San Lucas 7:29 - Jakalteko

²⁹ Haꞌ comon anma, yebpaxo ebnaj ikꞌomilo tohlabal yin̈ anma, chꞌen chito bey Roma, yet yalan̈tocanoj yabe ebnaj tzet yal naj Juan, yahcano haꞌ iswiꞌ, haꞌ ebnaj tuꞌ chitxumcha yu ta caw cꞌul Comam Dios.

San Lucas 7:29 Iomraidhean Croise

San Mateo 5:46

Wal xin tato han̈cꞌan̈e anma xahan chexilni, haꞌn̈e xin xahan cheyilpaxoj, ¿mataxca chechah ispaj huneꞌ tuꞌ tet Comam Dios? Machoj, yuto hac tuꞌ chute isbeybaln̈e ebnaj mulum, hacaꞌ ebnaj ikꞌomilo tohlabal chito bey Roma.

San Lucas 20:6

Macato ta chijalaꞌpaxo ta maẍtaj Comam Dios an̈eti naj, chitij ishowal anma jin̈, cat con̈iskꞌojno camoj, yuto haꞌ naj Juan tuꞌ caw ischejab Comam Dios ye naj yul sat anma, ẍi ebnaj.

San Lucas 3:12

Aypaxo xin haywan̈ ebnaj ikꞌomilo tohlabal chꞌen chito bey Roma, apni ebnaj iscꞌatan̈ naj Juan tuꞌ yu yah haꞌ iswiꞌ. Yoc ebnaj iskꞌambeno hacaꞌ tiꞌ: —Mam cuywawom, ¿tzet wal juten cobahan̈ yun̈e cowatxꞌicojan̈ yul sat Comam Dios? ẍi ebnaj.

San Lucas 7:28

Chiwalan teyet tato xol anma yul sat yiban̈kꞌinal tiꞌ maẍto hunu mac ecꞌbal yelapno yiban̈ naj Juan tuꞌ, yaj wal xol anma ayxaco yul iskꞌab Comam Dios tinan̈, waxan̈ca machi yelapno yehi, ecꞌbalto iscꞌulal chil sata naj Juan, ẍi Comam.

San Lucas 7:35

Yaj wal anma ayco ishelanil Comam Dios yin̈, haban isyenilo isba yin̈ tzettaj cꞌul chi-la-iswatxꞌe, ẍi Comam.

Hechos 18:25

Cuybilpaxo naj yin̈ cuybanile yin̈ yet Comam Jesucristo, yuxin yin̈ caw sunil yanma naj iscuy naj anma yin̈ yet Comam. Waxan̈ca han̈echꞌan cuybanile yal naj Juan yin̈ yahbal haꞌ iswiꞌ anma yohta naj.

Hechos 19:3

Iskꞌambenpaxo naj: —¿Tzet cuybanile ilchalo heyu yet yah haꞌ hewiꞌ? ẍi naj Pablo tuꞌ. Istakꞌwican̈ ebnaj: —Wal xin, ah haꞌ cowiꞌan̈ hacaꞌ cuybanile yal naj Juan, ẍi ebnaj.

Romanos 10:3

Wal xin mach yohtajo ebnaj yin̈ tzet chu iscan cꞌulal sata Comam Dios, yuto ischuquil ebnaj chisayni yoc cꞌulal yul sat Comam, mach chisje ebnaj yabeto yin̈ tzet halbilcano yu Comam yin̈ tzet chu iscan cꞌulal.

Apocalipsis 15:3

Chanicꞌo anma tuꞌ isbit naj Moisés ischejab Comam Dios, yeb isbit Comam oc xahanbalil, chalni anma tuꞌ: Hach Jahawil, yeb hach coDiosalan̈ caw sunil tzettaj ye tuꞌ chu hawatxꞌeni. Caw aycano yelapno sunil tzet ye tuꞌ watxꞌebil hawu yeb chicꞌay cocꞌul jilni. Istoholal yeb isyelal chawala. Hach tiꞌ yahawilach yin̈ sunilej con̈ob.

Apocalipsis 16:5

Wabenan yalni naj yahawil ha haꞌ: Mamin, hach tiꞌ Dios ach, machi nino istxꞌojal ayco tawin̈. Ayach tinan̈ yeb xin ayachxaticꞌa yet yalan̈tocanoj. Hach tiꞌ caw istoholal chawatxꞌe, yuto maxawil yin̈ tzet chielico anma tiꞌ.