San Lucas 8:51 - Jakalteko

⁵¹ Hayet yapni Comam bey yatut naj Jairo tuꞌ, machi huno mac ischacto Comam yul n̈a, han̈cꞌan̈e naj Pedro, yeb naj Juan, yeb naj Jacobo yebpaxo ismam yeb ismiꞌ ix nichꞌan tuꞌ.

San Lucas 8:51 Iomraidhean Croise

San Marcos 14:33

Han̈e xin naj Pedro, naj Jacobo yeb naj Juan yito Comam. Caw yabe Comam isyaꞌil biscꞌulal yin̈ yanma.

San Lucas 6:14

Hac tiꞌ isbi hunun ebnaj hacaꞌ tiꞌ: naj Simón, Pedro yijcano isbi naj yu Comam, naj Andrés, yuẍta naj Simón, naj Jacobo yeb naj Juan, naj Felipe yeb naj Bartolomé.

San Lucas 8:50

Hayet yaben Comam huneꞌ tuꞌ, yalni Comam tet naj Jairo: —Mach cachxiwi. Haꞌ huneꞌ wal hawuteni, ayto Comam Dios yul hawanma haxinwal chicawxocan̈ hacutzꞌin, ẍi Comam tet naj.

San Lucas 8:52

Toxan̈e chihan̈cha anma yokꞌ yin̈ ix nichꞌan tuꞌ, caw chitzay iscꞌul anma yin̈ ix. Yalni Comam xin: —Mach chexokꞌi. Mach camnajo ix nichꞌan tiꞌ, wal xin ton̈e chiway ix, ẍi Comam.

San Lucas 9:28

Waxajebxa tzꞌayic yalni Comam Jesús huntekꞌan tuꞌ xin, yijbanahto Comam naj Pedro yeb naj Jacobo yeb naj Juan iswiꞌ huneꞌ witz yu istxahli tet Comam Dios.

Hechos 9:40

Lahwi tuꞌ xin, ischejlaxayti sunil anma yul huneꞌ cuarto yu naj Pedro. Yay jahno naj istxahli naj tet Comam Dios. Lahwi istxahli naj tuꞌ xin, yalni naj tet ix Dorcas hacaꞌ tiꞌ: —Tabita, ahan̈wanoj, ẍi naj tet ix. Yet lahwi yalni naj tuꞌ xin, ishajni sat ix, hayet yilni ix naj Pedro tuꞌ, yah tzꞌon̈no ix.