San Lucas 7:13 - Jakalteko

¹³ Hayet yilnito Comam ix hunix tuꞌ, istzꞌaycan̈ iscꞌul Comam yin̈ ix, yalni Comam: —Mach chaẍokꞌi, ẍi Comam.

San Lucas 7:13 Iomraidhean Croise

San Marcos 8:2

—Caw chitzꞌay incꞌulan yin̈ anma tiꞌ, yuto oxebxa tzꞌayic aycꞌo incꞌatan̈an, matxa xin tzet chislo.

San Lucas 10:1

Lahwi tuꞌ xin, issicꞌlenilo Comam Jesús setentaxa ebnaj iscuywom. Catawan̈ xin yu yanito Comam ebnaj yul hunun con̈ob yeb xol wayan̈bal bayejtuꞌal bay chi-caw-yecꞌpaxo Comam.

San Lucas 11:1

Ay hunel xin txahli Comam Jesús bey huneꞌ txꞌotxꞌ, yet lahwi istxahli Comam tuꞌ, yalni huneꞌ iscuywom Comam tet: —Mamin, cuyon̈an̈ cotxahlihan̈ hacaꞌ yu iscuyni naj Juan ebnaj iscuywom istxahli tet Comam Dios, ẍi naj.

San Lucas 11:39

Yuxin yal Comam tet naj: —Hex fariseo hex tiꞌ, caw cꞌul chu hetxꞌahni yinta hevaso yeb hesecꞌ hacaꞌ yalni hecuybanil, wal yul henabal han̈cꞌan̈e elekꞌ nabil yu, haxapaxo yul heyanma xin, nohna yu sunil istxꞌojal chewatxꞌe.

San Lucas 12:42

Yalni Comam: —Huneꞌ tiꞌ chiwalan yin̈ huneꞌ naj ilom munil caw yijem yeb caw ay isnabal, akꞌbilico yu naj yahaw munil yul yatut yu yakꞌni tzet chislo ebnaj munlawom hacaꞌ yalni naj yahaw tuꞌ.

San Lucas 13:15

Istakꞌwican̈ Comam: —Hex cheyal heba cꞌulal tiꞌ, ta ay hunu hewacax maca to hunu hecheh xecan yin̈ istzꞌayical xewilal, ¿tom mach chepuhilo noꞌ, cat heto heyakꞌno ucꞌu haꞌ noꞌ?

San Lucas 17:5

Iskꞌanni ebnaj ischejab Comam Jesús tet hacaꞌ tiꞌ: —Akꞌ yip janmahan̈ yin̈ Comam Dios, ẍi ebnaj.

San Lucas 17:6

Istakꞌwi Comam tet ebnaj: —Ta caw cheyaco heyanma yin̈ Comam Dios, waxan̈ca chiichico hacaꞌ hunu teꞌ nichꞌan hin̈at mostaza, wal tuꞌ chu heyalni tet hunu teꞌ kꞌebtaj morera hacaꞌ tiꞌ: “Hocꞌati haba bey tiꞌ, cat hato hatzꞌunnayto haba xol haꞌ mar,” ta quexchi, chisyije teꞌ tzet cheyala, ẍi Comam.

San Lucas 18:6

Yalnipaxo Comam: —Abewe tzet yute yalni naj alcal mach chixiw tet Comam Dios.

San Lucas 19:8

Haꞌ naj Zaqueo tuꞌ, ah lin̈no naj, yalni naj tet Comam: —Mamin, wal tinan̈ chiwakꞌan yicta tzet ayinan tet anma mebaꞌ, yeb xin ta ay mac ecꞌbal wutelojan ismelyu, can̈elto ecꞌbal selel chiwakꞌan tet, ẍi naj.

San Lucas 22:61

Istꞌan̈xito Comam yin̈ naj Pedro tuꞌ. Hac tuꞌ xin yu isnaniti naj Pedro tzet yal Comam tet naj: “Oxelxa chawala ta mach quinhawohtajojan yet chiꞌokꞌcan̈ noꞌ icham chiyo,” ẍi Comam Jesús tet naj.

San Lucas 24:3

Yocto ebix yul chꞌen, yilni ebix ta matxa isnimanil Comam ayictoj.

San Lucas 24:34

Yalni ebnaj tet ebnaj cawan̈ tuꞌ: —Yin̈ caw yeli, maitzitzbican̈ Comam, masye isba tet naj Simón Pedro, ẍi ebnaj.

