PANGANDHARING TORET 21:18 - Kitab Sutji

¹⁸ “Manawa ana wong kang duwe anak lanang wangkal lan wangkot kang ora mbangun-turut marang pituture bapa lan biyunge, sanadyan wus dipethes, iya meksa ora ngrewes,

PANGANDHARING TORET 21:18 Iomraidhean Croise

II SAMUEL 7:14

Ingsun bakal dadi Ramane lan dheweke dadi putraningSun. Samangsa nglakoni kaluputan, bakal Sunukum klawan penjalin, kang dianggo ing wong, lan kalawan gebug kang ditamakake dening anak-anaking manungsa.

PANGENTASAN 20:12

Sira ngajenana bapa-biyungira, supaya didawakna umurira ana ing tanah peparinge Pangeran Yehuwah, Gusti Allahira marang sira.

PANGENTASAN 21:15

Sapa sing menthung bapa utawa biyunge, iku mesthi kaukum pati.

PANGENTASAN 21:17

Sing sapa ngipat-ipati bapa utawa biyunge, iku mesthi kaukum pati.

WULANG BEBASAN 1:8

He anakku, ngrungokna marang pamerdine bapakmu, lan aja ninggal piwulange ibumu;

WULANG BEBASAN 13:24

Sapa kang ora migunakake gitik, iku sengit marang anake, mangka kang asih marang anake iku aweh pamerdi ing kalamangsane.

WULANG BEBASAN 15:5

Wong bodho nampik pamerdine bapakne, nanging kang gelem nampani pameleh iku wicaksana.

WULANG BEBASAN 19:18

Anakmu rangketen salawase isih ana pangarep-arep, nanging aja nganti ndadekake patine.

WULANG BEBASAN 20:20

Sing sapa ngipat-ipati bapakne utawa biyunge, iku damare bakal mati ing wektu peteng.

WULANG BEBASAN 22:15

Kabodhoan iku tumempel ing atine wong anom, nanging gitiking pamerdi kang bakal ngilangake iku.

WULANG BEBASAN 28:24

Sing sapa ngrampas darbeke bapa utawa biyunge, mangka duwe pangira, manawa iku dudu panerak, wong iku dhewe dadi mitrane juru pangrusak.

WULANG BEBASAN 29:17

Anakmu gulawenthahen, temah bakal ndadekake ayeming atimu, malah aweh kabungahan marang nyawamu.

WULANG BEBASAN 30:11

Ana turun kang nyupatani bapakne, lan ora mberkahi marang biyunge.

WULANG BEBASAN 30:17

Mripat kang nyampahi marang bapa, sarta emoh mituhu marang biyung, iku bakal dithothol dening manuk gagak ing pinggir kali lan kamangsa dening anake manuk garudha.

YESAYA 1:2

Rungokna, he langit, lan gatekna, he bumi, sabab Pangeran Yehuwah ngandika: “Ingsun wus ngagengake putra-putra lan iku wus Sungulawenthah nanging padha mbalela marang Ingsun.

YESAYA 1:5

Kowe kepengin digitiki maneh ing ngendi, kowe kang padha mbangetake pamurtadmu? Sirahe wus lara kabeh, lan atine wus lungkrah lesu kabeh.

YEREMIA 31:18

Ingsun wus miyarsa temenan panangise Efraim: Paduka sampun ngrangket kawula, saha kawula sampun nampeni pangrangket punika, kados pedhet ingkang boten linatih. Kawula mugi Paduka wangsulaken, supados kawula mratobat, amargi Paduka punika Sang Yehuwah, Gusti Allah kawula.

YEREMIA 5:23

Nanging bangsa iki atine tansah nglawan lan mbalela, wis padha nyimpang lan ngilang.

YEREMIA 5:3

Dhuh Sang Yehuwah, punapa tingal Paduka boten tumuju dhateng ing kaleresan? Paduka sampun nggebagi tiyang-tiyang punika, ewadene boten ngraos sakit. Paduka sampun ngremuk tiyang-tiyang punika, ewadene sami boten sami purun nampeni pamerdi. Manahipun sami dipun atosaken nglangkungi sela, lan sami boten purun mratobat.

YEHESKIEL 22:7

Ana ing sira bapa lan biyung padha dicecamah lan ana ing tengahira wong manca dikaniaya, ana ing sira bocah yatim lan randha padha katindhes.

YEHESKIEL 24:13

Ing sarehne sira najisake awakira kalawan kanisthanira sarta Ingsun karsa ngresikake sira, nanging sira ora dadi resik, mulane sira ora bakal karesikan maneh, nganti Ingsun wus ngesokake dukaningSun marang sira.

KAIMAMAN 19:3

Saben wong ing satengahira duwea pakering marang biyunge lan bapakne, sarta padha netepana dina sabatingSun; Ingsun iki Yehuwah Allahira.

KAIMAMAN 21:9

Dene manawa anake wadon salah sawijining imam nglirwakake kasucene kang dirusak kanthi patrap dadi wanita tuna-susila, iku nerak kasucene bapakne, poma wong iku kaobonga.

PANGANDHARING TORET 21:19

bocah iku diladekna dening bapa-biyunge marang para tuwa-tuwane kutha kono ana ing gapuraning papan panggonane,

PANGANDHARING TORET 27:16

Kenaa ing laknat wong kang ngremehake marang bapa biyunge. Wong sabangsa kabeh banjur padha sumaura bareng: Amin!

PANGANDHARING TORET 8:5

Mulane kowe mangretia kang temenan, yen Sang Yehuwah, Gusti Allahmu anggone mulang marang kowe kaya pamulange wong tuwa marang anake.

I SAMUEL 3:13

Ujer wus Sundhawuhake yen Ingsun bakal ngukum kulawargane ing salawas-lawase, amarga saka dosa kang disumurupi, yaiku anggone anak-anake nyawiyah Gusti Allah nanging ora disrengeni.