Luke 10:22 - ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᐁᒄ ᒌᓴᔅ ᐃᔅᑯᑕᒃ ᑳ ᒌᔑ ᐊᔨᒥᐦᐋᑦ ᑳ ᐃᑖᑦ ᐊᓂᔫ ᐊᓂᑦ ᑳ ᐃᐦᑖᔨᑣᐤᐦ, ᓅᐦᑖᐐ ᒥᓯᐌ ᒉᒀᔫ ᓂᒌ ᒦᒄ ᒉᒌ ᓈᓈᑲᑐᐌᔨᐦᑕᒫᓐ᙮ ᐌᔥ ᓇᒧᐃ ᐊᐌᓐ ᒋᔅᒉᔨᒣᐤ ᐊᐌᔫ ᐅᑯᓯᓯᒫᐤ, ᒥᒄ ᐅᐦᑖᐐᒫᐤ ᒋᔅᒉᔨᒣᐤ᙮ ᑲᔦ ᒫᒃ ᓇᒧᐃ ᐊᐌᓐ ᒋᔅᒉᔨᒣᐤ ᐊᐌᔫ ᐅᐦᑖᐐᒫᐤ, ᒥᒄ ᐅᑯᓯᓯᒫᐤ, ᑲᔦ ᒥᒄ ᐎᔭ ᐅᑯᓯᓯᒫᐤ ᒋᑲ ᐎᔮᐸᒣᐤ ᐊᐌᔫᐦ ᐊᓂᔫᐦ ᒉᒌ ᒋᔅᒉᔨᒫᔨᒡ ᐅᐦᑖᐐᒫᐤ᙮

Chishemanituu Utayimuwin: Kaa Uskaach Testament

²² Ekw Jesus iskutak kaa chiishi ayimihaat kaa itaat aniyuu anit kaa ihtaayitwaauh, “Nuuhtaawii misiwe chekwaayuu nichii miikw chechii naanaakatuweyihtamaan. Wesh namui awen chischeyimeu aweyuu Ukusisimaau, mikw Uhtaawiimaau chischeyimeu. Kaye maak namui awen chischeyimeu aweyuu Uhtaawiimaau, mikw Ukusisimaau, kaye mikw wiya Ukusisimaau chika wiyaapameu aweyuuh aniyuuh chechii chischeyimaayich Uhtaawiimaau.”

Luke 10:22 Iomraidhean Croise

Matthew 11:25

ᐁᑯᑦ ᒫᒃ ᒌᓴᔅ ᑳ ᐊᔨᒥᐦᐋᑦ ᐁ ᐃᑗᑦ, ᓅᐦᑖᐐ, ᒋᓇᓈᔅᑯᒥᑎᓐ ᐁ ᒌ ᐙᐸᐦᑏᑣᐤ ᐊᓂᒌ ᐊᐌᓂᒌ ᐁᑳ ᐅᐦᒋ ᒋᔅᑯᑕᒧᐙᑲᓅᑣᐤ ᐊᓂᔫᐦ ᒉᒀᔫᐦ ᑳ ᑳᑑᑣᐤ ᑳ ᑲᒉᐦᑖᐌᔨᐦᑕᐦᒀᐤ᙮

Matthew 11:27

ᐁᒄ ᒌᓴᔅ ᐃᔅᑯᑕᒃ ᑳ ᒌᔥ ᐊᔨᒥᐦᐋᑦ ᒌ ᐃᑌᐤ, ᓅᐦᑖᐐ ᒥᓯᐌ ᒉᒀᔫ ᓂᒌ ᒦᒄ ᒉᒌ ᓇᓈᑲᑐᐌᔨᐦᑕᒧᒡ᙮ ᐌᔥ ᓇᒧᐃ ᐊᐌᓐ ᒋᔅᒉᔨᒣᐤ ᐊᐌᔫ ᐊᓂᔫ ᐅᑯᓯᓯᒫᐤ, ᒥᒄ ᐅᐦᑖᐐᒫᐤ ᒋᔅᒉᔨᒣᐤ᙮ ᑲᔦ ᒫᒃ ᓇᒧᐃ ᐊᐌᓐ ᒋᔅᒉᔨᒣᐤ ᐊᐌᔫ ᐅᐦᑖᐐᒫᐤ, ᒥᒄ ᐅᑯᓯᓯᒫᐤ ᒋᔅᒉᔨᒣᐤ, ᑲᔦ ᒥᒄ ᐎᔭ ᐅᑯᓯᓯᒫᐤ ᒋᑲ ᐎᔮᐸᒣᐤ ᐊᐌᔫᐦ ᐊᓂᔫᐦ ᒉᒌ ᒋᔅᒉᔨᒫᔨᒡ ᐅᐦᑖᐐᒫᐤ᙮

