FILEMON 1:24 - Kitab Sutji

²⁴ lan saka Markus, Aristarkhus, Dhemas lan Lukas padha kancaku ing gawe.

FILEMON 1:24 Iomraidhean Croise

LELAKONE PARA RASUL 12:12

Sawise nggalih-nggalih sadhela, banjur tindak menyang ing omahe Maryam, ibune Yokanan kang uga karan Markus. Ing kono akeh wong kang padha nglumpuk ndedonga.

LELAKONE PARA RASUL 12:25

Barnabas lan Saulus, sawise ngrampungake kawajibane, banjur bali saka ing Yerusalem, Yokanan kang uga peparab Markus diajak.

LELAKONE PARA RASUL 13:13

Rasul Paulus sakanthine banjur tindak saka ing Pafos lan layar menyang ing kutha Perga ing tanah Pamfilia. Nanging Yokanan tumuli pamitan lan bali menyang ing Yerusalem.

LELAKONE PARA RASUL 19:29

Kaanan ing sakutha kabeh banjur dadi kisruh, wong-wong kabeh padha gumrudug menyang ing gedhong-tontonan lan ngglandhang Gayus sarta Aristarkhus, iku padha wong Makedhonia, kang padha lelungan bebarengan karo Rasul Paulus.

LELAKONE PARA RASUL 27:2

Aku padha nunggang kapal saka ing palabuhan Adramitium kang bakal layar menyang ing palabuhan-palabuhan ing sauruting pesisire tanah Asia, tumuli padha mangkat. Aristarkhus, wong Makedhonia saka ing kutha Tesalonika, mbarengi lakuku.

II KORINTA 8:23

Dene Titus, iku kancaku lan rewangku nyambut-gawe kanggo kowe; lan sadulur-sadulurku liyane iku padha dadi utusaning pasamuwan-pasamuwan lan minangka kaluhurane Sang Kristus.

FILIPI 2:25

Mung bae dakkira prelu aku kongkonan Epafrodhitus marang kowe, yaiku sadulurku lan kanca nyambut-gawe sarta kancaku perang, kang kokkongkon nulungi aku ing bab kabutuhanku.

FILIPI 4:3

Lan aku uga duwe panjaluk marang kowe, Sunsugos, kancaku kang tumemen: iku padha tulungana. Awit wong iku wus padha tarung bebarengan karo aku ana ing pakabaran Injil, sarta bebarengan karo Klemens lan kanca-kancaku nyambutgawe liyane, kang jenenge padha kapacak ana ing buku kauripan.

KOLOSE 4:10

Salam marang kowe saka Aristarkhus, kancaku kinunjara, lan saka Markus kaponakane Barnabas – tumrap dheweke kowe rak wus tampa welingan – iku yen nekani kowe tampanana.

KOLOSE 4:14

Salam marang kowe saka Lukas, dokter kang kinasih lan saka Dhemas.

I PETRUS 5:13

Salam marang kowe kabeh, saka sadulurmu ing Babilon kang pilihan lan Markus anakku.

III YOKANAN 1:8

Kang iku kita iki padha kawajiban nampani wong-wong kang kaya mangkono iku, supaya kita padha dadia rewang ing gawe kang lumadi marang ing kayekten.