James 3:1 - ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᓃᒋᔖᓂᑎᒄ, ᐁᑳᐐ ᒋᑲ ᐅᐦᒋ ᒥᐦᒉᑎᓈᐙᐤ ᐁ ᒋᔅᑯᑕᒫᒉᔦᒄ᙮ ᒋᒋᔅᒉᔨᐦᑌᓈᐙᐤ ᒋᔮᓅ ᑳ ᒋᔅᑯᑕᒫᒉᔨᐦᒄ ᐅᔅᑌ ᒉ ᐋᐦᒀᑌᔨᐦᑖᑯᐦᒡ ᑖᓐ ᒉ ᐃᔑ ᐎᔮᔅᑯᓂᑯᔨᐦᒄ᙮

Chishemanituu Utayimuwin: Kaa Uskaach Testament

¹ Niichishaanitikw, ekaawii chika uhchi mihchetinaawaau e chiskutamaacheyekw. Chichischeyihtenaawaau chiyaanuu kaa chiskutamaacheyihkw uste che aahkwaateyihtaakuhch taan che ishi wiyaaskunikuyihkw.

James 3:1 Iomraidhean Croise

Matthew 10:24

ᓇᒧᐃ ᐅᔅᑌ ᒋᔅᑌᔨᐦᑖᑯᓲ ᑳ ᒋᔅᑯᑕᒧᐙᑲᓅᑦ ᑖᓐ ᐁ ᐃᑌᔨᐦᑖᑯᓯᔨᒡ ᐊᓂᔫ ᑳ ᒋᔅᑯᑕᒫᑯᑦ᙮ ᑲᔦ ᐋᐸᒋᐦᐋᑲᓐ ᓇᒧᐃ ᐎᔭ ᐅᔅᑌ ᐃᑌᔨᐦᑖᑯᓲ ᐁ ᐃᑌᔨᐦᑖᑯᓯᔨᒡ ᐅᒋᒫᒻ᙮

Matthew 23:13

ᒉᒀᓐ ᒋᑲ ᐃᔑ ᒪᒋᐸᔨᓈᐙᐤ ᒋᔭᐙᐤ ᐐᔓᐌᐎᓐ ᑳ ᒋᔅᑯᑕᒫᒉᔦᒄ ᑲᔦ ᒋᔭᐙᐤ ᕓᕆᓰᒡ, ᒋᔭᐙᐤ ᑳ ᐊᔨᒥᐦᐁᐦᑳᓱᔦᒄ, ᒋᔭᐙᐤ ᑳ ᑲᒋᐱᔅᑯᐌᑯᒡ ᐊᐌᓂᒌ ᒉᒌ ᐲᐦᒉᑣᐤ ᐊᓂᑌ ᑭᐦᒋᑮᔑᒄ ᒋᔐᐅᒋᒫᐎᓂᐦᒡ, ᐁᑳ ᒫᒃ ᒣᒋᒻ ᒉᒌ ᐲᐦᒉᔦᒄ ᒋᔭᐙᐤ᙮ ᓇᒧᐃ ᒋᐸᒋᔥᑎᓈᐙᐅᒡ ᐊᓂᒌ ᑳ ᐐ ᐲᐦᒉᑣᐤ ᐊᓂᑌ ᑭᐦᒋᑮᔑᒄ ᒋᔐᐅᒋᒫᐎᓂᐦᒡ ᒉᒌ ᐲᐦᒉᑣᐤ᙮

Matthew 23:14

ᒉᒀᓐ ᒋᑲ ᐃᔑ ᒪᒋᐸᔨᓈᐙᐤ ᒋᔭᐙᐤ ᐐᔓᐌᐎᓐ ᑳ ᒋᔅᑯᑕᒫᒉᔦᒄ ᑲᔦ ᒋᔭᐙᐤ ᕓᕆᓰᒡ, ᒋᔭᐙᐤ ᑳ ᐊᔨᒥᐦᐁᐦᑳᓱᔦᒄ᙮ ᓈᔥᒡ ᒋᐐ ᑯᐃᔅᑯᓈᑯᐦᐄᓱᓈᐙᐤ ᐊᓐ ᐅᐦᒋ ᒋᓀᐅᔥ ᐁ ᐊᔨᒥᐦᐋᔦᒄ, ᒥᒄ ᒫᒃ ᐊᓂᑦ ᐁ ᐅᑎᓇᒧᐌᒄ ᒫᓐ ᑳ ᐹᐦᐯᔭᑯᑣᐤ ᐃᔅᑴᐅᒡ ᑖᓐ ᐁ ᐃᔑ ᑎᐱᔦᐅᓰᑣᐤ ᐁᑯᑦ ᐁ ᓅᑯᐦᒡ ᒋᐦᒋᐌ ᑖᓐ ᐁ ᐃᑌᔨᐦᑖᑯᓯᔦᒄ᙮ ᐆ ᒫᒃ ᑳ ᐃᔑ ᐃᐦᑑᑕᒣᒄ ᐁᑎᑑ ᒋᔭᐙᐤ ᒋᑲ ᐗᐌᔑᐦᐄᑯᓈᐙᐤ᙮

