San Lucas 5:12 - Jakalteko

¹² Yet hunel yet ayicꞌo Comam Jesús yul huneꞌ con̈ob, yapni huneꞌ naj ayco lepra yin̈ iscꞌatan̈ Comam, caw xin yaꞌay naj yu huneꞌ yabil tuꞌ. Hayet yilni naj Comam, yay jahno naj sata Comam, yay xulno naj sat txꞌotxꞌ, iskꞌanni naj tet Comam: —Mamin, ta chisje hacꞌul chu hawinilo huneꞌ yabil tiꞌ win̈an, ẍi naj.

San Lucas 5:12 Iomraidhean Croise

San Mateo 26:6

Yet ayxa Comam Jesús yul con̈ob Betania xin, isto Comam yatut naj Simón, naj ayticꞌaco yabil chiyij lepra yin̈.

San Mateo 9:28

Hayet yapni Comam yul n̈a, yocpaxto ebnaj yul n̈a yinta Comam, yalni Comam tet ebnaj: —¿Chimheyayto yul heyanma tato chu wakꞌni hajlojan hesat? ẍi Comam. Istakꞌwi ebnaj tet Comam: —Hoꞌ Mamin, chijaytojan̈ yul janmahan̈, ẍi ebnaj.

San Marcos 5:23

Yoc naj iskꞌanno tet Comam hacaꞌ tiꞌ: —Mamin, ay huneꞌ nichꞌan incutzꞌinan lan̈anxa iscami, estam chachto nino wintajan cat hawanayo hakꞌab yiban̈ ix haxinwal chicawxican̈ ix, hac tuꞌ xin mach chicam ix, ẍi naj.

San Lucas 17:16

Hayet yapni naj iscꞌatan̈ Comam Jesús, yay jahno naj sata Comam yu yakꞌni naj yuchꞌandiosal tet Comam. Huneꞌ naj tuꞌ, ah Samaria naj.

San Lucas 5:13

Yanayo Comam iskꞌab yiban̈ naj, yalni hacaꞌ tiꞌ: —Hoꞌ, chiwochehan ta chiꞌel huneꞌ yabil tiꞌ tawin̈, ẍi Comam tet naj. Yin̈n̈ena tuꞌ, yel huneꞌ lepra tuꞌ yin̈ naj.

Hebreos 7:25

Yuxin chꞌakꞌ Comam colbanile mach istan̈bal tet macta chihitzico iscꞌatan̈ Comam Dios yu Comam Jesús. Haꞌ Comam xin chitzotel jin̈ tet Comam Dios yin̈ sunilbal tiempo yu mach chicam Comam.