2 Peter 3:3 - ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᓃᔥᑕᒻ ᒫᒃ ᒉᒀᓐ ᐙ ᐃᑎᑕᑯᒡ, ᒉ ᐐ ᒋᔅᒋᓯᔦᒄ ᐃᔅᑯᑕᒃ ᐊᑎ ᐯᔓᓈᑯᐦᒉ ᒉ ᑕᑯᔑᐦᒃ ᐅᑎᐯᔨᐦᒋᑫᐤ ᒋᑲ ᐃᐦᑖᐅᒡ ᒫᔦᔨᐦᒉᓲᒡ, ᓈᔥᒡ ᒋᑲ ᑎᐯᔨᒥᑰᒡ ᐅᒪᒋᓂᑐᐌᔨᐦᑕᒧᐎᓇᐙᐤᐦ ᐅᒌ᙮ ᒋᑲ ᒫᔦᔨᒥᑯᐙᐅᒡ᙮

Chishemanituu Utayimuwin: Kaa Uskaach Testament

³ Niishtam maak chekwaan waa ititakuch, che wii chischisiyekw iskutak ati peshunaakuhche che takushihk Utipeyihchikeu chika ihtaauch maayeyihchesuuch, naashch chika tipeyimikuuch umachinituweyihtamuwinawaauh uchii. Chika maayeyimikuwaauch.

2 Peter 3:3 Iomraidhean Croise

John 12:48

ᐊᓐ ᐊᐌᓐ ᔮᑐᐌᔨᒥᑴ, ᑲᔦ ᐁᑳ ᓀᓇᐦᐄᐦᑕᒧᑴ ᓂᒥᔻᒋᒧᐎᓂᔫ, ᒋᑲ ᐎᔮᔅᑯᓈᑲᓅ᙮ ᐊᓂᔫ ᐅᐦᒋ ᑖᓐ ᑳ ᐃᑗᔮᓐ ᐁᐅᒄ ᐊᓂᔫ ᒉ ᐅᐦᒋ ᐎᔮᔅᑯᓈᑲᓅᑦ ᒫᐦᒋᔥᑕᐃ ᒌᔑᑳᔨᒉ᙮

2 Corinthians 4:2

ᐁ ᐙᐐᐦᑕᒫᐦᒡ ᐆ ᒥᔻᒋᒧᐎᓐ ᓇᒧᐃ ᒉᒀᓐ ᓂᒌᒨᒡ ᐃᐦᑎᓈᓐ᙮ ᒨᔥ ᑯᐃᔅᒄ ᑲᔦ ᒨᔐ ᓂᐐᐦᑌᓈᓐ ᒉᒀᓐ᙮ ᓇᒧᐃ ᓂᐐ ᐎᔦᔑᒫᓈᓐ ᐊᐌᓐ ᒉᒌ ᐅᐦᒋ ᑖᐺᐦᑕᐦᒃ᙮ ᓇᒧᐃ ᑲᔦ ᓂᒌᑰᓀᓈᓐ ᑯᑕᒡ ᒉᒀᓐ ᐁ ᐙᐐᐦᑕᒫᐦᒡ ᒋᔐᒪᓂᑑ ᐅᑕᔨᒧᐎᓐ᙮ ᑯᐃᔅᒄ ᓂᐐᐦᑕᒧᐙᓈᓐ ᒥᓯᐌ ᐊᐌᓐ ᑖᐺᐎᓂᔫ ᐁᒄ ᒫᒃ ᒉ ᒋᔅᒉᔨᐦᑕᐦᒀᐤ ᑖᐺ ᒉᒌ ᑖᐺᐦᑕᐦᒀᐤ ᑖᓐ ᐁ ᐃᔑ ᐙᐐᐦᑕᒧᒋᐦᑦ᙮ ᓂᒋᔅᒉᔨᒥᑯᓈᓐ ᒫᒃ ᒋᔐᒪᓂᑑ ᐁ ᑖᐺᐗᒋᐦᑦ᙮

