Luke 8:16 - ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᓇᒧᐃ ᐊᐌᓐ ᐊᑯᓇᐦᐊᒻ ᐙᔥᑌᓇᒫᑲᓂᔫ ᐁ ᒌ ᓴᔅᑲᐦᐊᐦᒃ ᒫᒃ ᔒᐹ ᓂᐯᐎᓂᐦᒡ ᒉᒌ ᐊᔥᑖᑦ᙮ ᐌᐦᐯᒪᔥᑖᐤ ᐊᓂᔫ ᐙᔥᑌᓇᒫᑲᓂᔫ ᐁᒄ ᒫᒃ ᒥᓯᐌ ᐊᐌᓐ ᐁ ᐯᒋ ᐲᐦᒉᑦ ᐙᐸᐦᑕᐦᑕᒻ ᐊᓂᔫ ᐁ ᐙᔥᑌᔨᒡ᙮

Chishemanituu Utayimuwin: Kaa Uskaach Testament

¹⁶ “Namui awen akunaham waashtenamaakaniyuu e chii saskahahk maak shiipaa nipewinihch chechii ashtaat. Wehpemashtaau aniyuu waashtenamaakaniyuu ekw maak misiwe awen e pechi piihchet waapahtahtam aniyuu e waashteyich.

Luke 8:16 Iomraidhean Croise

Luke 11:33

ᓇᒧᐃ ᐊᐌᓐ ᓴᔅᑲᐦᐊᒻ ᐙᔥᑌᓇᒫᑲᓂᔫ ᐁᒄ ᒫᒃ ᒉᒌ ᓂᑑ ᑳᑖᑦ, ᒫᒃ ᐎᔦᔥ ᒉᒌ ᐊᑯᓇᐦᐊᐦᒃ᙮ ᐊᔥᑖᐤ ᐊᓂᑌ ᑖᓂᑌ ᒥᓯᐌ ᐊᐌᓐ ᐁ ᐯᒋ ᐲᐦᒉᑦ ᒉᒌ ᐙᐸᐦᑕᐦᒃ ᐁ ᐙᔥᑌᔨᒡ᙮

Luke 8:15

ᐊᓐ ᒫᒃ ᔔᒥᓐ ᑳ ᒥᔪ ᓂᐦᑖᐅᒋᑦ ᐁ ᒥᔪᔅᑲᒥᑳᔨᒡ ᐊᔅᒌᐦᒡ ᒬᐦᒡ ᐁᐅᒄ ᐁ ᐃᔑᓈᑯᓯᑣᐤ ᐊᓂᒌ ᐊᐌᓂᒌ ᑳ ᓂᑐᐦᑕᐦᒀᐤ ᒋᔐᒪᓂᑑ ᐅᑕᔨᒧᐎᓂᔫ᙮ ᓇᓂᐦᐄᐦᑕᒧᒡ, ᑲᔦ ᑲᓄᐌᔨᐦᑕᒧᒡ᙮ ᑲᓇᐙᒡ ᑖᐺᐦᑕᒧᒡ ᐁ ᓰᐲᐌᓰᑣᐤ ᐁᒄ ᒫᒃ ᒉᒃ ᐁ ᒥᔪ ᒦᓂᔔᑣᐤ ᐅᐱᒫᑎᓰᐎᓂᐙᐦᒡ᙮

