San Mateo 4:4 - Jakalteko

⁴ Istakꞌwi Comam tet naj: —Wal xin tzꞌibn̈ebilcano yul Yum Comam Dios tato maẍn̈etaj yu tzet chicolo yuxin ay cokꞌinal, to yupaxo Istzotiꞌ Comam, ẍiayoj, ẍi Comam tet naj.

San Mateo 4:4 Iomraidhean Croise

San Mateo 15:11

Maẍtaj tzet chiocto yul istiꞌ anma, haꞌ chietanto yul sat Comam Dios, walxinto haꞌ istxꞌojal chiahti yul istiꞌ, haꞌ chietanto yul sat Comam, ẍi Comam.

San Mateo 4:10

Istakꞌwi Comam: —Ach matzwalil hitzan̈ilo incꞌatan̈an yuto chal yul Yum Comam Dios hacaꞌ tiꞌ: “Iweyo heba tet Comam Dios yuto Heyahawil yeb heDiosal ye Comam, han̈e tet Comam xin cheyije tzet chala,” ẍiayoj, ẍi Comam.

San Mateo 4:7

Istakꞌwi Comam Jesús tet naj: —Tzꞌibn̈ebilpaxcanayo yul Yum Comam Dios hacaꞌ tiꞌ: “Mach chinheyacojan yin̈ ilwebal yuto Heyahawil yeb heDiosal wehan,” ẍiayoj, ẍi Comam.

San Marcos 7:20

Yalnipaxo Comam tet ebnaj iscuywom tuꞌ: —Wal xin haꞌ istxꞌojal chitit yul yanma anma haꞌ chietanto yul sat Comam Dios.

San Lucas 4:12

Istakꞌwican̈ Comam tet naj: —Yaj halbilpaxo yul Yum Comam Dios: Mach chinheyacojan yin̈ ilwebal yuto heyahawil wehan, yeb xin heDiosal wepaxojan, ẍiayoj, ẍi Comam.

San Lucas 4:4

Istakꞌwican̈ Comam tet naj matzwalil tuꞌ xin: —Yul Yum Comam Dios tzꞌibn̈ebilcanoj: “Maẍn̈etaj yu tzet chicolo yuxin ay cokꞌinal, to yupaxo Istzotiꞌ Comam,” ẍiayoj, ẍi Comam tet naj.

San Lucas 4:8

Istakꞌwican̈ Comam Jesús tet naj matzwalil tuꞌ: —Chal Comam Dios yul Yum hacaꞌ tiꞌ: “Han̈echꞌan wetan chu heyinayo heba, yuto heyahawil yeb heDiosalpaxo wehan, yeb han̈echꞌan wetan cheyije,” ẍiayoj, ẍi Comam tet naj.

San Juan 15:26

Yaj ay huneꞌ Comam chicolwa teyin̈ chitit bey Inmaman, haꞌ ton xin Comam Espíritu Santo, Comam han̈e isyelal chala. Haninan chintohan inchejaꞌtijan Comam tuꞌ. Yet ay Comam texol chitzotelo win̈an.

San Juan 6:63

Haꞌ Yespíritu Comam Dios haꞌ chiakꞌni kꞌinale mach istan̈bal, wal conimanil matzet chakꞌa. Huntekꞌan cuybanile xawalan teyet tuꞌ, yin̈ caw yeli yet Espíritu yehi, haꞌ chiakꞌni kꞌinale mach istan̈bal.

Romanos 15:4

Sunil tzet tzꞌibn̈ebilcano yul Yum Comam Dios yet payat, cocuybanil yu istzꞌibn̈elaxcanoj, chakꞌni isnimanil cocꞌul yeb yakꞌlobal janma, yun̈e janico Comam yipo janma.

Efesios 6:17

Hacaꞌ yahnato naj soldado huneꞌ chꞌen chꞌen cꞌowiꞌe yin̈ iswiꞌ yun̈e mach chikꞌaxpon bala yin̈ iswiꞌ, hac tuꞌ xin chu hecolni heba yu huneꞌ hecolbanil akꞌbilxa yu Comam. Hacaꞌticꞌa yikꞌni naj soldado yespada yet chito naj yin̈ howal, hacojab tuꞌ heyikꞌni Istzotiꞌ Comam Dios chakꞌ Comam Espíritu Santo jet.