2 Timothy 3:1

ᒉ ᐐ ᒋᔅᒉᔨᐦᑕᒪᓐ ᑲᔦ ᐆ, ᐃᔅᑯᑕᒃ ᐊᓂᑌ ᒫᐦᒋᔥᑕᐃ ᐊᑎ ᒌᔑᑳᒀᐌᓐᐦ ᓈᔥᒡ ᑖᐺ ᑲᑕ ᐃᐦᑕᑯᓐ ᑖᓐ ᒉ ᐃᔑ ᐋᔨᒥᐸᔨᐦᒡ᙮

Hebrews 1:2

ᐊᓄᐦᒌᔥ ᒫᒃ, ᐅᔫᐦ ᒫᐦᒋᔥᑕᐃ ᐁ ᒌᔑᑳᒀᐤᐦ ᐅᑯᓯᓴ ᐅᐦᒋ ᐁᑯᑦ ᐌᐦᒋ ᐊᔨᒥᐦᐄᑕᐦᒄ᙮ ᐁᐅᒄ ᐅᔫ ᐅᑯᓯᓴ ᒋᔐᒪᓂᑑ ᑳ ᐋᐸᒋᐦᐋᑦ ᒥᓯᐌ ᒉᒀᔫ ᑳ ᐅᔑᐦᑖᑦ ᑲᔦ ᐁᐅᒄ ᐅᔫ ᑳ ᐎᔮᐸᒫᑦ ᒥᓯᐌ ᒉᒀᔫ ᒉ ᐋᔔᒥᔮᑦ᙮

2 Peter 1:20

ᒫᐅᒡ ᒫᒃ ᐁ ᐃᔑ ᓂᑕᐌᔨᐦᑖᑯᐦᒡ ᒉᒌ ᓂᔑᑐᐦᑕᒣᒄ ᐁᐅᒄ ᐆ ᐁᑳ ᐙᒋ ᐯᔭᒄ ᒋᔅᒋᐌᐦᐄᒉᐎᓐ ᐊᓂᑌ ᒋᔐᒪᓂᑑ ᐅᑕᔨᒧᐎᓂᐦᒡ ᑳ ᐃᐦᑕᑯᐦᒀᐤ ᒉᒌ ᐃᑗᔥᑕᒫᑕᐦᒃ ᓈᐯᐤ ᒥᒄ ᐐ ᐁ ᐸᔭᑯᔑᑦ᙮

2 Peter 2:10

ᐁᑎᑑ ᒫᒃ ᒉᔥᑎᓈᑌᔨᐦᑖᑯᓂᔫ ᒉ ᐎᔮᔅᑯᓈᑲᓅᑣᐤ ᐊᓂᒌ ᒥᒄ ᐁ ᐃᔑ ᒪᒋ ᓂᑕᐌᔨᐦᑕᒨᒪᑲᓂᔨᒀᐤ ᐅᐐᔮᓱ ᐱᒫᑎᓰᐎᓇᐙᐤ ᑳ ᐃᔑ ᓅᔅᐱᓂᑕᐦᒀᐤ, ᐊᓂᒌ ᑳ ᐅᐦᑳᑌᔨᐦᑕᐦᒀᐤ ᑎᐯᔨᐦᒋᒉᐎᓂᔫ᙮ ᓈᔅᒡ ᑖᐺ ᓲᐦᒋᒫᔦᔨᐦᒉᐅᒡ ᐁᐅᑯᓂᒡ ᐅᒌ, ᓇᒧᐃ ᒥᑐᓐ ᓇᓈᑲᑕᐌᔨᒣᐅᒡ ᑖᓐ ᐁ ᐃᑖᑣᐤ ᒫᒃ ᑖᓐ ᐁ ᐃᐦᑑᑕᐙᑣᐤ ᐊᐌᔫ ᐁ ᒫᔦᔨᒫᑣᐤ᙮ ᓇᒧᐃ ᓀᔥᑕ ᓭᒋᓲᒡ ᒉᒌ ᒪᒋ ᐋᔨᒨᑕᐦᒀᐤ ᒋᔅᑌᔨᐦᑖᑯᓱᐎᓂᔫ᙮ ᑖᐹ ᒣᒋᒻ ᓇᑳᐎᔫᒡ ᒉᒌ ᒫᔦᔨᒫᑣᐤ ᐊᓂᔫ ᐊᐌᔫᐦ ᐅᒋᒫᐎᓂᔫ ᑳ ᐊᔮᔨᒡ᙮