Matthew 9:11

ᐸᔅᒡ ᒫᒃ ᕓᕆᓰᒡ ᒌ ᐙᐸᒣᐅᒡ ᐅᔫᐦ ᐁᒄ ᑳ ᐃᑖᑣᐤ ᐊᓂᔫ ᒋᔅᒋᓄᐦᐊᒧᐙᑲᓐᐦ, ᒉᒀᓐ ᐌᐦᒋ ᐐᒋᒦᒋᓲᒫᑦ ᒋᒋᔅᑯᑕᒫᒉᓰᒧᐙᐤ ᐊᓂᔫᐦ ᒋᔐᐅᒋᒫᐤ ᔔᓕᔮᔫ ᑳ ᒫᒨᔥᑎᓇᒥᔨᒡ ᑲᔦ ᐊᓂᔫᐦ ᑯᑕᒃ ᑳ ᒪᒑᑎᓯᔨᒡ᙮

Luke 16:2

ᐁᒄ ᑳ ᐐᔖᒥᑯᑦ, ᑳ ᐃᑎᑯᑦ, ᓂᐯᐦᑌᓐ ᐁ ᐃᑖᒋᒥᑯᔨᓐ ᓂᑕᒧᒄ ᐁ ᐃᑖᐸᒋᐦᑖᔨᓐ ᓂᔔᓕᔮᒻ᙮ ᒧᔐ ᒉ ᐐᐦᑕᒪᓐ ᑖᓐ ᓂᐦᐋᐤ ᑳ ᐃᑖᐸᒋᐦᑖᔨᓐ᙮ ᔖᔥ ᒥᓱᐙᒡ ᓇᒧᐃ ᒋᑲ ᐅᐦᒋ ᐊᔮᓐ ᐊᓐ ᒋᑖᐸᑎᓱᐎᓐ᙮

Luke 6:37

ᐁᑳᐐ ᐎᔮᔅᑯᓂᒉᒄ, ᐁᒄ ᒫᒃ ᓇᒧᐃ ᒋᑲ ᐅᐦᒋ ᐎᔮᔅᑯᓂᑯᐙᐤ ᒋᔐᒪᓂᑑ᙮ ᐁᑳᐐ ᓂᔔᓈᒋᒧᐌᒄ ᐁᒄ ᒫᒃ ᓇᒧᐃ ᒋᑲ ᐅᐦᒋ ᓂᔔᓈᒋᒥᑯᐙᐤ ᒋᔐᒪᓂᑑ᙮ ᐌᐯᔨᐦᑕᒫᒉᒄ ᐁᒄ ᒫᒃ ᑲᔦ ᒋᔭᐙᐤ ᒉ ᐌᐯᔨᐦᑕᒫᑖᒄ ᒋᔐᒪᓂᑑ᙮

John 3:10

ᐁᒄ ᒌᓴᔅ ᑳ ᐃᑖᑦ, ᒋᔭ ᐁᐅᒄ ᐯᔭᒄ ᑳ ᒋᔅᑌᔨᒫᑲᓅᑦ ᒋᔅᑯᑕᒫᒉᓲ ᐅᑕᐦ ᐃᔅᕋᐁᓕᐦᒡ, ᔮᐸᒡ ᐋ ᓇᒧᐃ ᒋᓂᓯᑐᐦᑑᓐ ᐆ ᑳ ᐃᑗᔮᓐ᙮

