Matthew 18:16 - ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᐁᑳ ᒫᒃ ᓂᑐᐦᑖᔅᑫ ᐁᒄ ᒦᓐ ᑯᑕᒃ ᐊᐌᓐ ᒫᒃ ᓃᔓ ᐊᐌᓂᒌ ᒉ ᐐᔖᒪᑣᐤ ᒉᒌ ᐐᒉᐅᔅᒀᐤ ᒉᒌ ᐯᐦᑖᔅᒀᐤ ᑖᓐ ᐁ ᐃᔑ ᐊᔨᒥᐦᐄᒪᑦ ᐁᒄ ᒫᒃ ᑲᔦ ᐎᔭᐙᐤ ᒉᒌ ᐊᔨᒥᐦᐋᑣᐤ᙮ ᐌᔅ ᒥᓯᐌ ᑖᓐ ᐁ ᐃᑕᔥᑌᒡ ᐊᓂᑌ ᒪᓯᓇᐦᐄᑲᓂᐦᒡ ᒥᓯᐌ ᒉᒀᓐ ᐁᑯᓐ ᒉ ᐃᔑᓈᑯᐦᒡ ᑖᓐ ᐊᓂᔫ ᑳ ᐃᑗᑣᐤ ᐊᓂᒌ ᓃᔓ ᒫᒃ ᓂᔥᑐ ᑳ ᐐᔖᒫᑲᓅᑣᐤ ᒉᒌ ᓂᑐᐦᑕᐦᒀᐤ᙮

Chishemanituu Utayimuwin: Kaa Uskaach Testament

¹⁶ Ekaa maak nituhtaaske ekw miin kutak awen maak niishu awenichii che wiishaamatwaau chechii wiicheuskwaau chechii pehtaaskwaau taan e ishi ayimihiimat ekw maak kaye wiyawaau chechii ayimihaatwaau. Wes misiwe taan e itashtech anite masinahiikanihch misiwe chekwaan ekun che ishinaakuhch taan aniyuu kaa itwetwaau anichii niishu maak nishtu kaa wiishaamaakanuutwaau chechii nituhtahkwaau.

Matthew 18:16 Iomraidhean Croise

John 8:17

ᐃᑕᔥᑌᐤ ᐊᓂᑌ ᒋᐐᔓᐌᐎᓂᐙᐦᒡ ᓃᔓ ᐊᐌᓂᒡ ᐯᔭᑯᓂᐦᒡ ᐁ ᐃᑎᐦᑖᑯᓯᑣᐤ ᐁ ᐐᐦᑕᐦᒀᐤ ᑖᓐ ᑳ ᐃᔑ ᐙᐸᐦᑕᐦᒀᐤ ᐁ ᐃᔅᐸᔨᔨᒡ ᒉᒀᔫ, ᑖᐺᒪᑲᓂᔫ ᐊᓂᔫ ᑖᓐ ᐁ ᐃᑗᑣᐤ᙮

2 Corinthians 13:1

ᐁᐅᑰ ᓂᔥᑣᐤ ᒉ ᒌᐅᑕᒥᑕᑯᒡ᙮ ᒉ ᐐ ᒋᔅᒋᓯᔦᒄ ᒥᒋᐦᐱᓐ ᐁ ᐃᐦᑖᑴ ᐊᐌᓐ ᐁ ᐃᐦᑕᑯᓂᔨᒡ ᑖᓐ ᐙ ᐃᔑ ᒪᒥᔑᒫᑦ ᐊᐌᔫᐦ ᒉᒀᔫ ᔮᐃᑌᐃ ᓃᔓ ᒫᒃ ᓂᔥᑐ ᐊᐌᓂᒌ ᐁ ᒌ ᐃᐦᑖᑣᐤ ᐊᓂᑦ ᐊᓂᔫ ᐌᐦᒋᐸᔨᔨᒡ ᐁ ᒪᒥᔑᒧᐙᓄᔨᒡ ᒋᑲ ᐃᐦᑖᐅᒡ ᒉᒌ ᑎᐹᒋᒧᑣᐤ᙮

1 Timothy 5:19

ᐁᑳᐐ ᐸᐹᒣᔨᐦᑕᒧᒄ ᑖᓐ ᐁ ᐃᑖᑲᓅᑴ ᐁ ᐃᔑ ᐊᑖᒣᔨᐦᑖᑯᓯᑦ ᑳ ᓃᑳᓂᔥᑲᐦᒃ ᐊᔨᒥᐦᐁᐅᑲᒥᑯᔫ ᐹᑎᔥ ᓃᔓ ᒫᒃ ᓂᔥᑐ ᐊᐌᓂᒡ ᐯᔭᑯᓂᔨᒉ ᑖᓐ ᐁ ᐃᑖᒋᒫᑣᐤ᙮

Hebrews 10:28

ᐅᑌ ᒫ ᐃᔑ ᑲᓇᐙᐸᐦᑕᒧᒄ᙮ ᒌᔥᐱᓐ ᐊᐌᓐ ᐁᑳ ᐅᐦᒋ ᐋᐸᑌᔨᐦᑕᒧᑯᐸᓀ ᒎᐗ ᐐᔓᐌᐎᓂᔫ ᐁᒄ ᒫᒃ ᓃᔓ ᒫᒃ ᓂᔥᑐ ᐊᐌᔫ ᐃᑗᔨᒉᓐ ᑖᐺ ᐊᓂᔫ ᐁ ᒌ ᐃᐦᑎᑯᐸᓀ, ᓇᒧᐃ ᒥᑐᓐ ᒋᐹ ᐅᐦᒋ ᒋᔅᑎᒫᒉᔨᒫᑲᓅ ᑏᐌᐦᒡ ᒥᒄ ᒋᐹ ᐃᔑ ᓂᐸᐦᐋᑲᓅ᙮

Revelation 11:3

ᒣᒀᒡ ᒫᒃ ᐊᓂᔫᐦ ᐁ ᒌᔑᑳᒀᐤᐦ ᓂᑲ ᐃᑎᔕᐦᐙᐅᒡ ᓃᔓ ᐊᐌᓂᒡ ᒉ ᐅᑖᐸᒋᐦᐋᑲᓂᔮᓐ ᒉᒌ ᒋᔅᒋᐌᐦᐄᒉᑣᐤ᙮ ᑲᓨᑲᔅ ᒪᒍᓂᔑᔫ ᐁ ᒋᒋᔥᑲᐦᒀᐤ᙮ ᐯᔭᒀᐤ ᒋᔐᒥᑖᐦᑐᒥᑕᓅ ᓃᔣᐤ ᒥᑖᐦᑐᒥᑕᓅ ᒦᓐ ᑯᑣᔓᒥᑕᓅ ᒌᔑᑳᐤᐦ ᐁᑯᓐ ᒉ ᐃᔥᐱᔥ ᐙᐐᐦᑕᐦᒀᐤ ᑖᓐ ᒉ ᐃᔥᐱᔥ ᒦᒀᐤ ᒉᒌ ᐃᔑ ᐋᔨᒨᑕᐦᒀᐤ᙮ ᐁᑯᓐ ᐁ ᑕᐦᑎᐦᒀᐤ ᐁ ᒌᔑᑳᒀᐤᐦ ᓀᒥᑕᓅ ᓃᔓ ᐲᓯᒻᐦ᙮