Luke 11:41 - ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴¹ ᑴᔅᑳᑎᓰᒄ, ᐴᓃᒄ ᐊᓐ ᐁ ᐃᐦᑎᔦᒄ ᒥᒄ ᒋᔭᐙᐤ ᐁ ᐐ ᐊᔮᔦᒄ ᒉᒀᓐ᙮ ᒥᔮᐦᑯᒡ ᐊᓂᒌ ᑳ ᒋᔅᑎᒫᑎᓰᑣᐤ ᑖᓐ ᐁ ᐃᔑ ᓂᑐᐌᔨᐦᑕᐦᒀᐤ᙮ ᐁᒄ ᒫᒃ ᒉ ᐸᔦᐦᒋᓈᑯᐦᒀᐤ ᒋᐱᒫᑎᓰᐎᓇᐙᐤ᙮

Chishemanituu Utayimuwin: Kaa Uskaach Testament

⁴¹ Kweskaatisiikw, puuniikw an e ihtiyekw mikw chiyawaau e wii ayaayekw chekwaan. Miyaahkuch anichii kaa chistimaatisiitwaau taan e ishi nituweyihtahkwaau. Ekw maak che payehchinaakuhkwaau chipimaatisiiwinawaau.”

Luke 11:41 Iomraidhean Croise

Matthew 26:11

ᒨᔥ ᒋᑲ ᐃᐦᑖᐅᒡ ᑳ ᒋᔅᑎᒫᑎᓰᑣᐤ ᐅᑕᐦ ᐁ ᐃᐦᑖᔦᒄ, ᓂᔭ ᒫᒃ ᓇᒧᐃ ᒨᔥ ᓂᑲ ᐅᐦᒋ ᐃᐦᑖᓐ ᐅᑕᐦ ᐁ ᐃᐦᑖᔦᒄ᙮

Matthew 5:42

ᑲᔦ ᐊᐌᓐ ᓂᑐᐌᔨᐦᑕᒫᔅᑫ ᒉᒀᔫ, ᒦ᙮ ᒫᒃ ᐊᐌᓐ ᐐ ᐊᐅᐦᐋᓲᒥᔅᑫ ᒉᒀᔫ, ᒦ ᐊᓂᔫ ᒉᒀᔫ ᐙ ᐅᐦᐋᓱᒥᔅᒃ᙮

Mark 7:19

ᐌᔥ ᑖᐹ ᐅᑌᐦᐄᐦᒡ ᐲᐦᒋᐸᔨᓂᔫ ᐊᓂᔫ ᒦᒋᒥᔫ ᐊᓂᑌ ᐅᑕᑎᓰᐦᒡ ᐁᑯᑌ ᐁ ᐃᔅᐸᔨᔨᒡ ᐁᒄ ᒫᒃ ᐌᔭᐐᐸᔨᐦᑖᑦ᙮ ᐅᔫ ᑳ ᐃᑗᑦ ᒌᓴᔅ ᒌ ᐐᐦᑕᒻ ᒥᓯᐌ ᐁ ᐃᔑᓈᑯᓂᔨᒡ ᒦᒋᒥᔫ ᐁ ᐸᔦᐦᑲᓂᔨᒡ ᒉᒌ ᒦᒋᓈᓄᔨᒡ᙮

Luke 12:33

ᐊᑖᐌᒄ ᐊᓂᔫ ᒉᒀᔫ ᐁ ᐃᔑ ᑎᐱᔦᐅᓯᔦᒄ ᐁᒄ ᒉ ᒥᔦᑯᒡ ᑳ ᒋᔅᑎᒫᑎᓰᑣᐤ ᐊᓂᔫ ᔔᓕᔮᔫ᙮ ᐌᔥ ᐆ ᐃᔑ ᐃᐦᑑᑕᒣᑴ ᒋᔐᒪᓂᑑ ᒋᑲ ᑎᐸᐦᐊᒫᑯᐙᐤ ᓀᑌ ᑭᐦᒋᑮᔑᑯᐦᒡ᙮ ᐌᔥ ᑖᓐ ᒉ ᐃᔑ ᑎᐸᐦᐊᒫᑖᒄ ᒋᔐᒪᓂᑑ ᓇᒧᐃ ᓂᐦᑖ ᒋᑲ ᐅᐦᒋ ᐃᔅᒀᐸᔫ ᐌᔥ ᓇᒧᐃ ᓂᐦᑖ ᒋᑲ ᒌ ᑲᒉᒧᑕᒫᑯᓈᐙᐤ ᑲᔦ ᒪᓂᒎᔕᒡ ᓇᒧᐃ ᒋᑲ ᒌ ᐗᓈᒋᐦᑖᐅᒡ᙮

