WULANG BEBASAN 3:2 - Kitab Sutji

² amarga umur dawa lan urip nganti tuwa, apadene katentreman bakal kawuwuhake marang kowe.

WULANG BEBASAN 3:2 Iomraidhean Croise

I PARA RAJA 3:14

Lan manawa lakunira metu ing dalan kang Suntedahake lan lestari manut sakehing katetepan lan parentahingSun, padha kaya ramanira Dawud, Ingsun bakal paring tambahing umurira.”

AYUB 5:26

Anggonmu mudhun marang ing kluwat manawa kowe wus tuwa banget, kaya tumpukan gandum kang kasimpen marga wus wancine.

JABUR 119:165

Tiyang ingkang sami remen dhateng angger-angger Paduka punika kadunungan katentreman ingkang ageng, saha boten wonten sandhunganipun.

JABUR 128:6

sarta muga menangana anak-anake anak-anakmu! Tentrem rahayu anaa ing Israel!

JABUR 21:4

Dene sampun Paduka pethuk kalayan berkah ingkang luber; saha Paduka agemi makutha kancana murni ing mastakanipun.

JABUR 91:16

bakal Sunwaregi kalawan umur dawa, lan karahayoningSun bakal Suntedahake marang dheweke.”

WULANG BEBASAN 10:27

Wedi-asih marang Sang Yehuwah iku ndawakake umur, nanging taun-taune wong duraka iku dicendhakake.

WULANG BEBASAN 16:31

Rambut uwanen iku makutha kang endah, kang tinemu ana ing dalaning kabeneran.

WULANG BEBASAN 4:10

He anakku, rungokna lan tampanana pituturku, temah bakal dawa umurmu.

WULANG BEBASAN 4:4

aku diwulang bapakku, pituture mangkene: “Atimu dimen nggondheli tembung-tembungku; pituturku tetepana, temah kowe bakal urip;

WULANG BEBASAN 9:11

Marga saka Ingsun umurira kawuwuhan, lan taun-tauning uripira katambahan.

YESAYA 32:17

Ing ngendi ana kabeneran ing kono bakal ana tentrem rahayu, mangka wahananing kabeneran iku kaayeman lan katentreman kanggo ing salawas-lawase.

LAYANGE RASUL PAULUS MARANG PASAMUWAN ING KUTHA RUM 14:17

Sabab Kratone Gusti Allah iku dudu bab mangan lan ngombe, nanging bab kabeneran, tentrem-rahayu sarta suka-pirena marga dening Sang Roh Suci.

LAYANGE RASUL PAULUS MARANG PASAMUWAN ING KUTHA RUM 15:13

Muga-muga Gusti Allah, etuking pangarep-arep, maringana ganjaran marang kowe kabeh sagunging kabungahan sarta tentrem-rahayu ing sajroning pracayamu, supaya kowe padha sugiha pangarep-arep marga saka sawabe Sang Roh Suci.

LAYANGE RASUL PAULUS MARANG PASAMUWAN ING KUTHA RUM 5:1

Mulane kita kang wus padha kabenerake awit saka pracaya, kita padha urip kalawan rukun karo Gusti Allah marga dening Gusti kita, Gusti Yesus Kristus.

PANGANDHARING TORET 11:21

supaya dawaa umurmu lan umure anak-anakmu ana ing tanah kang wus diprasetyakake dening Sang Yehuwah kalawan supaos marang para leluhurmu, yen bakal kaparingake, sasuwene langit mayungi bumi.

PANGANDHARING TORET 5:32

Kang iku kowe padha nglakonana apa sadhawuhe Pangeran Yehuwah, Gusti Allahmu, marang kowe iku kalawan tumemen, sarta aja nyimpang mangiwa utawa manengen.

I TIMOTEUS 4:8

Nggegulang ing kajasmanen iku paedahe mung sathithik, nanging pangibadah iku maedahi tumrap samubarang kabeh, awit iku ngemot prajanjian kanggo urip ing saiki lan ing tembe.