Matthew 26:10 - ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁰ ᒌᓴᔅ ᒫᒃ ᒌ ᒋᔅᒉᔨᒣᐤ ᑖᓐ ᐁ ᐃᑎᑐᔨᒡ, ᐁᒄ ᑳ ᐃᑖᑦ, ᒉᒀᓐ ᐌᐦᒋ ᐋᔨᒣᔨᐦᑕᒥᐦᐁᒄ᙮ ᒥᔅᑕ ᒥᔻᔑᔫ ᐊᓂᔫ ᐁ ᒌ ᐃᐦᑑᑑᑦ᙮

Chishemanituu Utayimuwin: Kaa Uskaach Testament

¹⁰ Jesus maak chii chischeyimeu taan e itituyich, ekw kaa itaat, “Chekwaan wehchi aayimeyihtamihekw. Mista miywaashiyuu aniyuu e chii ihtuutuut.

Matthew 26:10 Iomraidhean Croise

Matthew 26:11

ᒨᔥ ᒋᑲ ᐃᐦᑖᐅᒡ ᑳ ᒋᔅᑎᒫᑎᓰᑣᐤ ᐅᑕᐦ ᐁ ᐃᐦᑖᔦᒄ, ᓂᔭ ᒫᒃ ᓇᒧᐃ ᒨᔥ ᓂᑲ ᐅᐦᒋ ᐃᐦᑖᓐ ᐅᑕᐦ ᐁ ᐃᐦᑖᔦᒄ᙮

Matthew 26:9

ᒋᐹᒌ ᐊᑖᐙᑳᓄᔫ ᐊᓂᔫ ᐐᐦᒋᒫᑯᐦᐆᓂᔫ ᐁᒄ ᒫᒃ ᒋᐹᒌ ᒥᔮᑲᓅᒡ ᐊᓂᔫ ᔔᓕᔮᔫ ᐊᓂᒌ ᐊᐌᓂᒌ ᑳ ᒋᔅᑎᒫᑎᓰᑣᐤ᙮

Mark 14:6

ᒌᓴᔅ ᒫᒃ ᒌ ᐃᑌᐤ, ᐁᑳᐐ ᐱᔅᒉᔨᒫᐦᒄ᙮ ᒉᒀᓐ ᐌᐦᒋ ᐋᔨᒣᔨᐦᑕᒥᐦᐁᒄ᙮ ᒥᔅᑕ ᒥᔻᔑᔫ ᐊᓂᔫ ᐁ ᒌ ᐃᐦᑑᑑᑦ᙮

Luke 8:49

ᒣᒀᒡ ᒫᒃ ᐁ ᐊᔨᒥᑦ ᒌᓴᔅ, ᒌ ᑕᑯᔑᓅ ᓈᐯᐤ ᒐᐃᕋᔅ ᐁ ᐃᐦᑖᔨᒡ ᐁ ᐅᐦᑐᐦᑌᑦ ᒉᒌ ᐯᒋ ᐃᑖᑦ ᐊᓂᔫ ᒐᐃᕋᔅ, ᔖᔥ ᓇᒧᐃ ᐱᒫᑎᓯᔫ ᒋᑖᓂᔅ᙮ ᐁᑳᐐ ᒫᒃ ᐁᑯᔥ ᐅᑕᒥᐦᐄ ᒋᔅᒋᓄᐦᐊᒫᒉᓲ᙮

2 Corinthians 9:8

ᒋᑲ ᒌ ᐃᐦᑑᑕᒻ ᒋᔐᒪᓂᑑ ᐹᔑᒡ ᒉᒌ ᐃᔥᐱᔥ ᒦᑖᒄ ᑕᐦᑣᐤ ᐁ ᔕᐌᔨᒥᑖᒄ, ᐁᒄ ᒫᒃ ᒨᔥ ᒉ ᐊᔮᔦᒄ ᑖᓐ ᒉ ᐃᔑ ᓂᑕᐌᔨᐦᑕᒧᐌᑴ᙮ ᐹᔑᒡ ᒋᑲ ᐃᔥᐱᔥ ᒦᑯᐙᐤ ᑯᑕᑲᒡ ᐊᐌᓂᒌ ᒉᒌ ᐐᒋᐦᐁᑯᒡ᙮