ᐊᐸᔅᑕᓚᒡ 13:1

ᐊᓂᑦ ᒫᒃ ᐋᓐᑎᔻᑭᐦᒡ ᑳ ᐃᐦᑖᑣᐤ ᐅᒫᒨᐊᔨᒥᐦᐋᐅᒡ ᒌ ᐃᐦᑖᐅᒡ ᐊᓂᑦ ᐅᒋᔅᒋᐌᐦᐄᒉᓲᒡ ᑲᔦ ᑳ ᒋᔅᑯᑕᒫᒉᑣᐤ᙮ ᐁᐅᒄ ᐅᒌ, ᐸᕐᓇᐸᔅ ᐁᒄ ᒫᒃ ᓯᒥᔭᓐ ᑳ ᐐᐱᓭᑦ ᑳ ᐃᔑᓂᐦᑳᑖᑲᓅᑦ ᐁᒄ ᒫᒃ ᓗᓯᔭᔅ, ᓴᐃᕇᓐ ᑳ ᐅᐦᒌᑦ, ᑲᔦ ᒪᓀᓐ ᐊᓐ ᑳ ᐊᓯᒡ ᓂᐦᑖᐅᒋᓈᑲᓅᑦ ᒋᔐᐅᒋᒫᐤ ᐦᐁᕋᑦ ᑳ ᓂᐦᑖᐅᒋᓈᑲᓄᔨᒡ ᐁᒄ ᒫᒃ ᔂᓪ᙮

1 Corinthians 12:28

ᐃᐦᑖᔫ ᒫᒃ ᐅᒫᒨᐊᔨᒥᐦᐋᐤᐦ ᒋᔐᒪᓂᑑ ᐁ ᒌ ᐎᔮᐸᒫᑦ ᑖᓐ ᒉ ᐃᑖᐸᑎᓯᔨᒡ᙮ ᐊᓂᔫᐦ ᓃᔥᑕᒻ ᑳ ᐎᔮᐸᒫᑦ ᐁᐅᒄ ᐅᔫᐦ ᐊᐸᔅᑕᓪᐦ ᐁᒄ ᒦᓐ ᐅᒋᔅᒋᐌᐦᐄᒉᓲᐦ, ᐁᒄ ᒦᓐ ᒋᔅᑯᑕᒫᒉᓲᐦ, ᑲᔦ ᐊᐌᔫᐦ ᒫᒥᔥᑳᒡ ᒉᒀᔫ ᒉ ᐃᐦᑑᑕᒥᔨᒡ᙮ ᒌ ᐎᔮᐸᒣᐤ ᑲᔦ ᐊᐌᔫ ᒉ ᒦᓄᐙᒋᐦᐄᐌᔨᒡ, ᑲᔦ ᐊᓂᔫᐦ ᓇᓈᐦᑰ ᒉ ᐃᔑ ᐐᒋᐦᐋᔨᒡ ᐊᐌᔫᐦ᙮ ᒌ ᐎᔮᐸᒣᐤ ᑲᔦ ᐊᐌᔫᐦ ᐁ ᐙᐐᐸᔨᐦᑖᔨᒡ ᒉᒀᔫ ᒉ ᐃᑖᐸᑎᓯᔨᒡ, ᑲᔦ ᐊᐌᔫᐦ ᒉ ᑴᔅᒐᔨᒥᔨᒡ᙮

2 Corinthians 5:10

ᐌᔥ ᒥᓯᐌ ᐹᐦᐯᔭᒄ ᐁ ᑕᔒᐦᒄ ᒋᑲ ᐅᐦᒋᔥᑰᑳᐴᔥᑕᐙᓅ ᙭ ᑖᓂᑌ ᐁ ᐊᐱᑦ ᒉᒌ ᐎᔮᔅᑯᓂᑕᐦᒄ᙮ ᐁᒄ ᒫᒃ ᒥᓯᐌ ᐹᐦᐯᔭᒄ ᒉ ᒦᑕᐦᒄ ᑖᓐ ᐊᓐ ᐁ ᐃᑌᔨᐦᑖᑯᐦᒡ ᒉᒌ ᒦᑯᐙᐅᐦᑯᐸᓀ ᒥᒄ ᑖᓐ ᑳ ᐃᐦᑎᐙᐅᐦᑴ ᒣᒀᒡ ᐅᑕᐦ ᐊᔅᒌᐦᒡ ᑳ ᐱᒫᑎᓰᐦᒄ, ᑳ ᒥᔪ ᐃᐦᑎᐙᐅᐦᑴ ᒫᒃ ᐁᑳ ᐅᐦᒋ ᒥᔪ ᐃᐦᑎᐙᐅᐦᑴ᙮