Matthew 28:18

ᐁᒄ ᑳ ᓈᑎᑯᑣᐤ ᒌᓴᔅ ᑳ ᐃᑎᑯᑣᐤ, ᓂᒌ ᒦᑰᓐ ᓂᔭ ᑌᑲᔥ ᒉᒌ ᐅᒋᒫᐦᑲᐦᑕᒫᓐ ᑭᐦᒋᑮᔑᒄ ᓀᔥᑦ ᐊᔅᒌ᙮

John 1:18

ᓇᒧᐃ ᐐᔅᑳᑦ ᐊᐌᓐ ᐅᐦᒋ ᐙᐸᒣᐤ ᒋᔐᒪᓂᑑ, ᒥᒄ ᐊᓂᔫ ᑳ ᐯᔭᑯᔑᔨᒡ ᐅᑯᓯᓴ ᑳ ᓵᒋᐦᐋᑦ ᒌ ᐃᐦᑑᑖᑰ ᒉᒌ ᒋᔅᒉᔨᒫᑲᓅᑦ᙮

John 10:15

ᒬᐦᒡ ᐁ ᐃᔑ ᒋᔅᒉᔨᒥᑦ ᐅᐦᑖᐐᒫᐤ ᑲᔦ ᒫᒃ ᓂᔭ ᐁ ᐃᔑ ᒋᔅᒉᔨᒪᒃ᙮ ᒥᑐᓐ ᒫᒃ ᓂᑎᑌᔨᐦᑕᒥᐦᐄᑯᐙᓐ ᒉᒌ ᐸᒋᔥᑎᓂᓲᒡ ᒉᒌ ᓂᐸᐦᐄᑰᒡ ᐎᔭᐙᐤ ᐅᐦᒋ ᐊᓂᒌ ᓂᒫᓂᔥᒑᓂᔑᒪᒡ᙮

John 13:3

ᒌᓴᔅ ᒌ ᒋᔅᒉᔨᐦᑕᒻ ᐅᐦᑖᐐᒫᐤ ᐁ ᒌ ᒦᑯᑦ ᓲᐦᑳᑎᓰᐎᓂᔫ ᒥᓯᐌ ᒉᒀᔫ ᒉᒌ ᐃᐦᑑᑕᐦᒃ, ᑲᔦ ᒌ ᒋᔅᒉᔨᐦᑕᒻ ᒋᔐᒪᓂᑑ ᐁ ᐃᐦᑖᔨᒡ ᐁ ᐅᐦᒌᑦ ᑲᔦ ᒦᓐ ᑳᐤ ᐊᓂᑌ ᒋᔐᒪᓂᑑ ᐁ ᐃᐦᑖᔨᒡ ᒉ ᐃᑐᐦᑌᑦ᙮

John 17:10

ᒥᓯᐌ ᐅᒌ ᑳ ᑎᐱᔦᐅᓯᔨᓐ ᑲᔦ ᓂᔭ ᓂᑎᐱᔦᐅᓰᓐ᙮ ᒥᓯᐌ ᐊᓂᒌ ᑳ ᑎᐱᔦᐅᓯᔮᓐ ᑲᔦ ᒋᔭ ᒋᑎᐱᔦᐅᓰᓐ᙮ ᓂᒌ ᒋᔅᑌᔨᐦᑖᑯᐦᐄᑰᓐ ᒫᒃ ᐎᔭᐙᐤ ᐅᐦᒋ᙮

John 17:2

ᐌᔥ ᒋᒌ ᒥᔮᐤ ᑎᐯᔨᐦᒋᒉᐎᓂᔫ ᒥᓯᐌ ᐊᐌᔫ ᒉᒌ ᑎᐯᔨᒫᑦ᙮ ᐁᒄ ᒫᒃ ᑳᒋᒉ ᐱᒫᑎᓰᐎᓂᔫ ᒉᒌ ᒥᔮᑦ ᒥᓯᐌ ᐊᓂᔫᐦ ᐊᐌᔫᐦ ᑳ ᒥᔭᑦ᙮

John 17:26

ᓂᒌ ᐃᐦᑑᑕᐙᐅᒡ ᒉᒌ ᒋᔅᒉᔨᒥᔅᒀᐤ ᑲᔦ ᒫᒃ ᓇᒧᐃ ᓂᑲ ᐅᐦᒋ ᐴᓃᐙᓐ ᐊᓂᔫ ᐁ ᐃᐦᑑᑑᒀᐤ᙮ ᐁᒄ ᒫᒃ ᐊᓐ ᑖᓐ ᐁ ᐃᔥᐱᔥ ᓵᒋᐦᐃᔨᓐ ᑲᔦ ᐎᔭᐙᐤ ᒉᒌ ᐲᐦᒋᔥᑳᑯᑣᐤ᙮ ᐁᒄ ᒫᒃ ᑲᔦ ᓂᔭ ᒉ ᐲᐦᒋᔥᑰᒀᐤ᙮