San Lucas 7:12

Hayet yapni Comam istiꞌ ispultahil con̈ob tuꞌ, yilnito Comam lan̈an yilaxto huneꞌ camom mujlaxoj, yunin huneꞌ ix hunix; caw xin han̈cꞌan̈e huneꞌ yunin ix tuꞌ. Caw hanta anma tzujan yinta ix yeb iscamom tuꞌ.

San Lucas 7:14

Ishitzico Comam iscꞌatan̈ naj camom tuꞌ, yanico Comam iskꞌab yin̈ teꞌ batxteꞌ, islin̈ban isba ebnaj ikꞌn̈e naj. Yalni Comam tet naj camom tuꞌ: —Ach nichꞌan tzeh, chiwalan tawet, ahan̈wanoj, ẍi Comam.

San Lucas 7:19

Yalni naj tet ebnaj ta chito ebnaj iskꞌambe tet Comam Jesús hacaꞌ tiꞌ: —¿Tom hach tiꞌ bay tzꞌibn̈ebilcanoj ta chaẍhuli, mato ayto hununxa naj chijechmahan̈ yuli? quexchi, ẍi naj Juan tet ebnaj.

San Lucas 8:52

Toxan̈e chihan̈cha anma yokꞌ yin̈ ix nichꞌan tuꞌ, caw chitzay iscꞌul anma yin̈ ix. Yalni Comam xin: —Mach chexokꞌi. Mach camnajo ix nichꞌan tiꞌ, wal xin ton̈e chiway ix, ẍi Comam.

San Juan 11:3

Ebix cawan̈ yanab naj Lázaro tuꞌ xin, yato ebix tzotiꞌ tet Comam Jesús hacaꞌ tiꞌ: —Mamin, caw txꞌoj ye iscꞌul conohan̈, naj caw xahan ay hawu, ẍito ebix tet Comam.

San Juan 20:13

Lahwi tuꞌ xin, iskꞌamben ebnaj tet ix: —¿Tzet chawokꞌte? ẍi ebnaj. Istakꞌwi ix: —Chinokꞌan yuto maꞌilaxto isnimanil Wahawilan, caw mach wohtajojan baytuꞌwal ma-bey-alaxocanoj, ẍi ix tet ebnaj.

San Juan 20:15

Iskꞌamben Comam tet ix: —¿Tzet yin̈ yuxinto chachokꞌi? ¿Mac chasaya? ẍi Comam. Haꞌ yute isnani ix tato haꞌ naj chitan̈en huneꞌ tzꞌunub tuꞌ chitzotel tet ix, yuxinto yal ix: —Mamin, tato hach maxawitoj, halilo wetan baytuꞌwal macachbey hawakꞌaꞌcanoj, cat winitojan, ẍi ix.

San Juan 4:1

Yaben ebnaj fariseo ta chiyapaxocan̈ Comam Jesús haꞌ iswiꞌ anma yeb xin ta caw ecꞌnaxa anma tzujan yinta Comam satapaxo naj Juan;

San Juan 6:23

Ay xin huntekꞌan teꞌ barco ispeto yul con̈ob Tiberias apni iscawilal bay iswah anma ixim pan yet yakꞌni Comam yuchꞌandiosal yin̈ ixim tet Comam Dios.

1 Corintios 7:30

Haxa mac biscꞌulal ye xin, hacaꞌojtam ayco yin̈ tzalahilal, haxa mac ayco yin̈ tzalahilal xin, hacaꞌojtam ayco yin̈ biscꞌulal. Haꞌ mac chilokꞌni hunu tzet ye tuꞌ hacaꞌojtam mach yeto tzet chislokꞌ tuꞌ.

1 Tesalonicenses 4:13

Hex wuẍtaj hex wanab, chijochehan̈ tato cheyohtan̈elo tzet chiyakꞌle anma ayxaco yul iskꞌab Comam xalecamtoj, haxinwal mach cheyikꞌ biscꞌulal, hacaꞌ anma machi bay chicawxi iscꞌul.

Hebreos 2:17

Yuxin caw yilal yuteco isba Comam hacaꞌ han̈on̈ yuẍtajon̈ tiꞌ, yu istzꞌay iscꞌul jin̈ yeb yu yoc tzotelo jin̈ tet Comam Dios, hacaꞌ hunu naj yahawil sacerdote caw yijem, yanico isba Comam xahanbalil jin̈ yu yelcano comul jiban̈.

Hebreos 4:15

Wal Comam yahawil sacerdote tuꞌ chu istzꞌay iscꞌul jin̈ yin̈ coyaꞌtajil, yuto hayet yecꞌ Comam yin̈ isnimanil coxol caw txꞌiꞌal ilwebal hul yiban̈ hacaꞌ ej ilwebal chul jiban̈, yajaꞌ machi bay yaco ismul Comam.