Galatians 1:7

ᑖᐹ ᐃᐦᑕᑯᓐ ᑯᑕᒡ ᒥᔻᒋᒧᐎᓐ᙮ ᒥᒄ ᒫᒃ ᐃᐦᑖᐅᒡ ᐊᐌᓂᒌ ᐊᓂᑌ ᐁ ᐃᐦᑖᔦᒄ ᐁ ᒧᑯᔥᑳᑌᔨᐦᑕᒥᐦᐄᑖᑯᒡ, ᐁ ᐐ ᑴᔅᑎᓇᐦᒀᐤ ᐊᓂᔫ ᒥᔻᒋᒧᐎᓂᔫ ᐊᓂᑦ ᔮᔨᒨᒫᑲᓄᔨᒡ ᙭᙮

Galatians 5:12

ᑲᒫ ᐁᑕᑑ ᒫᑎᔓᔓᑣᐤ ᐊᓂᒌ ᑳ ᒋᔅᒋᓄᐙᒋᔣᑲᓅᑣᐤ, ᐊᓂᒌ ᑳ ᒧᑯᔥᑳᑌᔨᐦᑕᒥᐦᐄᑖᑯᒡ᙮

Galatians 6:17

ᐁᑳᐐ ᐊᐌᓐ ᓂᑲ ᐐ ᓇᓀᐦᑳᒋᐦᐄᒄ᙮ ᐃᐦᑕᑯᓐ ᑖᓐ ᑳ ᐃᔑ ᓇᒣᐦᐄᑯᔮᓐ ᓂᔫᐦᒡ ᙭ ᐅᐦᒋ ᐁ ᐊᑐᔥᑰᒃ᙮

Ephesians 2:10

ᐌᔥ ᐎᔭ ᒋᔐᒪᓂᑑ ᒋᒌ ᐃᐦᑑᑖᑯᓅ ᒉᒌ ᑯᐃᔅᑯᓈᑯᓯᔫᐦᒄ ᐊᓂᔫ ᐅᐦᒋ ᑖᓐ ᑳ ᐃᐦᑑᑕᒥᔨᒡ ᙭ ᒌᓴᔅ᙮ ᙭ ᒫᒃ ᐁ ᐐᒉᐅᒧᐦᒄ, ᒋᔐᒪᓂᑑ ᒋᒌ ᐃᑌᔨᐦᑖᑯᐦᐄᑯᓅ ᒉᒌ ᒪᒥᔫᑑᑕᒫᒥᐦᒄ ᐊᐌᔫᐦ, ᐌᔥ ᐁᐅᒄ ᐅᔫ ᔖᔥ ᐊᓂᑌ ᐌᔅᑲᒡ ᓂᔮᑲᓐ ᑳ ᐃᔑ ᐎᔦᔨᐦᑕᐦᒃ ᒉ ᐃᐦᑑᐦᒄ᙮

Colossians 1:10

ᐁᒄ ᒫᒃ ᒉᒌ ᐃᔑ ᐱᒫᑎᓯᔦᒄ ᑖᓐ ᐁ ᐃᔑ ᓂᑐᐌᔨᒥᑖᒄ ᒋᔐᒪᓂᑑ ᒉᒌ ᐃᔑ ᐱᒫᑎᓰᐌᒄ᙮ ᒨᔥ ᒋᑲ ᐃᐦᑑᑕᒧᐙᓈᐙᐤ ᑖᓐ ᐊᓂᔫᐦ ᐁ ᐃᔑ ᓇᐦᐁᔨᐦᑕᒥᐦᐄᑯᑦ᙮ ᓇᓈᐦᑰ ᒋᑲ ᐃᔑ ᒪᒥᔫᑑᑕᒧᐙᐙᐅᒡ ᐊᐌᓂᒌ ᑲᔦ ᐌᑖᒡ ᒋᑲ ᒥᔪ ᒋᔅᒉᔨᒫᐙᐤ ᒋᔐᒪᓂᑑ ᑖᓐ ᐁ ᐃᑌᔨᐦᑖᑯᓯᑦ᙮