John 17:5

ᓅᐦᑖᐐ, ᒋᔅᑌᔨᐦᑖᑯᐦᐄᐦ ᒬᐦᒡ ᐊᓐ ᑳ ᐃᔥᐱᔥ ᒋᔅᑌᔨᐦᑖᑯᓯᔮᓐ ᐁᔥᒄ ᐁ ᒌ ᐃᐦᑖᔮᓐ ᐊᓂᑌ ᐁ ᐃᐦᑖᔨᓐ, ᐁᔥᒄ ᐁᑳ ᐅᐦᒋ ᐅᔑᐦᑖᔨᓐ ᐆ ᐊᔅᒌ᙮

John 3:35

ᐅᐦᑖᐐᒫᐤ ᓵᒋᐦᐁᐤ ᐅᑯᓯᓯᒫᐤ᙮ ᒌ ᒥᔦᐤ ᒥᓯᐌ ᒉᒀᔫ ᒉᒌ ᐐᔓᐙᑕᒥᔨᒡ᙮

1 Corinthians 15:24

ᐁᒄ ᒫᒃ ᙭ ᒉ ᐗᓈᒋᐦᑖᑦ ᒥᓯᐌ ᐅᒋᒫᐎᓂᔫ, ᒥᓯᐌ ᑎᐯᔨᐦᒋᒉᐎᓂᔫ ᑲᔦ ᓲᐦᑳᑎᓰᐎᓂᔫ᙮ ᐁᒄ ᒫᒃ ᒉ ᐃᔅᒀᐸᔨᐦᒡ ᐊᔅᒌ᙮ ᐃᔅᑯᑕᒃ ᒫᒃ ᐆ ᒌ ᐃᔅᐸᔨᐦᒉ ᐁᒄ ᙭ ᒉ ᒥᔮᑦ ᒋᔐᒪᓂᑑᐦ ᐅᐦᑖᐐᒫᐤᐦ ᒋᔐᐅᒋᒫᐎᓂᔫ᙮

2 Corinthians 4:6

ᐃᑕᔥᑌᐤ ᒋᔐᒪᓂᑑ ᐅᑕᔨᒧᐎᓂᐦᒡ ᐁ ᒌ ᐃᑗᑦ ᒋᔐᒪᓂᑑ, ᒋᑲ ᐙᔥᑌᐤ ᐊᓂᑌ ᐅᐦᒋ ᐗᓂᑎᐱᔅᑯᓰᐎᓂᐦᒡ᙮ ᐁᐅᒄ ᐆ ᔮᐸᒡ ᒋᔐᒪᓂᑑ ᑳ ᐃᐦᑑᑕᐦᒃ ᒉᒌ ᐙᔥᑌᔨᒡ ᒋᑌᐦᐄᓈᐦᒡ᙮ ᐁᑯᑦ ᒫᒃ ᐌᐦᒋ ᑲᔅᒋᐦᐅᐸᔨᐦᒡ ᒉᒌ ᐐᒋᐦᐄᐦᒀᐤ ᑯᑕᑲᒡ ᐊᐌᓂᒌ ᒉᒌ ᐙᐸᐦᑕᐦᒀᐤ ᐅᔫ ᐙᔥᑌᐎᓂᔫ᙮ ᐆ ᒫᒃ ᐙᔥᑌᐎᓐ ᐁᐅᒄ ᐊᓂᔫ ᒋᔐᒪᓂᑑ ᐅᒋᔅᑌᔨᐦᑖᑯᓱᐎᓐ᙮ ᒌᓴᔅ ᙭ ᒫᒃ ᐁ ᐃᐦᑖᑦ ᐁᑯᑦ ᐌᐦᒋ ᓅᑯᓂᔨᒡ ᐊᓂᔫ ᐅᒋᔅᑌᔨᐦᑖᑯᓱᐎᓐ᙮

