MATEUS 21:6 - Kitab Sutji

⁶ Sakabat-sakabat mau banjur mangkat lan nindakake apa sadhawuhe Gusti Yesus.

MATEUS 21:6 Iomraidhean Croise

PURWANING DUMADI 12:4

Rama Abram tumuli bidhal netepi apa kang didhawuhake dening Sang Yehuwah, sarta Lut ndherek. Rama Abram nalika bidhal saka Haran yuswane pitung puluh lima tahun.

PURWANING DUMADI 6:22

Rama Nuh tumuli nglampahi, ngestokake apa sadhawuhe Gusti Allah mau kabeh.

PANGENTASAN 39:43

Nabi Musa tumuli mriksani sakehe gegawean iku, pranyata anggone padha nggarap iku cocog karo kang kadhawuhake dening Sang Yehuwah, kaya mangkono anggone padha tumindak ing gawe. Wong-wong mau tumuli padha diberkahi dening Nabi Musa.

PANGENTASAN 40:16

Nabi Musa banjur nglampahi kabeh kang wus kadhawuhake dening Pangeran Yehuwah.

YEHESKIEL 12:7

Aku banjur nindakake apa sadhawuhe marang aku: ing wayah awan aku nggawa barang-barang kayadene barange wong buwangan lan ing wayah bengi aku gawe bolongan ing tembok kalawan tanganku; ing wayah bengi kang peteng ing sapandelenge wong-wong mau aku metu kalawan manggul barang-barangku.

MATEUS 21:5

“Tutura marang putri Sion: Delengen, Ratunira ngrawuhi sira, Panjenengane iku alus panggalihe sarta nitih kuldi, beloning kuldi momotan.”

MATEUS 21:7

Kuldine karo belone digawa, banjur dilarabi sandhangane. Gusti tumuli nitih.

YOKANAN 15:14

Kowe iku mitraKu, manawa kowe padha nglakoni pepakonKu marang kowe.

I SAMUEL 15:11

“Ingsun kaduwung dene njumenengake ratu Saul, amarga wong iku wus nyingkur marang Ingsun lan nglirwakake dhawuhingSun.” Nabi Samuel temah sekel galihe, nyebut marang Sang Yehuwah sawengi muput.