2 Thessalonians 2:17

ᓂᑐᑕᒧᐙᓈᓂᒡ ᒉᒌ ᑳᒌᒋᐦᐄᑯᔦᒄ ᑲᔦ ᒉᒌ ᓲᐦᒋᑳᐴᔦᒄ ᒥᓯᐌ ᑖᓐ ᐁ ᐃᔑ ᒥᔪᑑᑕᒣᒄ ᑲᔦ ᑖᓐ ᐁ ᐃᔑ ᐊᔨᒥᔦᒄ᙮

1 Timothy 3:1

ᐁᐅᒄ ᐆ ᑖᐺ ᑎᔮᐺᒪᑲᐦᒡ ᐃᑗᐎᓐ, ᐊᐌᓐ ᐁ ᐃᑌᔨᐦᑕᒪᐦᐄᑰᑴ ᒉᒌ ᓃᑳᓂᔥᑯᐙᑦ ᐅᒫᒨᐊᔨᒥᐦᐋᐤᐦ ᓈᔥᒡ ᒥᔻᔑᔫ ᐅᔫ ᐋᐸᑎᓱᐎᓂᔫ ᑳ ᐃᔑ ᐎᔦᔨᐦᑕᒥᐦᐄᑯᑦ ᒉᒌ ᐃᐦᑑᑕᐦᒃ᙮

1 Timothy 5:10

ᑲᔦ ᒋᐹ ᐃᐦᑕᑯᓂᔫ ᑖᓐ ᐁ ᐃᔑ ᒥᔻᒋᒫᑲᓅᑦ ᐁ ᒪᒥᔫᑑᑖᒪᒉᑦ, ᒧᔮᒻ ᐁ ᒌ ᒥᔪ ᓂᐦᑖᐅᑎᓈᑦ ᐊᐙᔕᐦ, ᐁ ᒌ ᒥᔪ ᑲᓄᐌᔨᒫᑦ ᒫᓐ ᒫᓂᑌᐤᐦ, ᑲᔦ ᒨᔥ ᐁ ᒌ ᒪᒥᔫᑐᑕᐙᑦ ᑳ ᑖᐺᐦᑕᒦᑣᐤᐦ ᑲᔦ ᒨᔥ ᐁ ᒌ ᓇᓈᑕᒧᐙᑦ ᐊᓂᔫᐦ ᑳ ᐋᔨᒥᐦᐅᔨᒡ ᐁᒄ ᒫᒃ ᓲᐦᒃ ᒨᔥ ᐁ ᒌ ᓈᓂᑑ ᒥᔅᑲᐦᒃ ᑖᓐ ᒉ ᐃᔑ ᒪᒥᔫᑑᑕᒫᒉᑦ᙮

2 Timothy 2:21

ᒥᒋᐦᐱᓐ ᒫᒃ ᐊᐌᓐ ᐸᔦᐦᒋᐦᐄᓱᑌ ᐁ ᓇᓈᑲᑐᐌᔨᐦᑕᐦᒃ ᐁᑳ ᒉᒌ ᐐᓂᐦᐄᑯᑦ ᒪᒑᑎᓰᐎᓂᔫ, ᑲᑕ ᐃᐦᑕᑯᓂᔫ ᐊᓂᔫ ᓈᔥᒡ ᐁ ᒋᔅᑌᔨᐦᑖᑯᓂᔨᒡ ᒉ ᐃᔑ ᐋᐸᒋᐦᐋᑲᓅᑦ, ᒥᑐᓐ ᑌᑲᔥ ᑲᑕ ᐸᒋᔥᑎᓂᓲ ᒉᒌ ᒥᔻᐸᒋᐦᐄᑯᑦ ᐊᓂᔫ ᑳ ᐐ ᐋᐸᒋᐦᐄᑯᑦ ᐁ ᐃᐦᑑᑕᐦᒃ ᒥᒄ ᑖᓐ ᐁ ᐃᑕᔓᒥᑯᑦ᙮

