San Mateo 11:3 - Jakalteko

³ iskꞌambeno tet Comam: —¿Ham hach tiꞌ Cristo echmabil yul juhan̈, mato chijechmahan̈ yul hunuxa naj? ẍi ebnaj.

San Mateo 11:3 Iomraidhean Croise

San Mateo 11:10

Yin̈ naj Juan tzꞌibn̈ebilcano yul Yum Comam Dios bay chal hacaꞌ tiꞌ: Haninan chinchejtojan inchejaban babel tasataj, yun̈e iswatxꞌen habeh yalan̈to maẍto chachapni, ẍiayoj.

San Mateo 11:4

Istakꞌwi Comam: —As halwe tet naj Juan tuꞌ yin̈ sunil tzet maxeyabe yeb yin̈ tzet maxeyila.

San Mateo 21:5

Halwe tet anma ay yul con̈ob Sión hacaꞌ tiꞌ: Ilwecꞌanabi, lan̈an yul hereyal texol, huneꞌ heyahaw tiꞌ caw cꞌul iscꞌul, ayahto yiban̈ huneꞌ noꞌ tzeh burro, yunin huneꞌ noꞌ miꞌe burro ijtzom, ẍiayoj.

San Mateo 21:9

Sunil anma babelico sata Comam yeb tzujanico yintaj, ichico yawi yin̈ caw ip, chalni hacaꞌ tiꞌ: —¡Caw niman yelapno naj tiꞌ, haꞌ naj tiꞌ titna yin̈ yuninal jichmam rey David! ¡Jalaꞌwe tzotiꞌ cꞌul yin̈ mac chihul coxol yu Comam Dios! ¡Jakꞌaꞌwe yuchꞌandiosal tet Comam Dios ay satcan̈! ẍi anma.

San Marcos 11:9

Yah yaw anma babelico sata Comam yeb anma tzujanico yinta Comam, yalni anma hacaꞌ tiꞌ: —¡Jalaꞌwe tzotiꞌ cꞌul yin̈ mac chul coxol tiꞌ, yuto chejbilti naj yu Comam Dios!

San Lucas 19:38

Chalni anma hacaꞌ tiꞌ: —Jalaꞌwe cꞌulla tzotiꞌ yin̈ Jahawil chul coxol yu Comam Dios. Ayojab akꞌancꞌulal yul satcan̈, caw jakꞌaweco ismay Comam Dios.

San Juan 11:27

Hoꞌ Mamin, caw chiwaytojan yul wanmahan tato hach tiꞌ Cristo hach. Caw Iscꞌahol Comam Dios hawehi, halbilcanoj ta chachhul yul sat yiban̈kꞌinal tiꞌ, ẍi ix Marta tuꞌ tet Comam.

San Juan 12:13

Yuxin yilo anma xaj teꞌ chꞌib, yinito anma teꞌ yun̈e isto anma ischahno Comam. Chi-la-el yaw anma yin̈ caw ip, chalni: —¡Caw niman yelapno Comam Dios! ¡Jalaꞌwe tzotiꞌ caw cꞌul yin̈ Mac akꞌbilti coxol yu Comam Dios Jahawil. Jakꞌaꞌwe tzalaho cocꞌul yin̈ Jahawil, han̈on̈ Israel hon̈ tiꞌ! ẍi anma tuꞌ.

San Juan 16:14

Haꞌ xin chianico inmayan, yuto chohtan̈e baytet wetan yehi cat xin yalnolo teyet.

San Juan 4:21

Yalni Comam tet ix: —Hach ix ach tiꞌ, ayto sunil tzet chiwaltiꞌan yul hawanma. Chiapni huneꞌ istiempohal yet matxa chexhul heyikꞌayo heba tet Comam Dios bey huneꞌ witz tiꞌ, yeb matxa yilalo chextopaxo bey Jerusalén.

San Juan 6:14

Yet yilni anma huneꞌ cꞌaybalcꞌule iswatxꞌe Comam Jesús tuꞌ, yalni anma hacaꞌ tiꞌ: —Yin̈ caw yeli, haꞌ huneꞌ naj tiꞌ ischejab Comam Dios halbilcanoj tato chihul coxol bey yul sat yiban̈kꞌinal tiꞌ, ẍi anma.

San Juan 7:31

Caw xin hantan̈e mac chanayto yul yanma yin̈ Comam, chi-la-yalni hacaꞌ tiꞌ: —Yet chihul Comam Cristo tuꞌ, ¿tom caw ecꞌbalto cꞌaybalcꞌule chisye sata sunil tzet chisye naj tiꞌ jet? ẍi anma yin̈ Comam.

Hebreos 10:37

yuto chal yul Yum Comam Dios: Caw hanicꞌxan̈e bay chul Comam, Comam yilal yuli, caw mach chiecꞌto yet yuli.