WULANG BEBASAN 20:3 - Kitab Sutji

³ Sapa kang ngedohi tukar-padu iku patut diurmati, nanging saben wong bodho nguja kanepsone.

WULANG BEBASAN 20:3 Iomraidhean Croise

PURWANING DUMADI 13:7

mulane pangone Rama Abram karo pangone Lut padha grejegan. Tanah kono nalika iku dienggoni bangsa Kanaan lan Feris.

PURWANING DUMADI 13:8

Mulane Rama Abram banjur ngandika marang Lut: “Bok aja ana grejegan ing antarane aku lan kowe utawa ing antarane pangonku lan pangonmu, kita rak padha sadulur.

II PARA RAJA 14:9

Nanging Sang Prabu Yoas, ratu ing Israel, nuli utusan wong marang Sang Prabu Amazia, ratu ing Yehuda, kadhawuhan ngaturake paring wangsulane, mangkene: “Rumput eri ing redi Libanon kengkenan manggihi wit eres ing redi Libanon kaliyan aturipun: Putra panjenengan estri kaparingna dhateng anak kula jaler dadosa semahipun. Nanging kewan-kewan wana ing pareden Libanon sami langkung ngriku, lajeng sami ngidak-idak rumput eri punika.

WULANG BEBASAN 14:17

Sing sapa gampang nepsu, iku tumindak tanpa budi, nanging wong wicaksana iku sabar.

WULANG BEBASAN 14:29

Wong kang sabar iku gedhe pangretene, nanging wong kang gampang nepsu iku nggedhekake kabodhoan.

WULANG BEBASAN 16:32

Wong kang sabar iku ngluwihi pahlawan, wong kang bisa ngereh awake, iku ngluwihi wong kang bisa ngrayud nagara.

WULANG BEBASAN 17:14

Miwiti grejegan iku kaya mbedhah bendungan, mulane mundura sadurunge wiwit grejegan.

WULANG BEBASAN 18:6

Lambene wong gemblung njalari pasulayan, sarta cangkeme bengak-bengok njaluk digitiki.

WULANG BEBASAN 19:11

Kapinteran njalari wong sabar banget, sarta kaalembana marga anggone ngapura panerak.

WULANG BEBASAN 21:24

Wong kang ndhugal lan kumlungkung iku kasebut wong ambek memoyok, solah-tingkahe kumethak ngleluwihi.

WULANG BEBASAN 26:17

Sing sapa nyampuri prakara padune wong liya, iku kaya wong kang nyandhak kupinge asu kang lagi liwat.

EFESUS 4:32

Nanging kowe dipadha sumanak mungguh ing siji lan sijine, kebak ing sih katresnan lan apura-ingapuraa kayadene Gusti Allah ana ing Sang Kristus iya wus ngapura marang kowe kabeh.

YAKOBUS 3:14

Manawa sajroning atimu kowe padha nduweni rasa meri sarta mung mikir marang awakmu dhewe, kowe aja padha gumunggung sarta aja goroh nyulayani kayekten!

YAKOBUS 4:1

Saka ing ngendi tekane kekerengan sarta cecongkrahan ing antaramu iku? Apa ora saka hawa-nepsu kang tansah paprangan ana ing sajroning badanmu?