YOKANAN 20:14 - Kitab Sutji

¹⁴ Sawuse matur mangkono, tumuli mengo sarta weruh Gusti Yesus jumeneng ana ing kono, nanging ora sumurup, manawa iku Gusti Yesus.

YOKANAN 20:14 Iomraidhean Croise

PURWANING DUMADI 42:8

Pancen Sang Yusuf ora pangling marang para sadhereke, nanging para sadhereke padha pangling marang panjenengane.

MATEUS 28:9

Dumadakan Gusti Yesus methukake lakune lan ngandika: “Bagea!” Banjur padha marek, nyungkemi sampeyane lan sujud.

MARKUS 16:12

Sawise iku, Panjenengane ngatingal kalawan ngagem rupi seje marang wong loro panunggalane, nalika karone padha lumaku menyang ing jaban kutha.

MARKUS 16:9

Bareng Gusti Yesus wus wungu ing dina kapisan ing minggu iku, Panjenengane banjur ngatingal marang Maryam Magdalena, yaiku kang biyen kapanjingan dhemit pitu, nanging wis padha ditundhungi dening Gusti Yesus.

LUKAS 24:16

Nanging wong mau mripate padha kalimputan, mulane padha pangling karo Panjenengane.

LUKAS 24:31

Nalika iku mripate banjur kabuka, temah ora pangling karo Panjenengane, nanging Gusti Yesus banjur musna saka ing pandelenge.

LUKAS 4:30

Nanging Panjenengane banjur tindak nratas ing tengahe wong-wong mau, nuli jengkar saka ing kono.

YOKANAN 21:4

Nalika wus bangun esuk, Gusti Yesus jumeneng ana ing gegisik. Nanging para sakabate padha ora ngreti, yen iku Gusti Yesus.

YOKANAN 8:59

Ing kono wong-wong banjur padha njupuki watu, arep mbenturi Panjenengane; nanging Panjenengane ngoncati, sarta nilar Padaleman Suci.