LUKAS 5:11 - Kitab Sutji

¹¹ Sawise minggirake praune, banjur padha ninggal samubarang kabeh sarta ndherekake Gusti Yesus.

LUKAS 5:11 Iomraidhean Croise

MATEUS 10:37

Sing sapa nresnani bapa utawa biyunge nganti ngungkuli Aku, iku ora pantes tumraping Aku, lan sing sapa nresnani anake lanang utawa wadon ngungkuli Aku, iku ora pantes tumraping Aku.

MATEUS 19:27

Petrus tumuli mangsuli, unjuke: “Kawula sadaya sampun sami nilar samukawis saha lajeng ndherek Paduka; ingkang punika kawula sami badhe angsal punapa?”

MATEUS 19:29

Lan saben wong kang marga saka Aku wis ninggal omahe, sadulure lanang utawa wadon, bapa-biyunge, anak-anake apadene palemahane, iku bakal tampa sembulih tikel satus lan bakal oleh warisan urip langgeng.

MATEUS 4:20

Sanalika banjur padha ninggal jalane, ndherekake Gusti Yesus.

MATEUS 4:22

Sanalika padha ninggal praune lan bapakne, nuli ndherekake Gusti Yesus.

MARKUS 10:21

Gusti Yesus nuli mirsani wong mau kanthi raos tresna, banjur ngandika: “Mung kari saprakara kakuranganmu: Mundura, barang darbekmu dolana kabeh, pepayone wenehna marang wong-wong miskin, temahan kowe bakal tampa bandha kaswargan, banjur balia mrene, melua Aku!”

LUKAS 5:28

Lewi banjur ngadeg, samubarang kabeh ditinggal lan ndherek Gusti Yesus.