1 John 2:18

ᐊᐙᔑᑎᒄ, ᐁᐅᒄ ᐅᔫᐦ ᒫᐦᒋᔥᑕᐃ ᐁ ᒌᔑᑳᒀᐤᐦ᙮ ᒋᒌ ᐐᐦᑕᒫᑯᓈᐙᐤ ᒉ ᑕᑯᔑᐦᒃ ᐊᓐ ᐊᐌᓐ ᑳ ᓲᐦᒉᔨᒧᑐᑕᐙᑦ ᙭᙮ ᔖᔥ ᒫᒃ ᒥᐦᒉᑐ ᐊᐌᓐ ᙭ ᑳ ᐐ ᓲᐦᒉᔨᒧᑐᑕᐙᑦ ᒌ ᑕᑯᔑᓅ᙮ ᐁᑯᑦ ᒫᒃ ᐌᐦᒋ ᒋᔅᒉᔨᐦᑕᒧᐦᒄ ᐁᐅᒄ ᐅᔫᐦ ᐁ ᒫᐦᒋᔥᑕᐃ ᒌᔑᑳᒀᐤᐦ᙮

Jude 1:16

ᒨᔥ ᒣᒣᐦᒡ ᐃᑗᐅᒡ ᐅᒌ ᓈᐯᐅᒡ᙮ ᒨᔥ ᑯᑕᒃ ᐊᐌᔫᐦ ᐊᑖᒣᔨᒣᐅᒡ ᐁᑳ ᑫᑲᒋᐦᑳᐙᒋᐸᔨᑣᐤᐦ᙮ ᐱᓯᒄ ᐃᐦᑑᑕᒧᒡ ᑖᓐ ᐁ ᐃᔑ ᒪᒋ ᓂᑐᐌᔨᐦᑕᐦᒀᐤ ᒉᒌ ᐃᐦᑎᑣᐤ᙮ ᓈᔥᒡ ᑖᐺ ᐐ ᓇᓈᐯᐅᒨᒡ᙮ ᐋᔮᐦᒡ ᐃᐦᑑᒡ ᐁ ᒥᔪ ᐋᔨᒨᒫᑣᐤ ᐊᐌᔫᐦ ᒥᒄ ᐁ ᐐ ᒪᒥᔫᐸᔨᐦᐄᓱᑣᐤ ᒉᒌ ᐃᐦᑎᑣᐤ ᐊᓂᔫ ᑖᓐ ᐙ ᐃᐦᑎᑣᐤ᙮

Jude 1:18

ᒋᒌ ᐃᑎᑯᐙᐅᒡ, ᐅᑎᐦᒋᐸᔨᐦᒀᐌᓐᐦ ᒫᐦᒋᔥᑕᐃ ᐁ ᒌᔑᑳᒀᐤᐦ ᒋᑲ ᐃᐦᑖᐅᒡ ᓈᐯᐅᒡ ᐁ ᒫᔦᔨᒥᑖᑯᒡ, ᒥᒄ ᑖᓐ ᐁ ᐃᔑ ᓂᑕᒧᒄ ᐃᑌᔨᐦᑕᐦᒀᐤ ᒉᒌ ᐃᐦᑎᑣᐤ ᐊᓂᔫ ᐁᑳ ᒋᔐᒪᓂᑑᐙᑎᓰᑣᐤ ᐁᑯᓐ ᒉ ᐃᐦᑎᑣᐤ᙮