5 Wong kang bodho sedhakep lan mangan daginge dhewe.
Dagingku arep dakjupuk kalawan untuku, lan nyawaku arep daksangga ing tanganku.
Wong kang ambek darma mbeciki awake dhewe, nanging kang ambek siya iku niksa awake dhewe.
Wong kesed ora bakal nyekel kang kaburu, nanging wong sregep bakal oleh barang kang pangaji.
Atine wong kesed iku kebak pepenginan, nanging tanpa guna, balik atine wong sregep iku kaparingan kaluberan.
Ing mangsa bedhidhing wong kesed ora gelem mluku, manawa ing mangsa panen tanpa gawe anggone golek pametune lemah.
He wong kesed, nganti pira lawase anggonmu klemahan, besuk apa anggonmu tangi turu?
Tetembungan kang metu saka ing tutuke wong wicaksana iku sedhep, nanging lambene wong gemblung iku nguntal wong iku dhewe.
Manasye mangsa Efraim, lan Efraim mangsa Manasye, tuwin bebarengan padha nglawan Yehuda. Sanadyan iki kabeh kelakon, dukane durung mendha, sarta astane isih kaagagake.
