WULANG BEBASAN 13:2 - Kitab Sutji

² Wong iku mesthi mangan kang becik saka tembunge, nanging karepe wong cidra iku awujud tindak panganiaya.

WULANG BEBASAN 13:2 Iomraidhean Croise

JABUR 140:11

Sami kaesokana ing mawa! kacemplungna wonten ing jurang, satemah boten saged mentas malih.

JABUR 75:8

nanging Gusti Allah iku kang jumeneng Hakim: nglorod wong kang siji, sarta njunjung sijine.

WULANG BEBASAN 1:18

mangka wong iku mau padha ngadhang marang getihe dhewe lan ndingkik marang nyawane dhewe.

WULANG BEBASAN 1:31

mulane bakal padha mangan wohing panggawene, sarta padha wareg dening rancangane dhewe.

WULANG BEBASAN 10:11

Cangkeme wong bener iku sumbering urip, nanging cangkeme wong duraka, iku ndhelikake panganiaya.

WULANG BEBASAN 11:23

Pangarep-arepe wong bener nekakake kabegjan, nanging pangarep-arepe wong duraka nekakake bebendu.

WULANG BEBASAN 12:14

Saben wong kawaregan kabecikan marga saka wohing tembunge, lan wong tampa wewales saka panggawene tangane.

WULANG BEBASAN 18:20

Wetenge wong iku diwaregi klawan asile cangkeme, lan diwaregi dening pametune lambene.

WULANG BEBASAN 18:21

Pati lan urip padha kawengku ing ilat, sapa kang seneng mratak-mratakake, iku mesthi mangan wohe.

WULANG BEBASAN 4:17

awit padha mangan roti pametuning duraka, sarta ngombe anggur pametune ambek siya.

HOSEA 10:13

Sira wus padha mluku kadurakan, kaculikan kang sira undhuh, sarta sira wus padha mangan wohing doracara, marga sira wus padha ngendelake ratanira, apadene kehing prawiranira.

HABAKUK 2:17

Marga panganiaya kang tumrap gunung Libanon, iku bakal nasabi sira, lan tumpesing kewan-kewan bakal ngagetake sira, marga saka getihing manungsa kang wutah iku lan marga panganiaya marang nagara, kutha lan para wong isine kabeh.

HABAKUK 2:8

Awitdene sira wus njarah-rayahi suku bangsa akeh, mulane kekarene bangsa-bangsa iku bakal padha genten njarah-rayahi sira, marga saka getihing manungsa kang wus wutah iku lan marga saka panganiaya marang ing nagara, kutha lan sakehe wong kang manggon ing kono.

WAHYU 16:6

Amargi tiyang punika sampun sami ngwutahaken rahipun para suci lan para nabi, Paduka inggih sampun ngombeni rah tiyang-tiyang punika; makaten punika sampun samesthinipun tumrap tiyang-tiyang punika!”