Luke 16:9

ᐁᒄ ᒌᓴᔅ ᒦᓐ ᑳ ᐊᑎ ᐃᑖᑦ, ᒋᐐᐦᑕᒫᑎᓈᐙᐤ, ᐋᐸᒋᐦᑖᒄ ᑖᓐ ᐁ ᐃᔑ ᐊᔮᔦᒄ ᒉᒌ ᒥᔪᑑᑕᒣᒄ ᐁᒄ ᒫᒃ ᒉᒌ ᐐᒉᐙᑲᓂᔦᒄ᙮ ᐃᔅᑯᑕᒃ ᒫᒃ ᐴᓂᐱᒫᑎᓯᔦᑴ ᐁᒄ ᒫᒃ ᒉ ᐲᐦᑕᑲᐦᐄᑯᔦᒄ ᐊᓂᑌ ᑳᒋᒉ ᒉ ᐐᒋᔦᒄ᙮

Luke 18:22

ᐃᔅᑯᑕᒃ ᒫᒃ ᒌᓴᔅ ᐱᔦᐦᑕᐙᑦ ᐅᔫ ᐁ ᐃᑗᔨᒡ ᒌ ᐃᑌᐤ, ᐁᔥᒄ ᒫᒃ ᐯᔭᒄ ᒉᒀᓐ ᒦᓐ ᓂᑐᐌᔨᐦᑖᑯᓐ ᒉᒌ ᐃᐦᑑᑕᒪᓐ᙮ ᐊᑖᐌ ᒥᓯᐌ ᑖᓐ ᐁ ᐃᔑ ᐊᔮᔨᓐ, ᐁᒄ ᐊᓐ ᔔᓕᔮᐤ ᑳ ᒋᔅᑎᒫᑎᓰᑣᐤ ᒉ ᒦᑣᐤ᙮ ᐁᒄ ᒫᒃ ᒉ ᐊᔮᔨᓐ ᒦᓯᑎᓰᐎᓐ ᑭᐦᒋᑮᔑᑯᐦᒡ ᑳ ᐃᐦᑕᑯᐦᒡ᙮ ᒌ ᐃᐦᑑᑕᒪᓀ ᒫᒃ ᐆ ᐁᒄ ᒫᒃ ᒉ ᐯᒋ ᓅᔔᔥᑯᐎᔨᓐ᙮

Luke 19:8

ᓵᑭᔭᔅ ᒫᒃ ᒌ ᐱᓯᑰ ᐁᒄ ᑳ ᐃᑖᑦ ᐅᑎᐯᔨᐦᒋᑫᐤ, ᓂᑐᐦᑑ ᒫ ᐅᑎᐯᔨᐦᒋᑫᐤ᙮ ᐋᐱᐦᑑ ᐁ ᐃᔥᐱᔥ ᐊᔮᔮᓐ ᓂᑲ ᒥᔮᐅᒡ ᐊᓂᒌ ᑳ ᒋᔅᑎᒫᑎᓰᑣᐤ᙮ ᑳ ᒋᒧᑕᒧᐙᐅᒉ ᐊᐌᓐ ᐅᔅᑌ ᓀᐙᐤ ᓂᑲ ᑖᐱᒥᔮᐤ᙮

