San Lucas 8:50 - Jakalteko

⁵⁰ Hayet yaben Comam huneꞌ tuꞌ, yalni Comam tet naj Jairo: —Mach cachxiwi. Haꞌ huneꞌ wal hawuteni, ayto Comam Dios yul hawanma haxinwal chicawxocan̈ hacutzꞌin, ẍi Comam tet naj.

San Lucas 8:50 Iomraidhean Croise

San Marcos 5:36

Hayet yaben Comam yin̈ tzet yal ebnaj tuꞌ, yalni Comam tet naj Jairo: —Mach chawaco yin̈ hacꞌul, wal xin aco hawanma yin̈ Comam Dios, ẍi Comam.

San Marcos 9:23

Yalni Comam tet naj: —Tato chawayto yul hawanma, chuhi, yuto sunil mac chianayto yul yanma yin̈ Comam Dios sunil tzet chiskꞌana chij isba, ẍi Comam.

San Lucas 8:48

Yalni Comam tet ix: —Miyay, macachcawxican̈ yuto maxawayto yul hawanma win̈an. ¡Paxan̈toj! Maꞌoc hawanma yul yehobal, ẍi Comam tet ix.

San Lucas 8:51

Hayet yapni Comam bey yatut naj Jairo tuꞌ, machi huno mac ischacto Comam yul n̈a, han̈cꞌan̈e naj Pedro, yeb naj Juan, yeb naj Jacobo yebpaxo ismam yeb ismiꞌ ix nichꞌan tuꞌ.

San Juan 11:25

Yalni Comam xin: —Hanintiꞌan chiwakꞌ itzitzbocan̈an anma camnaxa, yeb xin haninan chiwakꞌan iskꞌinal mach istan̈bal. Yuxinto macn̈eticꞌa chinchahnihan yul yanma, waxan̈ca chicami chiitzitzbican̈.

San Juan 11:40

Istakꞌwi Comam Jesús: —¿Tom machi mawalan tawet xin tato chawayto yul hawanma yin̈ tzet chiwalan, caw chawilaꞌ ishelanil yip Comam Dios? ẍi Comam tet ix.

Romanos 4:17

Hacaꞌ yalni yul Yum Comam Dios bay chala: “Caw tzetcꞌa anma chipohchacan̈ yin̈ej hawuninal,” ẍi Comam tet icham. Yajaꞌ icham Abraham tuꞌ yaco yanma icham yin̈ Comam, Comam chiakꞌni itzitzbocan̈ camom yeb chiwatxꞌen tzet ye tuꞌ maẍto watxꞌebiloj.

Romanos 4:20

Yajaꞌ xin maẍticꞌa cabconcan̈ iscꞌul icham yin̈ tzet yalcano Comam, caw machi yilo yanma icham yin̈ Comam. Walxinto ip yanayto icham yul yanma yin̈ tzet yal Comam, yakꞌni tzalaho iscꞌul icham yin̈ Comam.