San Lucas 6:17 - Jakalteko

^17-18 Yet ispaxayti Comam Jesús yin̈ huneꞌ won̈an yeb ebnaj chicuywi yintaj, yayilo Comam sat huneꞌ chekꞌan̈. Caw tzetcꞌacano anma chi-ticꞌa-cuywi yinta Comam cutxico bey tuꞌ. Ay anma ispeto ismajul Judea yeb yul con̈ob Jerusalén, yebpaxo anma ispeto istila haꞌ mar Mediterráneo yul ismajul Tiro, yeb yul ismajul Sidón. Apni anma yabeꞌ cuybanile chal Comam yeb xin apni yun̈e yakꞌni cawxo Comam macta ayco yabil yin̈, yeb xin macta chꞌecꞌyaꞌ yu naj matzwalil, yu iscawxicanocan̈ yu Comam.

San Lucas 6:17 Iomraidhean Croise

San Mateo 11:21

—Hex ay yul con̈ob Corazín cꞌanchꞌanex, yeb hex ay yul con̈ob Betsaida, cꞌanchꞌanexpaxoj, yuto ta yul con̈ob Tiro yeb con̈ob Sidón yelax huntekꞌan cꞌaybalcꞌule chiyelax texol tiꞌ, payxam isbejcano anma iswatxꞌen istxꞌojal, yamahto anma tan̈ yin̈ iswiꞌ, yeb yamico anma xil iskꞌap chiyenilo biscꞌulal.

San Mateo 12:15

Hayet yabenilo Comam Jesús huneꞌ tuꞌ, isto Comam. Caw hantan̈e anma oc tzujno yinta Comam; yakꞌni cawxo Comam macta yaꞌay.

San Mateo 14:14

Hayet yelti Comam yul teꞌ barco tuꞌ xin yilnitoj ta tenanxato anma yechmani. Istzꞌaycan̈ iscꞌul Comam yin̈ anma, yakꞌni cawxo Comam anma yaꞌay ilaxto bey tuꞌ.

San Mateo 15:21

Lahwi tuꞌ xin isto Comam Jesús yul ismajul txꞌotxꞌ Tiro yeb txꞌotxꞌ Sidón.

San Mateo 5:1

Hayet yilni Comam Jesús tato caw hantan̈e anma apni iscꞌatan̈, yahto Comam yin̈ istzalanil huneꞌ won̈an, yay tzꞌon̈no Comam, ishitzico ebnaj iscuywom Comam iscꞌatan̈.

San Lucas 5:15

Haxa yet yabelaxilo huneꞌ tuꞌ, ispujnacan̈ iskꞌumal Comam xol anma, yuxin caw tzetcꞌa anma apni abeno tzet chal Comam, apnipaxo anma yun̈e iscawxicanocan̈.

San Lucas 6:12

Yet hunel tuꞌ, to Comam Jesús yin̈ istzalanil huneꞌ won̈an txahloj, sunilbal akꞌbal txahli Comam tet Comam Dios.

San Lucas 6:16

yeb naj Judas, iscꞌahol icham Jacobo yeb xin naj Judas Iscariote, naj anico Comam yul iskꞌab camical.