ᐊᐸᔅᑕᓚᒡ 10:15

ᐁᒄ ᒦᓐ ᑳ ᐅᐦᒋ ᐯᐦᑕᐙᑦ ᐊᐌᔫ ᐁ ᐃᑎᑯᑦ᙮ ᐁᑳᐐ ᐃᑗᐦ ᐁ ᐐᓈᒡ ᐊᓂᔫ ᒋᔐᒪᓂᑑ ᐁ ᒌ ᐃᑗᑦ ᐁ ᐸᔦᐦᑲᓂᔨᒡ᙮

ᐊᐸᔅᑕᓚᒡ 11:29

ᐁᒄ ᐊᓂᒌ ᒋᔅᒋᓄᐦᐊᒧᐙᑲᓂᒡ ᒥᓯᐌ ᐹᐦᐯᔭᒄ ᐁ ᑕᔑᑣᐤ ᑳ ᐎᔦᔨᐦᑕᐦᒀᐤ ᓲᐦᒃ ᒉ ᐐᒋᐦᐋᑣᐤ ᑖᓐ ᐁ ᐃᔑ ᓂᑐᐌᔨᐦᑕᒥᔨᒡ ᐊᓂᔫ ᐐᒋᔖᓇᐙᐤ ᐊᓂᑌ ᒎᑎᔭ ᐊᔅᒌᐦᒡ ᑳ ᐃᐦᑖᔨᒡ᙮

ᐊᐸᔅᑕᓚᒡ 24:17

ᒥᐦᒉᑐ ᐱᐳᓐ ᓇᒧᐃ ᓅᐦᒋ ᐃᐦᑖᓐ ᐊᓂᑌ ᒉᕉᓴᓚᒥᐦᒡ᙮ ᐃᔅᑯᑕᒃ ᒫᒃ ᑳᐤ ᑳ ᑕᑯᔑᓂᔮᓐ ᐊᓂᑦ, ᓂᒌ ᐯᑕᐙᐅᒡ ᓂᑏᓃᒪᒡ ᐸᒋᔥᑎᓂᒉᐎᓂᔫ ᐁ ᒌ ᒥᔮᑲᓄᔨᒡ ᐊᓂᔫ ᑳ ᒋᔅᑎᒫᑎᓰᑣᐤ, ᐁᒄ ᒫᒃ ᐁᔫ ᓂᒌ ᓈᒐᔨᒥᐦᐋᓐ ᒉᒌ ᒪᒋᔥᑕᐌᐦᐊᒨᒃ ᒋᔐᒪᓂᑑ᙮

2 Corinthians 8:12

ᓅᑯᐦᒉ ᓈᔥᒡ ᐁ ᐋᓯᐦᒉᔨᐦᑕᒣᒄ ᒉᒌ ᐸᒋᔥᑎᓂᒉᔦᒄ ᐁᐅᒄ ᐅᔫ ᒉ ᓇᐦᐁᔨᐦᑕᒥᐦᐄᑯᑦ ᒋᔐᒪᓂᑑ᙮ ᑖᐹ ᐊᓂᔫ ᐁᑳ ᐁ ᐊᔮᐗᑦ ᑲᑕ ᐅᐦᒋ ᑲᓇᐙᐸᐦᑕᒻ᙮ ᐊᓂᔫ ᑖᓐ ᐁ ᐃᔑ ᐊᔮᐗᑦ ᐁᐅᒄ ᐊᓂᔫ ᒉ ᑲᓇᐙᐸᐦᑕᐦᒃ᙮

Ephesians 4:28

ᑲᔦ ᒫᒃ ᐊᓐ ᐊᐌᓐ ᑳ ᑲᒉᒧᑎᑦ ᒋᐹ ᐴᓂᔫ ᐁ ᑲᒉᒧᑎᑦ᙮ ᑌᔭᑯᒡ ᒋᐹ ᐋᐸᑎᓲ ᑯᐃᔅᒄ ᐁ ᐃᐦᑎᑦ ᐁ ᐐ ᐐᒋᐦᐄᓱᑦ ᑲᔦ ᒫᒃ ᐋᐸᑎᓯᑌ ᐁᑯᑌ ᒉᒌ ᐅᐦᒋ ᐐᒋᐦᐋᑦ ᑳ ᑲᒋᔅᑎᒫᑎᓰᑣᐤᐦ ᐊᐌᔫᐦ᙮

