San Lucas 3:14 - Jakalteko

¹⁴ Yapnipaxo huntekꞌan ebnaj soldado iskꞌamben ebnaj: —Haxapaxo han̈on̈tiꞌan̈, ¿tzet wal juten cobahan̈? ẍi ebnaj. Istakꞌwi naj Juan tuꞌ xin: —Mach chebalcan̈ tzotiꞌ yiban̈ anma, mach cheyelkꞌalo tzettaj ay yul iskꞌab anma. Tzalahojab hecꞌul yin̈ hetohol chꞌakꞌlaxi, ẍi naj Juan tuꞌ.

San Lucas 3:14 Iomraidhean Croise

San Mateo 8:5

Hayet yoc apno Comam Jesús yul con̈ob Capernaum, yapni huneꞌ naj capitán romano iscꞌatan̈ Comam, iskꞌanni naj ta chakꞌ cawxo Comam huneꞌ ischejab naj.

San Lucas 19:8

Haꞌ naj Zaqueo tuꞌ, ah lin̈no naj, yalni naj tet Comam: —Mamin, wal tinan̈ chiwakꞌan yicta tzet ayinan tet anma mebaꞌ, yeb xin ta ay mac ecꞌbal wutelojan ismelyu, can̈elto ecꞌbal selel chiwakꞌan tet, ẍi naj.

San Lucas 3:10

Istakꞌwi anma: —¿Tzet wal juten cobahan̈, chal tuꞌ? ẍi anma tet naj Juan.

San Lucas 3:13

Istakꞌwi naj Juan tuꞌ: —Hayet chexecꞌ heyikꞌalo chꞌen tohlabal yin̈ anma, hacaꞌticꞌa yalni ley, hac tuꞌ cheyiloj, ẍi naj Juan tet ebnaj.

Hechos 10:7

Yet istocano naj ángel tuꞌ xin, yawtenti naj cawan̈ iscꞌamteꞌ yeb huneꞌ naj issoldado chicolwa yin̈. Huneꞌ naj tiꞌ aypaxo yanma naj yin̈ Comam Dios.

Filipenses 2:15

Hac tuꞌ xin, machi mule yeb istxꞌojal chiilchalo teyin̈ yu anma, walxinto caw yuninal Comam Dios cheyute heba. Ecꞌan̈we yin̈ iscꞌulal xol anma machiswalil yeb caw txꞌojcanoj. Wal xin caw chextzejla xol anma hacaꞌ istzejla txꞌumel xol kꞌejholo, yuto hex cheyalicꞌo Istzotiꞌ Comam Dios chiakꞌni kꞌinale tet anma. Hac tuꞌ xin yet chul Comam Jesucristo caw chiwabehan tzalahilal teyin̈, yuto caw wohtajan tato mach nabn̈eho quinecꞌan texol, yeb xin mach nabn̈eho quinmunlahan texol.

Filipenses 4:11

Wal xin, maẍtaj yu caw matzet ayinan yuxin chiwaltojan huneꞌ tiꞌ teyet, machoj; wal xin kꞌaynajinxahan wakꞌni tzalaho wanmahan yin̈ tzet ay yul inkꞌaban.

Tito 2:3

Hacticꞌapax tuꞌ ebix janab ixnamejxa, cꞌulojab chute isba yin̈ tzet chiswatxꞌe hacaꞌ chiyoche Comam Dios. Machojab halom kꞌumalo ebix, machojab chiucꞌwipaxo teꞌ. Cꞌulojab isbeybal ebix chisye tet anma.

Apocalipsis 12:10

Lahwi tuꞌ, wabenan huneꞌ yul nukꞌe yul satcan̈ yin̈ caw ip, yalni hacaꞌ tiꞌ: Wal tinan̈ mahul colbanile, chisyelo Comam Dios yip cat yoc yahawil, cat isyelaxpaxilo yip Comam Cristo, yuto xakꞌojlaxayto naj akꞌomcꞌule yin̈ ebnaj juẍtaj yeb yin̈ ebix janab, naj ayticꞌaco akꞌocꞌule hunun tzꞌayic yeb hunun akꞌbal tet Comam Dios.