ᐊᐸᔅᑕᓚᒡ 26:18

ᒋᑎᑎᔕᐦᐅᑎᓐ ᐊᓂᑌ ᐁ ᐃᐦᑖᑣᐤ ᒉᒌ ᓂᓯᑐᐦᑕᒥᐦᐄᑣᐤ ᑖᓐ ᐁ ᐃᔑᓈᑯᓂᔨᒀᐤᐦ ᐅᐱᒫᑎᓰᐎᓇᐙᐤᐦ᙮ ᒋᔅᒉᔨᐦᑕᐦᒀᐌᓂᒡ ᒫᒃ ᐁᒄ ᒉ ᓇᑲᑕᐦᒀᐤ ᐗᓂᑎᐱᔅᑯᓰᐎᓂᔫ ᐁᒄ ᐙᔥᑌᐎᓂᔫ ᒉ ᓈᑕᐦᒀᐤ᙮ ᑲᔦ ᒫᒃ ᒉ ᓇᑲᑕᒧᐙᑣᐤ ᒪᒋᒪᓂᑑ ᐅᓲᐦᑳᑎᓰᐎᓂᔫ ᑌᔭᑯᒡ ᒋᔐᒪᓂᑑᐦ ᐅᓲᐦᑳᑎᓰᐎᓂᔫ ᒉᒌ ᓈᑕᒧᐙᑣᐤ᙮ ᐁᒄ ᒫᒃ ᑖᐺᔨᒥᑣᐌᓂᒡ ᒉ ᐌᐯᔨᐦᑕᒧᐙᑲᓅᑣᐤ ᐅᒪᒋᐦᑣᐎᓇᐙᐤᐦ᙮ ᐁᒄ ᒫᒃ ᒉ ᒪᓯᓈᓱᑣᐤ ᑲᔦ ᐎᔭᐙᐤ ᐊᓂᑌ ᒣᓯᓈᓱᔨᒡ ᒋᔐᒪᓂᑑ ᐅᑏᒦᐦ ᐊᓂᔫᐦ ᑳ ᐎᔮᐸᒫᑦ᙮

Revelation 1:20

ᐊᓂᒌ ᒫᒃ ᓃᔣᔥᒡ ᐊᒐᐦᑯᔕᒡ ᑳ ᐙᐸᒦᓐ ᓂᐦᐄᐎᓂᑎᐦᒌᐦᒡ ᐁ ᑕᐦᑯᓂᐦᒀᐤ ᑲᔦ ᐊᓂᔫᐦ ᓃᔣᔥᒡ ᑳ ᐅᔖᐅᔔᓕᔮᐙᐱᔅᑰᐦᒀᐤ ᐙᔥᑌᓇᒫᑲᓈᐦᑎᒄ ᐁᐅᒄ ᐆ ᐁ ᐃᔑ ᐐᐦᑕᒫᒉᒪᑲᐦᒀᐤᐦ᙮ ᐊᓂᒌ ᓃᔣᔥᒡ ᐊᒐᐦᑯᔕᒡ ᐁᐅᒄ ᐊᓂᒌ ᐁᓐᒋᓕᒡ ᑳ ᓃᑳᓂᔥᑯᐙᑣᐤ ᐅᒫᒨᐊᔨᒥᐦᐋᐤᐦ ᐊᓂᑌ ᐊᓂᔫ ᓃᔣᔥᒡ ᐊᔨᒥᐦᐁᐅᑲᒥᑯᐦ ᑳ ᐃᐦᑖᑣᐤ᙮ ᐁᒄ ᐊᓂᔫᐦ ᓃᔣᔥᒡ ᑳ ᐅᔖᐅᔔᓕᔮᐅᐙᐱᔅᑰᐦᒀᐤᐦ ᐙᔥᑌᓇᒫᑲᓈᐦᑎᒄ ᐁᐅᒄ ᐊᓂᔫᐦ ᓃᔣᔥᒡ ᐊᔨᒥᐦᐁᐅᑲᒥᑯᐦ ᑳ ᐋᔨᒨᑌᒀᐤᐦ᙮

Revelation 11:4

ᐅᒌ ᒫᒃ ᓃᔓ ᐋᐸᒋᐦᐋᑲᓐᒡ ᐁᐅᑯᓂᒡ ᐊᓂᒌ ᑳ ᓃᔓᑳᐴᑣᐤ ᐊᓕᕝ ᒥᔅᑎᑯᒡ ᑲᔦ ᐁᐅᑯᓂᒡ ᐊᓂᒌ ᐊᓂᔫᐦ ᓃᔓ ᐙᔥᑌᓇᒫᑲᓈᐦᑎᒄ ᐅᐦᒋᔥᑰ ᒋᔐᒪᓂᑑ ᐁ ᐃᐦᑖᑦ ᑳ ᐃᐦᑕᑯᓂᔨᒀᐤᐦ, ᐊᓂᔫᐦ ᒥᓯᐌ ᐊᔅᒌᔫ ᑳ ᐅᒋᒫᐅᑐᑕᒥᔨᒡ᙮