Titus 1:16

ᐃᑗᐅᒡ ᐁ ᒋᔅᒉᔨᒫᑣᐤ ᒋᔐᒪᓂᑑᐦ ᒥᒄ ᒫᒃ ᐊᓂᔫ ᐁ ᐃᑖᑎᓰᑣᐤ ᓅᑯᓂᔫ ᐁᑳ ᑖᐺ ᒋᔅᒉᔨᒫᑣᐤ ᒋᔐᒪᓂᑑ ᐌᔥ ᓈᔥᒡ ᒪᒑᑎᓯᔫᒡ᙮ ᓇᒧᐃ ᒥᑐᓐ ᓇᓂᐦᐄᐦᑐᐌᐅᒡ ᒋᔐᒪᓂᑑ ᑲᔦ ᓇᒧᐃ ᒥᑐᓐ ᐃᑌᔨᐦᑖᑯᓲᒡ ᒉᒌ ᒥᔪᑑᑕᐦᒀᐤ᙮

Titus 2:14

ᒌ ᐸᒋᔥᑌᔨᒥᑎᓲ ᙭ ᒋᔮᓅ ᐅᐦᒋ, ᒉᒌ ᐌᐯᔨᐦᑕᒫᑯᔨᐦᒄ ᒥᓯᐌ ᒋᒪᒋᐦᑣᐎᓅᐦ ᑲᔦ ᒉᒌ ᐸᔦᐦᒋᐦᐄᑕᐦᒄ ᒥᒄ ᐎᔭ ᒉᒌ ᐊᔮᐅᑕᐦᒄ᙮ ᒋᓂᑐᐌᔨᒥᑯᓅ ᓲᐦᒃ ᒉᒌ ᐃᑌᔨᐦᑕᒥᐦᐄᑯᔨᐦᒄ ᑯᐃᔅᒄ ᒉᒌ ᐃᐦᑏᐦᒄ᙮

Titus 3:1

ᒋᔅᒋᓲᒪᒡ ᒋᑏᓃᒪᒡ ᒉᒌ ᓂᑐᐦᑕᐙᑣᐤ ᐊᓂᔫ ᑳ ᐅᒋᒫᒥᑣᐤ ᑲᔦ ᒉᒌ ᓇᓂᐦᐄᐦᑕᐙᑣᐤ ᐊᓂᔫ ᑳ ᒋᔐᐅᒋᒫᐤ ᐋᐸᑎᓯᔨᒡ ᑲᔦ ᒨᔥ ᒉᒌ ᐊᔦᔅᑯᐐᑣᐤ ᒉᒌ ᐋᐸᑎᓰᐦᑲᐦᑕᐦᒀᐤ ᑯᐃᔅᒄ ᐁ ᐃᔑᓈᑯᓂᔨᒡ ᐊᑐᔥᒉᐎᓂᔫ᙮

Titus 3:14

ᐊᓂᒌ ᒫᒃ ᒋᔮᓅ ᒋᑏᓃᒥᓅᒡ ᒋᐹᐐ ᒋᔅᒉᔨᐦᑕᒧᒡ ᑖᓐ ᒋᐹ ᒌ ᐃᔑ ᒥᔪ ᐊᑐᔥᒉᐅᒡ, ᐁ ᐐᒋᐦᐋᑣᐤ ᐊᐌᔫᐦ ᓈᔥᒡ ᐁ ᓂᑐᐌᔨᐦᑕᒥᔨᒡ ᒉᒌ ᐐᒋᐦᐋᑲᓄᔨᒡ᙮ ᓇᒧᐃ ᒋᐹ ᐅᐦᒋ ᐃᔑᓈᑯᓲᒡ ᐁᑳ ᐎᔦᔥ ᐁ ᐃᑖᐸᑎᓯᑣᐤ᙮

