San Lucas 4:21 - Jakalteko

²¹ Yichico Comam yalnilo tet anma hacaꞌ tiꞌ: —Haꞌ yin̈ huneꞌ tzꞌayic tiꞌ, yin̈ hesat mayijcano isba tzet tzꞌibn̈ebilcano yin̈ teꞌ hum tiꞌ, ẍi Comam.

San Lucas 4:21 Iomraidhean Croise

San Mateo 13:14

Yuto lan̈an yijni isba tzet tzꞌibn̈ebilcano yin̈ huntekꞌan anma tiꞌ yu naj Isaías, ischejab Comam Dios yet payat, bay chal hacaꞌ tiꞌ: Wal huntekꞌan anma tiꞌ waxan̈ca chabe, yajaꞌ mach chitxumchalo yu. Waxan̈ca chiyila, yaj mach chináchalo yu.

San Lucas 4:20

Lahwi tuꞌ xin, ischulnipaxcanayo Comam Jesús teꞌ hum tuꞌ, yakꞌni Comam teꞌ tet naj ay ismunil yul iscapilla ebnaj Israel tuꞌ, yay tzꞌon̈no Comam. Sunil anma ayicto bey tuꞌ, occano tꞌan̈no yin̈ Comam.

San Lucas 4:22

Wal xin sunil anma caw cꞌul istzotel yin̈ Comam Jesús. Caw cꞌayilo iscꞌul yuto cꞌulchꞌan istzoteli. Yichico anma yalni tet hunun: —¡Yaj iscꞌahol naj José ye naj tiꞌ! ¿Tzet xin chu yalni naj hacaꞌ ti? ẍi ebnaj yin̈ Comam.

San Juan 5:39

Hex tiꞌ caw cheyil hecuyni Istzotiꞌ Comam Dios, yuto chꞌecꞌ yin̈ henabal ta yin̈ tuꞌ chiilchalo hekꞌinal mach istan̈bal. Yajaꞌ waxan̈ca Istzotiꞌ Comam Dios tuꞌ chitzotel win̈an, yajaꞌ mach chisje hecꞌul chexoc tzujno wintajan yun̈e hechahni hekꞌinal mach istan̈bal chiwakꞌtiꞌan.

Hechos 3:18

Yajaꞌ hac tuꞌ yu yijni isba yu Comam Dios tzet yal Comam yul Yum yet payat yu sunil ebnaj ischejab Comam, tato yilal chiꞌecꞌyaꞌ yanma Comam, Comam akꞌbil ismunil yu Comam Dios.