Matthew 15:14 - ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᐁᑯᔥ ᐁᑳ ᐋᔨᒣᔨᒫᐦᑯᒡ ᐊᓂᒌ ᕓᕆᓰᒡ᙮ ᐌᔥ ᒧᔮᒻ ᐊᐌᓂᒌ ᐁᑳ ᐙᐸᐦᑕᐦᒀᐤ ᔮᐸᒡ ᒫᒃ ᑳ ᐐ ᒋᔅᒋᓄᐦᑕᐦᐋᑣᐤ ᐊᐌᔫ ᐁᑳ ᐙᐸᐦᑕᒥᔨᒡ ᐁᑯᓐ ᐁ ᐃᑌᔨᐦᑖᑯᓯᑣᐤ᙮ ᑖᐱᔥᑯᓐ ᒫᒃ ᐁᑳ ᐙᐸᐦᑕᐦᒀᐤ ᐌᐦᑕᓂᔫ ᒉᒌ ᐴᐦᒋᐸᔨᑣᐤ ᐊᓂᑌ ᐁ ᐳᑯᓀᔮᔨᒡ᙮

Chishemanituu Utayimuwin: Kaa Uskaach Testament

¹⁴ Ekush ekaa aayimeyimaahkuch anichii Phariseech. Wesh muyaam awenichii ekaa waapahtahkwaau yaapach maak kaa wii chischinuhtahaatwaau aweyuu ekaa waapahtamiyich ekun e iteyihtaakusitwaau. Taapishkun maak ekaa waapahtahkwaau wehtaniyuu chechii puuhchipayitwaau anite e pukuneyaayich.”

Matthew 15:14 Iomraidhean Croise

Luke 6:39

ᒌᓴᔅ ᒫᒃ ᒌ ᐐᐦᑕᒧᐌᐤ ᐅᔫ ᒋᔅᒋᓄᐦᐊᒫᒉᐤ ᑎᐹᒋᒧᐎᓂᔫ ᐁ ᐃᑖᑦ, ᐁᑳ ᐙᐸᐦᑕᐦᒃ ᐊᐌᓐ ᒋᑲ ᒌ ᐋ ᒋᔅᒋᓄᐦᑕᐦᐁᐤ ᑯᑕᒃ ᐊᐌᔫ ᐁᑳ ᐙᐸᐦᑕᒻᔨᒡ᙮ ᓇᒧᐃ ᑮᐹ᙮ ᐌᔥ ᑖᐱᔥᑯᓐ ᒋᑲ ᐴᐦᒋᐸᔫᒡ ᐁ ᐙᔮᔨᒡ᙮

John 9:39

ᒌᓴᔅ ᑳ ᐃᑖᑦ, ᓂᒌ ᐯᒋ ᑕᑯᔑᓐ ᐅᑕᐦ ᐊᔅᒌᐦᒡ ᒉᒌ ᐎᔮᔅᑯᓂᒉᔮᓐ ᐊᓂᑦ ᒉᒌ ᐅᐦᒋ ᐙᐸᐦᑕᐦᒀᐤ ᐊᓂᒌ ᐁᑳ ᑳ ᐙᐸᐦᑕᐦᒀᐤ, ᐁᒄ ᐊᓂᒌ ᑳ ᐙᐸᐦᑕᐦᒀᐤ ᐁᑳ ᒉᒌ ᐙᐸᐦᑕᐦᒀᐤ᙮

1 Timothy 6:5

ᐅᒌ ᒫᒃ ᑳ ᒪᒪᒋᐸᔨᐦᑖᓱᑣᐤ ᓇᒧᐃ ᒋᔅᒉᔨᐦᑕᒧᒡ ᑖᐺᐎᓂᔫ ᑲᔦ ᓇᒧᐃ ᑯᐃᔅᒄ ᒌ ᐃᔑ ᓂᓯᑐᐦᑕᒧᒡ ᑖᐺᐎᓂᔫ᙮ ᐁᔫ ᒫᒃ ᐃᑌᔨᐦᑕᒧᒡ ᐁ ᒋᔐᒪᓂᑑᐙᑎᓰᓈᓄᔨᒡ ᐁᑯᑦ ᒉᒌ ᐅᐦᒋ ᐅᐦᑎᓰᑣᐤ᙮

2 Peter 2:1

ᒌ ᐯᒋ ᐃᐦᑖᐅᒡ ᒫᓐ ᐊᓂᑌ ᐅᑖᐦᒡ ᓇᔅᐹᒡ ᐅᒋᔅᒋᐌᐦᐄᒉᓲᒡ᙮ ᐁᑯᓐ ᒫᒃ ᔮᐸᒡ ᒉ ᐃᔅᐸᔨᐦᒡ ᐊᓂᑌ ᓃᔥᑖᒥᐦᒡ᙮ ᒋᑲ ᐃᐦᑖᐅᒡ ᓂᑕᒧᒄ ᑳ ᐃᔑ ᒋᔅᑯᑕᒫᒉᑣᐤ ᒣᑴᓰᓅ ᐊᓂᑦ ᒋᔐᒪᓂᑑ ᐅᑏᓃᒻ ᐁ ᐃᐦᑖᔨᒡ᙮ ᓂᑕᒧᒄ ᒋᑲ ᐃᔑ ᒋᔅᑯᑕᒫᒉᐅᒡ, ᑲᔦ ᓈᔥᒡ ᑖᐺ ᒋᑲ ᐗᓂᐦᑕᐦᐄᐌᒪᑲᓂᔫ ᑖᓐ ᒉ ᐃᔑ ᒋᔅᑯᑕᒫᒉᑣᐤ᙮ ᐙᐙᒡ ᐊᓂᔫ ᑳ ᓂᐱᔅᑕᒫᑯᑣᐤ ᑌᑲᔥ ᒋᑲ ᐋᑕᐌᔨᒣᐅᒡ᙮ ᐁᑯᑦ ᒫᒃ ᐊᓂᑦ ᒉ ᐅᐦᒋ ᐃᐦᑑᑖᓱᑣᐤ ᓯᔅᒋᑰᒡ ᒉᒌ ᐗᓈᑎᓰᑣᐤ᙮

