayimiheuchimaau kaa utinahkwaau aniyuu shuuliyaayuu ekw kaa itwetwaau, “Namui chika chii kanuweyihtenaanuu uu shuuliyaau utah chisheayimiheukamikuhch, wesh chii aapatan e chiishiihkuwaakanuut awen chechii nipahaakanuut naapeu.”

Matthew 27:6 Iomraidhean Croise

Matthew 23:24

ᒋᔭᐙᐤ ᐁᑳ ᑳ ᐙᐸᐦᑕᐦᒀᐤ ᑳ ᐃᔑᓈᑯᓯᔦᒄ, ᐁᑳ ᒥᑐᓐ ᓂᓯᑐᐦᑕᒣᒄ, ᔮᐸᒡ ᐁ ᐐ ᒋᔅᒋᓄᐦᑕᐦᐁᑯᒡ ᐊᐌᓂᒌ᙮ ᓈᔥᒡ ᔮᒀᐤ ᒋᐐᔑ ᓈᓈᑲᒋᐦᑖᓈᐙᐤ ᑖᓐ ᐁ ᐃᔑ ᓂᐦᐄᑖᑲᓅᐦᒀᐤ ᐊᓂᔫ ᐐᔓᐌᐎᓐ ᐁᑳ ᓈᔥᒡ ᑳ ᒋᔅᑌᔨᐦᑖᑯᐦᒀᐤ ᐁᒄ ᐊᓂᔫ ᑳ ᒋᔅᑌᔨᐦᑖᑯᐦᒀᐤ ᓇᒧᐃ ᒋᑦ ᐃᔥᐱᔥ ᓇᓈᑲᑐᐌᔨᐦᑕᒥᐦᐄᑯᓈᐙᐤ, ᒧᔮᒻ ᐊᐌᓐ ᓈᔥᒡ ᔮᒀᐤ ᑳ ᐃᐦᑎᑦ ᒉᒌ ᓵᐳᐸᔨᐦᐋᑦ ᒪᓂᒎᔒᔕ ᒥᒄ ᒫᒃ ᒨᔥ ᑳ ᓵᐳᐦᑐᐌᐸᔨᐦᐄᑯᑦ ᐁᑯᓐ ᐁ ᐃᔑᓈᑯᓯᔦᒄ᙮

Matthew 27:5

ᐁᒄ ᒍᑕᔅ ᐊᓂᑌ ᓇᐸᒋᔅᑕᑯᐦᒡ ᑳ ᐃᔑ ᐌᐱᓈᑦ ᐊᓂᔫᐦ ᔔᓕᔮᐙᐱᔅᑾ ᐊᓂᑌ ᐊᔨᒥᐦᐁᐅᑲᒥᑯᐦᒡ᙮ ᒌ ᐊᑎ ᐐᐎᔫ ᒫᒃ ᐁᒄ ᑳ ᓂᑑ ᐊᑯᐐᓱᑦ᙮

Matthew 27:7

ᐱᑕᒫ ᒫᒃ ᒌ ᐊᔨᒥᑐᑕᒧᒡ ᐅᔦᔫ᙮ ᐁᒄ ᒉᒃ ᑳ ᓂᔅᑯᒧᑣᐤ ᒉᒌ ᐅᑎᓂᐦᒀᐤ ᐊᔅᒌᔫ ᐊᓂᑌ ᑳ ᒌ ᐅᐦᑎᓈᑲᓅᑦ ᓴᔅᒎ ᓇᓈᐦᑰ ᒉᒀᔫᐦ ᐁ ᐅᓯᐦᑖᑲᓅᐦᒀᐤ᙮ ᐁᐅᒄ ᒫᒃ ᐊᓂᔫ ᐊᔅᒌᔫ ᑳ ᐊᑎ ᐃᑖᐸᒋᐦᑖᑖᐤ ᐁ ᒋᔅᑲᐦᐋᑣᐤ ᒫᓂᑌᐤᐦ ᐁ ᐴᓂᐱᒫᑎᓯᔨᒡ᙮

Mark 7:11

ᐁᒄ ᒦᓐ ᑳ ᐊᑎ ᐃᑗᑦ ᒌᓴᔅ, ᒋᔭᐙᐤ ᒫᒃ ᒋᑦ ᐃᔑ ᒋᔅᒋᓄᐦᐊᒫᒉᓈᐙᐤ ᐁᑳ ᐗᓂᐸᔨᑦ ᐊᐌᓐ ᐊᓂᔫ ᐁᑳ ᓈᑕᒧᐙᑦ ᐅᓃᒋᐦᐄᒄ ᑌᐱᔮᐦᒡ ᐃᑖᑌ, ᓂᒥᐦᒌᐌᓯᓐ, ᑖᐹ ᒋᒌ ᐐᒋᐦᐄᑎᓈᐙᐤ ᐌᔥ ᔖᔥ ᒋᔐᒪᓂᑑ ᓂᒌ ᒥᔮᐤ ᑖᓐ ᒋᐹ ᐃᔑ ᒦᑎᓈᐙᐤ ᒋᔭᐙᐤ᙮

John 18:28

ᐐᐸᒡ ᐊᓂᔫ ᑳ ᒉᒋᔐᐹᔮᔨᒡ ᐊᓂᑦ ᑳᔭᕙᔅ ᐁ ᐃᐦᑖᔨᒡ ᒌ ᐅᐦᒋ ᒋᔅᑐᐦᑕᐦᐋᑲᓅ ᒌᓴᔅ, ᐊᓂᑌ ᒋᔐᐅᒋᒫᐅᑰᐦᐹᓀᐤ ᐐᒋᐦᒡ ᑳ ᐃᑐᐦᑕᐦᐋᑲᓅᑦ᙮ ᐹᐃᓚᑦ ᒌ ᐃᔑᓂᐦᑳᓲ ᐊᓐ ᒋᔐᐅᒋᒫᐅᑰᐦᐹᓀᐤ᙮ ᐊᓂᒌ ᒫᒃ ᒎᐗ ᐄᓅᒡ ᓇᒧᐃ ᐅᐦᒋ ᐐ ᐲᐦᒉᐅᒡ ᐎᔭᐙᐤ ᐊᓂᑌ ᐌᔥ ᒌ ᐃᑕᔥᑌᔫ ᐅᒎᐗ ᐐᔓᐌᐎᓂᐙᐦᒡ ᐁᑳ ᒉᒌ ᐲᐦᒉᑣᐤ ᐐᒌᐦᒡ ᐊᐌᔫ ᐁᑳ ᒎᐗ ᐃᑎᔅᑳᓀᓯᔨᒡ᙮ ᑲᔦ ᓇᒧᐃ ᒋᐹ ᐅᐦᒋ ᒦᒎᒡ ᒥᔮᔅᑲᒉᐤ ᒪᑯᔖᓂᔫ ᒌ ᐲᒉᐅᐙᑯᐸᓀᓂᒡ ᐊᓂᑌ ᒋᔐᐅᒋᒫᐅᑰᐦᐹᓀᐤ ᐐᒌᐦᒡ᙮