WULANG BEBASAN 13:3 - Kitab Sutji

³ Wong kang njaga cangkeme, iku ngreksa nyawane, sapa kang crawak, iku bakal katempuh ing karusakan.

WULANG BEBASAN 13:3 Iomraidhean Croise

JABUR 141:3

Dhuh Yehuwah, Paduka mugi karsaa ngawat-awati cangkem kawula, korining lambe kawula mugi Paduka jagi.

JABUR 34:13

Sapa kang seneng urip, kang kepengin umur dawa supaya bisa ngrasakake kang becik?

JABUR 39:1

Kanggo lurah pasindhen, kanggo Yedutun. Masmur anggitane Prabu Dawud.

WULANG BEBASAN 10:14

Wong wicaksana iku tetandho kawruh, nanging cangkeme wong bodho iku karusakan kang ngancam.

WULANG BEBASAN 10:19

Kang akeh guneme iku mesthi ana panerake, nanging kang mekak lambene iku kadunungan akal-budi.

WULANG BEBASAN 10:8

Sing sapa wicaksana ing ati, iku nggatekake marang pepakon, nanging kang bodho ing pamicara, iku bakal tiba.

WULANG BEBASAN 12:13

Wong ala kejiret dening paneraking lambene, nanging wong bener bisa oncat saka ing karubedan.

WULANG BEBASAN 13:4

Atine wong kesed iku kebak pepenginan, nanging tanpa guna, balik atine wong sregep iku kaparingan kaluberan.

WULANG BEBASAN 14:3

Ing sajroning cangkeme wong bodho ana penjalin kanggo ing gegere, nanging wong wicaksana iku kareksa dening lambene.

WULANG BEBASAN 18:21

Pati lan urip padha kawengku ing ilat, sapa kang seneng mratak-mratakake, iku mesthi mangan wohe.

WULANG BEBASAN 18:7

Wong gemblung nemahi karusakan marga saka cangkeme, sarta lambene dadi kala tumrap nyawane.

WULANG BEBASAN 20:19

Sapa kang nenacad iku ngeler wadi, mulane kowe aja srawungan karo wong kang cangkeme bocor.

WULANG BEBASAN 21:23

Sing sapa njaga cangkem lan ilate, dadi ngreksa awake, uwal saka ing kerubedan.

YAKOBUS 1:26

Saupama ana wong kang rumangsa ngibadah, mangka ora mekak ilate, iku ngapusi awake dhewe, lan pangibadahe tanpa guna.

PARA HAKIM 16:11

Pangandikane Sang Simson marang Dhelila: “Manawa aku dibanda kalawan dhadhung anyar kang durung tau kanggo apa bae, aku mesthi dadi apes, lan lumrah kaya wong liya-liyane.”

PARA HAKIM 16:17

Sang Simson satemah banjur nglairake isining panggalihe kabeh marang Dhelila, mangkene pangandikane: “Sirahku durung tau kagepok ing lading panyukuran, amarga aku iki wiwit ana ing guwa-garbaning ibuku dadi nazir sengkerane Gusti Allah; mulane manawa aku kacukur mesthi koncatan karosanku temah dadi apes, lumrah padha kaya wong liya-liyane.”