Ephesians 4:11

ᒌ ᐎᔮᐸᒣᐤ ᒫᒃ ᐊᐌᔫ ᒉᒌ ᐙᐐᒋᐦᐋᔨᒡ ᐊᓂᔫ ᑳ ᑖᐺᐦᑕᒦᑣᐤᐦ ᐁᐅᒄ ᒫᒃ ᐅᔫᐦ ᐊᐸᔅᑕᓕᐦ ᑲᔦ ᐅᒋᔅᒋᐌᐦᐄᒉᓲᐦ ᐁᒄ ᒫᒃ ᐊᓂᔫ ᑳ ᐸᐹᐙᐐᐦᑕᒥᔨᒡ ᒥᔻᒋᒧᐎᓂᔫ ᑲᔦ ᒫᒃ ᐊᔨᒥᐦᐁᐅᒋᒫᐤᐦ ᑲᔦ ᑳ ᒋᔅᑯᑕᒫᒉᔨᒡ᙮

1 Timothy 1:7

ᐊᓂᔫ ᓈᔥᒡ ᐁ ᐐ ᒋᔅᑯᑕᒫᒉᑣᐤ ᒋᔐᒪᓂᑑ ᐅᐐᔓᐌᐎᓂᔫ ᐁᐅᑯᓐ ᐙ ᐃᔑ ᒌᐦᑳᔮᐸᒥᑯᓰᑣᐤ, ᐁᑳ ᒫᒃ ᒥᑐᓐ ᓇᓀᓯᑐᐦᑖᓱᑣᐤ ᑖᓐ ᓂᐦᐋᐤ ᐙ ᐃᑗᑣᐤ ᑲᔦ ᓇᒧᐃ ᒣᒋᒻ ᒋᔅᒉᔨᐦᑕᒧᒡ ᐊᓂᔫ ᒉᒀᔫ ᑳ ᐋᔨᒨᑕᐦᒀᐤ ᐋᑦ ᒧᔮᒻ ᓈᔥᒡ ᐁ ᒋᔅᒉᔨᐦᑕᐦᒀᐤ ᐁ ᐃᑎᐦᑖᑯᐦᐄᓱᑣᐤ᙮

1 Timothy 2:7

ᐌᔥ ᑖᐺ ᓂᒌ ᐎᔮᐸᒥᑰᓐ ᒉᒌ ᐙᐐᐦᑕᒫᓐ ᒥᔻᒋᒧᐎᓐ ᑲᔦ ᐊᐸᔅᑕᓪ ᒉᒌ ᐃᑖᐸᑎᓯᔮᓐ ᑲᔦ ᒫᒃ ᒉᒌ ᒋᔅᑯᑕᒨᒀᐤ ᐊᓂᔫ ᑖᐺᐎᓂᔫ ᒋᐹ ᐃᔑ ᑖᐺᐦᑕᒧᒡ ᐊᓂᒌ ᐁᑳ ᒎᐗ ᑳ ᐃᑎᔅᑳᓀᓯᑣᐤ᙮ ᓇᒧᐃ ᒫᒃ ᓂᑕᒧᒄ ᓂᑎᑗᓐ ᐆ ᑳ ᐃᑗᔮᓐ᙮