2 Peter 2:17

ᐅᒌ ᒫᒃ ᐊᐌᓂᒌ ᒬᐦᒡ ᐅᐦᑕᐦᐄᐹᓐ ᐁ ᐹᐦᑯᐸᔨᐦᑯᐙᐤᐦ ᐃᑌᔨᐦᑖᑯᓲᒡ, ᒫᒃ ᒬᐦᒡ ᑲᔅᑲᐗᓂᔥᑯᒡ ᐁ ᐸᐹᒫᓯᑣᐤ᙮ ᐊᓂᑌ ᒫᐅᒡ ᐁ ᐅᑳᔥᑌᔮᔨᒡ ᐁᑯᑌ ᐁ ᐊᔦᔅᑰᔥᑣᑯᑣᐤ ᒋᔐᒪᓂᑑ ᒉᒌ ᐃᐦᑖᑣᐤ᙮

Revelation 19:20

ᐁᒄ ᑳ ᒫᑯᓈᑲᓅᑣᐤ ᐊᓐ ᒪᒋ ᐊᐌᓰᔅ ᐁᒄ ᒫᒃ ᐊᓐ ᒪᒋ ᐅᒋᔅᒋᐌᐦᐄᒉᓲ᙮ ᐁᐅᒄ ᐆ ᒪᒋ ᐅᒋᔅᒋᐌᐦᐄᒉᓲ ᑳ ᒫᒥᔥᑳᒡ ᐃᐦᑎᑦ ᐅᐦᒋᔥᑰ ᐊᓂᔫᐦ ᒪᒋ ᐊᐌᓰᓴ ᐁ ᐃᐦᑖᔨᒡ᙮ ᐁᑯᑦ ᑳ ᐅᐦᒋ ᐎᔦᔑᐦᐋᑦ ᐊᓂᔫᐦ ᐊᐌᔫᐦ ᑳ ᐅᑎᓇᒥᔨᒡ ᐊᓂᔫᐦ ᒪᒋ ᐊᐌᓰᓴ ᐅᒌᓵᐙᒋᐦᐄᐌᐎᓂᔫ ᑲᔦ ᑳ ᓅᒌᔥᑐᐙᔨᒡ ᐊᓂᔫ ᒪᓂᑑᐦᑳᓐ ᒧᔮᒻ ᐊᓂᔫᐦ ᒪᒋ ᐊᐌᓰᓴ ᐁ ᐃᔑᓈᑯᓯᔨᒡ ᑳ ᐃᔑᐦᐋᑲᓄᔨᒡ᙮ ᑖᐱᔥᑯᓐ ᐊᓐ ᒪᒋ ᐊᐌᓰᔅ ᐁᒄ ᒫᒃ ᐊᓐ ᒪᒋ ᐅᒋᔅᒋᐌᐦᐄᒉᓲ ᒋᒋ ᐄᓃᐦᒡ ᒌ ᐃᔓᐌᐱᓈᑲᓅᒡ ᐊᓂᑌ ᒪᒋᔥᑯᑌᐤ ᓵᑲᐦᐄᑲᓂᐦᒡ ᐊᓂᑌ ᐁ ᐃᔥᒀᑌᔨᒡ ᐁ ᐅᓵᐙᐸᐦᑌᔨᒡ ᒉᒀᔫ ᓈᔥᒡ ᐁ ᐐᓂᒫᔅᑌᔨᒡ᙮

Revelation 22:15

ᐊᓂᒌ ᒫᒃ ᑳ ᐐᓂᓲ ᐱᒫᑎᓰᑣᐤ, ᐊᓂᒌ ᑳ ᒪᑌᐅᑣᐤ, ᐊᓂᒌ ᐐᓂᓱᐎᓂᐦᒡ ᑳ ᐃᔑ ᐱᒦᐦᑲᐙᑣᐤ ᐊᐌᔫᐦ, ᐊᓂᒌ ᑳ ᓂᐸᐦᐄᐌᑣᐤ ᐁᒄ ᒫᒃ ᐊᓂᒌ ᑳ ᓅᒌᔥᑐᐙᑣᐤ ᒪᓂᑑᐦᑳᓐᐦ, ᑲᔦ ᐊᓂᒌ ᑳ ᐐᐦᒡ ᓇᓇᑕᐃᑣᐤ ᓇᒧᐃ ᑲᑕ ᒌ ᐲᐦᒉᐅᒡ ᐊᓂᔫᐦ ᐃᐦᑖᐎᓂᔫ᙮