Ephesians 1:21

ᐎᔭ ᙭ ᐅᔅᑌ ᐃᑌᔨᐦᑖᑯᓂᔫ ᐅᑎᐯᔨᒋᒉᐎᓐ ᐃᔥᐱᔖᑦ ᐊᓂᔫᐦ ᑳ ᐅᒋᒫᐎᔨᒡ, ᑳ ᑎᐯᔨᐦᒋᒉᔨᒡ, ᑳ ᓲᐦᑳᑎᓯᔨᒡ, ᑲᔦ ᑳ ᓃᑳᓂᐱᔨᒡ᙮ ᐎᔭ ᐅᔅᑌ ᐃᑌᔨᐦᑖᑯᓂᔫ ᐅᑎᔑᓂᐦᑳᓱᐎᓐ ᐁ ᐃᑌᔨᐦᑖᑯᓂᔨᒡ ᑯᑕᒃ ᐊᐌᓐ ᐅᑎᔑᓂᐦᑳᓱᐎᓐ ᐊᓄᐦᒌᔥ ᑲᔦ ᐊᓂᑌ ᓃᔥᑕᒥᐦᒡ᙮

Hebrews 2:8

ᒋᒌ ᒥᔮᐤ ᒉᒌ ᐅᒋᒫᐦᑲᐦᑕᐦᒃ ᒥᓯᐌ ᒉᒀᔫ᙮ ᐁᐅᒃ ᐆ ᐁ ᐃᑕᔥᑌᒡ ᒋᔐᒪᓂᑑ ᐅᑕᔨᒧᐎᓂᐦᒡ᙮ ᒋᒌ ᐐᐦᑕᒫᑯᓅ ᒫᒃ ᒋᔐᒪᓂᑑ ᐅᑕᔨᒧᐎᓂᐦᒡ ᒥᓯᐌ ᒉᒀᔫ ᐁ ᒌ ᒦᑕᐦᒄ ᒉᒌ ᐅᒋᒫᐦᑲᐦᑕᒧᐦᒄ᙮ ᓇᒧᐃ ᐃᐦᑕᑯᓐ ᒉᒀᓐ ᐁᑳ ᒉᒌ ᐅᒋᒫᐦᑲᐦᑕᒧᐦᒄ᙮ ᐊᓄᐦᒌᔥ ᒫᒃ ᐁᔥᒄ ᓇᒧᐃ ᒋᐙᐸᐦᑌᓈᓅ ᒥᓯᐌ ᒉᒀᓐ ᒉᒌ ᐅᒋᒫᐦᑲᐦᑕᒧᐦᒄ ᒋᔮᓅ ᑳ ᐄᓃᐐᐦᒄ ᐅᑕᐦ ᐊᔅᒌᐦᒡ᙮

1 John 5:20

ᒋᒋᔅᒉᔨᐦᑌᓈᓅ ᒋᔐᒪᓂᑑ ᐅᑯᓯᓴ ᐁ ᒌ ᐯᒋ ᑕᑯᔑᓂᔨᒡ ᐅᑕᐦ ᐊᔅᒌᐦᒡ, ᒉᒌ ᒋᔅᑯᑕᒫᑕᐦᒄ ᒉᒌ ᒋᔅᒉᔨᒪᐦᒄ ᐊᓂᔫ ᒋᐦᒋᐌ ᒋᔐᒪᓂᑐᐎᔨᒡ᙮ ᒋᐐᒉᐙᓅ ᐊᓐ ᑖᐺ ᒉᔐᒪᓂᑑᑦ ᐁ ᐐᒉᐅᒪᐦᒃ ᐅᑯᓯᓴ ᒌᓴᔅ ᙭᙮ ᐁᐅᒄ ᐆ ᑖᐺ ᒉᔐᒪᓂᑑᑦ, ᐊᓐ ᑳ ᒦᐌᑦ ᑳᒋᒉ ᐱᒫᑎᓰᐎᓂᔫ᙮

2 John 1:9

ᐊᓐ ᐊᐌᓐ ᐊᔨᐙᒃ ᑳ ᐃᔑ ᒋᔅᑯᑕᒫᒉᑦ ᑖᓐ ᐁ ᐃᔑ ᒋᔅᑯᑕᒫᒉᔨᒡ ᙭ ᑲᔦ ᐁᑳ ᑳ ᓇᓂᐦᐄᐦᑐᐙᑦ ᑖᓐ ᑳ ᐃᔑ ᒋᔅᑯᑕᒫᒉᔨᒡ ᓇᒧᐃ ᐊᔮᐌᐤ ᒋᔐᒪᓂᑑᐦ᙮ ᐁᒄ ᐊᓐ ᐊᐌᓐ ᒨᔥ ᔮᒀᐤ ᑳ ᓈᓈᑲᒋᐦᑖᑦ ᑖᓐ ᐁ ᐃᔑ ᒋᔅᑯᑕᒫᒉᔨᒡ ᙭ ᑖᐱᔥᑯᓐ ᐅᐦᑖᐐᒫᐤ ᐁᒄ ᒫᒃ ᐅᑯᓯᓯᒫᐤ ᐐᒉᐌᐤ᙮