Titus 1:15

ᐊᓐ ᐊᐌᓐ ᑳ ᐸᔦᐦᒋ ᐱᒫᑎᓰᑦ ᒥᓯᐌ ᒉᒀᔫ ᐸᔦᐦᒋᓈᑯᓂᔫ, ᐁᒄ ᐊᓐ ᐊᐌᓐ ᑳ ᒪᒑᑎᓰᑦ ᑲᔦ ᐁᑳ ᑳ ᑖᐺᐦᑕᐦᒃ ᓇᒧᐃ ᒉᒀᔫ ᐸᔦᐦᒋᓈᑯᓂᔫ ᐌᔥ ᓈᔥᒡ ᑖᐺ ᐐᓈᔫ ᐅᒥᑐᓀᔨᐦᒋᑲᓐ ᑲᔦ ᐅᑌᐦᐄ᙮

Hebrews 13:16

ᐁᑳᐐ ᐴᓃᒄ ᐁ ᒥᔪᑑᑕᒫᒉᔦᒄ ᑲᔦ ᐁ ᒫᑎᓄᐌᐸᔨᐦᑖᑐᔦᒄ ᑖᓐ ᐁ ᐃᔑ ᐊᔮᔦᒄ᙮ ᐌᔥ ᑌᑲᔥ ᐁ ᐸᒋᔥᑌᔨᒥᓱᑦ ᐊᐌᓐ ᐅᔫ ᒉᒌ ᐃᐦᑎᑦ ᓇᐦᐁᔨᐦᑕᒥᐦᐁᐤ ᒋᔐᒪᓂᑑᐦ᙮

Hebrews 6:10

ᐁᐦᐁ, ᒋᑖᐺᐅᒉᔨᒥᑎᓈᐙᐤ ᐁ ᒌ ᐱᒫᒋᐦᐅᔦᒄ᙮ ᓂᒋᔅᒉᔨᒫᐤ ᒋᔐᒪᓂᑑ ᑯᐃᔅᒄ ᐁ ᐃᐦᑑᑕᐙᑦ ᒥᓯᐌ ᐊᐌᔫᐦ᙮ ᒋᒋᔅᒉᔨᒥᑯᐙᐤ ᑖᓐ ᑳ ᐃᔑ ᒥᔪᑑᑕᒧᐌᒄ ᑲᔦ ᑖᓐ ᑳ ᐃᔑ ᓅᑯᐦᑕᐌᒄ ᐁ ᓵᒋᐦᐁᒄ ᐁ ᒌ ᐐᒋᐦᐄᒣᒄ ᑳ ᑖᐺᐦᑕᒦᑣᐤᐦ ᑲᔦ ᐁᔥᒄ ᐁ ᐐᒋᐦᐄᒣᒄ᙮ ᓇᒧᐃ ᒫᒃ ᒋᑲ ᐅᐦᒋ ᐗᓂᒋᔅᒋᓲ ᐅᔫ᙮

James 1:27

ᐊᓐ ᐊᔨᒥᐦᐁᐎᓐ ᑳ ᐃᑌᔨᐦᑕᐦᒃ ᒋᔐᒪᓂᑑ ᑳ ᐅᐦᑖᐐᒫᐅᑦ ᐁ ᑯᐃᔅᑯᓈᑯᓂᔨᒡ ᑲᔦ ᐁ ᐸᔦᐦᒋᓈᑯᓂᔨᒡ ᒫᐤ ᐁ ᐃᔑᓈᑯᐦᒡ, ᐃᐦᑑᑖᑰ ᐊᐌᓐ ᒉᒌ ᒥᔪ ᐐᒋᐦᐋᑦ ᒌᔫᓵᓂᔕ ᐁᒄ ᒫᒃ ᑳ ᐯᔭᑯᔨᑣᐤᐦ ᐃᔅᑴᐤᐦ ᒣᒀᒡ ᐁ ᐋᔨᒧᐦᐅᔨᒡ ᑲᔦ ᒫᒃ ᐃᐦᑑᑖᑰ ᐊᐌᓐ ᐁᑳ ᒥᑐᓐ ᒉᒌ ᐐᓂᐦᐄᑯᔨᒡ ᒪᒑᑎᓰᐎᓂᔫ ᑖᓐ ᐁ ᐃᔑ ᐃᐦᑕᑯᓂᔨᒡ ᐅᑕᐦ ᐊᔅᒌᐦᒡ᙮