WULANG BEBASAN 10:1 - Kitab Sutji

¹ Wulang bebasan anggitane Prabu Suleman, Anak kang wicaksana ndadekake bungahe bapakne, nanging anak kang goblog iku gawe prihatine biyunge.

WULANG BEBASAN 10:1 Iomraidhean Croise

I PARA RAJA 4:32

Panjenengane nganggit bebasan telung ewu, lan kidungan sewu lima.

WULANG BEBASAN 1:1

Wulang bebasan anggitane Prabu Suleman putrane Prabu Dawud, ratu ing Israel,

WULANG BEBASAN 13:1

Anak kang wicaksana ngrungokake marang pamerdine bapakne nanging wong ambek memoyok ora ngrewes marang pameleh.

WULANG BEBASAN 15:20

Anak kang wicaksana ndadekake bungahe bapakne, nanging wong kang gemblung ngremehake biyunge.

WULANG BEBASAN 17:21

Sing sapa duwe anak gemblung, iku prihatin, lan bapakne wong bodho sepi ing kabungahan.

WULANG BEBASAN 17:25

Anak kang gemblung iku gawe laraning atine bapakne, lan prihatine biyunge.

WULANG BEBASAN 19:13

Anak kang gemblung iku dadi cilakane bapakne, padune wong wadon iku kaya trocohing payon kang tanpa kendhat.

WULANG BEBASAN 25:1

Iki uga wulang bebasan anggitane Sang Prabu Suleman kang diklumpukake dening para abdine Sang Prabu Hizkia, ratu ing Yehuda.

WULANG BEBASAN 27:11

He anakku, dipinter, gawea bungahing atiku, supaya aku bisa mangsuli marang wong kang memada aku.

WULANG BEBASAN 29:15

Gebug lan pameleh ngolehake kawicaksanan, nanging anak kang ditogake bae iku gawe wirange biyunge.

WULANG BEBASAN 29:17

Anakmu gulawenthahen, temah bakal ndadekake ayeming atimu, malah aweh kabungahan marang nyawamu.

WULANG BEBASAN 29:3

Wong kang tresna marang kawicaksanan, iku ndadekake bungahe bapakne, nanging kang srawungan karo wong wadon tuna-susila iku ngebreh-ebreh bandhane.

KOHELET 12:9

Sang Kohelet iku kajaba kagungan kawicaksanan, iya paring piwulang bab kawruh marang umat. Panjenengane nenimbang, nguji lan nganggit bebasan akeh.

KOHELET 2:19

Sarta sapa sumurup, wong iku wicaksana apa bodho? Sanajan mangkono wong iku bakal ngwasani apa kang wus katindakake kalawan rekasa lan kawicaksanan ana ing sangisoring langit. Iku uga tanpa paedah.