Titus 3:8

ᑖᐺᒪᑲᓐ ᐆ ᑳ ᐃᑗᔮᓐ᙮ ᒋᓂᑐᐌᔨᒥᑎᓐ ᒉᒌ ᓰᐦᒋᒪᑣᐤ ᐊᓂᒌ ᑳ ᑖᐺᔨᒫᑣᐤ ᒋᔐᒪᓂᑑ ᒉ ᐐ ᒥᔪᑑᑕᒧᐙᑣᐤ ᑯᑕᒃ ᐊᐌᔫ᙮ ᐌᔥ ᒥᔻᔫ ᑲᔦ ᒋᑲ ᒥᔪ ᐐᒋᐦᐄᑰᒡ ᐅᔫ ᐃᐦᑑᑕᐦᒀᐌᓂᒡ᙮

Hebrews 13:21

ᒥᔅᑕᐦᐄ ᒋᒌ ᐃᐦᑑᑕᒫᑯᐙᐤ ᒋᔐᒪᓂᑑ ᒌᓴᔅ ᐅᐦᒋ ᐁᒄ ᒫᒃ ᓀᑐᑕᒨᒃ ᒉᒌ ᒦᑖᒄ ᒥᓯᐌ ᐊᓂᔫ ᑳ ᒥᔻᔨᒀᐤ ᒉᒀᔫ ᐁ ᐃᔑ ᓂᑐᐌᔨᐦᑕᒣᒄ ᒉᒌ ᐃᐦᑑᑕᒧᐌᒄ ᐅᑎᑌᔨᐦᑕᒧᐎᓐ᙮ ᓂᑕᔨᒥᐦᐋᐤ ᑲᔦ ᒉᒌ ᐋᐸᑎᓯᑦ ᐊᓂᑌ ᒋᐱᒫᑎᓰᐎᓂᐙᐦᒡ ᐁᒄ ᒫᒃ ᒉᒌ ᓇᓂᐦᐁᔨᐦᑕᒥᐦᐄᑯᑦ ᐊᓂᔫ ᐁ ᐃᑖᑎᓰᐌᒄ᙮ ᒨᔥ ᒫᒃ ᒫᒥᐦᒋᒫᑖᐤ ᒌᓴᔅ ᙭ ᑳᒋᒉ ᑲᔦ ᑳᒋᒉ᙮ ᐊᒣᓐ᙮

1 Peter 2:12

ᓲᐦᒃ ᐐ ᑯᐃᔅᑯᐱᒫᑎᓰᒄ ᒣᑴᓰᓅ ᐊᓂᒌ ᐁᑳ ᑳ ᑖᐺᐦᑕᐦᒀᐤ ᐁ ᐃᐦᑖᑣᐤ᙮ ᐁᑯᑦ ᒉᒌ ᓂᓯᑑᓇᐦᒀᐤ ᒋᒥᔫᑑᑕᒧᐎᓇᐙᐤ ᐁᒄ ᒫᒃ ᒉ ᒫᒥᐦᒋᒫᑣᐤ ᒋᔐᒪᓂᑑ ᐃᔅᑯᑕᒃ ᑕᑯᔑᓂᔨᒉᓐ᙮ ᐁᑯᓐ ᒉ ᐃᐦᑎᑣᐤ ᐋᑦ ᐊᓄᐦᒌᔥ ᓂᑕᒧᒄ ᐁ ᐃᔑ ᒪᒥᔑᒥᑖᑯᒡ ᒬᐦᒡ ᐁ ᒪᒋᑑᑕᒧᐌᒄ᙮