2 Timothy 1:11

ᒋᔐᒪᓂᑑ ᓂᒌ ᐎᔮᐸᒧᒄ ᒉᒌ ᐙᐐᐦᑕᒫᓐ ᐆ ᒥᔻᒋᒧᐎᓐ, ᑲᔦ ᐊᐸᔅᑕᓪ ᒉᒌ ᐃᑖᐸᑎᓯᔮᓐ ᑲᔦ ᒉᒌ ᒋᔅᑯᑕᒫᒉᔮᓐ ᐆ ᒥᔻᒋᒧᐎᓐ᙮

Hebrews 13:17

ᓇᓂᐦᐄᐦᑐᐙᐦᑯᒡ ᐊᓂᒌ ᑳ ᓃᑳᓂᔥᑳᑖᑯᒡ ᐊᔨᒥᐦᐁᐅᑲᒥᑯᐦᒡ᙮ ᐌᔥ ᒋᐙᐐᒋᐦᐄᑯᐙᐅᒡ ᒋᑖᐺᐦᑕᒧᐎᓂᐙᐦᒡ᙮ ᐁᐅᒄ ᐅᔫ ᐅᑖᐸᑎᓱᐎᓇᐙᐤ᙮ ᐌᔥ ᒋᑲ ᓂᑕᐌᔨᐦᑖᑯᓲᒡ ᒉᒌ ᐐᐦᑕᒧᐙᑣᐤ ᒋᔐᒪᓂᑑ ᑖᓐ ᑳ ᐃᐦᑐᐌᒄ᙮ ᒋᑲ ᒥᔦᔨᐦᑕᒧᒡ ᒫᒃ ᒉᒌ ᐃᐦᑑᑕᐦᒀᐤ ᐅᔫ ᐅᑖᐸᑎᓱᐎᓇᐙᐤ ᒌᔥᐱᓐ ᒋᔭᐙᐤ ᓇᓂᐦᐄᐦᑐᐌᑴᓂᒡ ᑲᔦ ᒋᔅᑌᔨᐦᑕᒧᐌᑴ ᑖᓐ ᑳ ᐃᔑ ᒥᔮᑲᓅᑣᐤ ᒉᒌ ᓃᑳᓂᔥᑳᑖᑯᒡ᙮ ᐁᑳ ᒫᒃ ᐆ ᐃᐦᑎᔦᑴ ᒋᑲ ᒪᒉᔨᐦᑕᒧᒡ ᐁᒄ ᒫᒃ ᓇᒧᐃ ᒋᑲ ᒌ ᒥᔪ ᐐᒋᐦᐄᑯᐙᐅᒡ᙮

James 1:16

ᓃᒋᔖᓂᑎᒄ ᑳ ᓵᒋᐦᐄᑕᑯᒡ ᓲᐦᒃ ᑯᐃᔅᒄ ᐐ ᐃᔑ ᓂᓯᑐᐦᑕᒧᒄ ᐆ᙮

James 1:19

ᐁᑳᐐ ᐗᓂᒋᔅᒋᓯᒄ ᐆ ᓃᒋᔖᓂᑎᒄ ᑳ ᓵᒋᐦᐄᑕᑯᒡ᙮ ᒥᓯᐌ ᐊᐌᓐ ᓲᐦᒃ ᒨᔥ ᔮᒀᐤ ᒋᐹᐐ ᓂᑐᐦᑕᒻ, ᒋᐹ ᒫᒥᑐᓀᔨᐦᑕᒻ ᑲᔦ ᑖᓐ ᐙ ᐃᑗᑦ ᑲᔦ ᓇᒧᐃ ᑏᐌᐦᒡ ᒋᐹ ᐅᐦᒋ ᒋᔓᐙᓲ᙮

James 3:10

ᐯᔭᑯᓐ ᐊᓐ ᒥᑑᓐ ᐊᓂᑌ ᐌᐦᒋ ᒫᒥᐦᒋᒫᑲᓅᑦ ᒋᔐᒪᓂᑑ ᑲᔦ ᐁ ᐅᐦᒋ ᒪᒑᔨᒨᒫᑲᓅᑣᐤ ᐊᐌᓂᒌ᙮ ᓃᒋᔖᓂᑎᒄ, ᓇᒧᐃ ᒋᐹ ᐅᐦᒋ ᐃᔑᓈᑯᓐ ᐆ᙮

1 Peter 5:3

ᐁᑳᐐ ᐐ ᐃᔑᓈᑯᓯᒄ ᓈᔥᒡ ᒉᒌ ᐐ ᐅᒋᒫᐦᑲᐦᑐᐌᑯᒡ ᐊᓂᒌ ᑳ ᒦᑯᔦᒄ ᒉᒌ ᓃᑳᓂᔥᑯᐌᑯᒡ ᑌᔭᑯᒡ ᐅᔅᑌ ᐐ ᒥᔪᑑᑕᐙᐦᑯᒡ ᒉ ᐃᐦᑕᑯᓂᔨᒡ ᒫᒃ ᐊᓂᑦ ᒉᒌ ᐅᐦᒋ ᒋᔅᒋᓄᐙᐸᒥᑖᑯᒡ᙮