WULANG BEBASAN 15:3 - Kitab Sutji

³ Tingale Pangeran Yehuwah iku nyrambahi ing saenggon-enggon, nguningani wong ala lan wong becik.

WULANG BEBASAN 15:3 Iomraidhean Croise

II BABAD 16:9

Awit paningaling Yehuwah punika ndlajahi ing salumahing bumi prelu badhe ngluberaken pangwaosipun dhateng para tiyang ingkang kaliyan terusing manah madhep dhateng ing Panjenenganipun. Gegayutan kaliyan bab punika panjenengan dalem sampun tumindak tanpa budi, milanipun wiwit ing sapunika panjenengan dalem badhe tansah ngalami peperangan.”

AYUB 24:23

Gusti Allah maringi katentreman kang dadi gondhelane, lan mirsani salakune.

AYUB 28:24

Amarga paningale nyrambahi tekan ing pungkasane bumi, sarta mirsa apa kang ana ing sangisoring langit kabeh.

AYUB 31:4

Apa dudu Gusti Allah kang mirsani dalanku, lan kang ngetang sakehing jangkahku?

JABUR 33:13

Pangeran Yehuwah maspaosake saka ing swarga, lan mirsani sakehing anake manungsa;

WULANG BEBASAN 15:4

Ilat kang sareh iku wit panguripan, nanging ilat cidra gawe tatuning ati.

WULANG BEBASAN 5:21

Amarga Pangeran Yehuwah ora kasamaran marang sakehe tumindake wong, sarta mirsani sakehing pratingkahe manungsa.

YEREMIA 16:17

Amarga Ingsun wus nguningani polah-tingkahe kabeh; iku kabeh Ingsun ora kesamaran lan dosane ora kaling-kalingan ana ing paningalingSun.

YEREMIA 23:24

Saupama ana wong kang umpetan ana ing pasingidan, apa Ingsun ora pirsa? – Mangkono pangandikane Sang Yehuwah. – Apa dudu Ingsun kang ngebeki langit lan bumi? Mangkono pangandikane Sang Yehuwah.

YEREMIA 32:19

Agung rancangan Paduka saha agung pakaryan Paduka; tingal Paduka ngudaneni sadaya tindak-tanduking anakipun manungsa lan paring ganjaran dhumateng saben tiyang timbang kaliyan tindak-tanduk miwah wohing pandamelipun.

ZAKHARIA 4:10

Sabab sapa kang ngremehake marang dina kelakoning prakara-prakara kang sapele, iku bakal padha bungah-bungah ndeleng watu pilihan kang ana ing tangane Zerubabel. Dene kang pitu iki tingale Sang Yehuwah, kang ndlajahi salumahe bumi.”

IBRANI 4:13

Sarta ora ana titah kang sinamar ana ing ngarsane, jalaran samubarang kabeh katon ngeblak lan bukakan ana ing ngarsane paningale kang mundhut panjawab marang kita.