San Lucas 22:36 - Jakalteko

³⁶ Yalnipaxo Comam tet ebnaj: —Wal tinan̈ xin, maquex ay hetzꞌispa yeb hemelyu, iwetoj. Haꞌ mac mach yespada, istxon̈abto ischumpa cat islokꞌni yet.

San Lucas 22:36 Iomraidhean Croise

San Mateo 10:10

mach cheyipaxto hetzꞌispa, yeb hehelbal, mach cheyipaxto ishelbal hexan̈ab, yebpaxo xin mach cheyikꞌ hekꞌojoch. Chiwalan huntekꞌan tiꞌ teyet yuto naj munlawom chiakꞌlax tzet chislo naj yin̈ ismunil.

San Lucas 22:35

Iskꞌamben Comam Jesús tet ebnaj iscuywom: —Yet quexinchejnitojan yet walnihan teyet ta mach cheyito hetzꞌispa yeb hemelyu, yeb hexan̈ab, ¿aymi tzet mach yabe yul hekꞌab? ẍi Comam. Istakꞌwi ebnaj: —Matzet, ẍi ebnaj.

San Lucas 22:37

Yuxinto chiwalan teyet, yilal yijnicano isba sunil tzet tzꞌibn̈ebilcano win̈an yu ebnaj ischejab Comam bay chala: “Hacaꞌ chꞌutelax ebnaj caw xiwquilta ismul, hac tuꞌ chꞌutelaxo naj,” ẍiayoj. Yuxinto yilal yijni isba sunil, ẍi Comam.

San Lucas 22:38

Yalni ebnaj tet Comam: —Mamin, ay cabeb chꞌen espada ikꞌbil juan̈ lah, ẍi ebnaj. Yalni Comam: —Cꞌuxanxa xin, ẍi Comam.

San Juan 15:20

Tijab yul hecꞌul yet walnihan teyet hacaꞌ tiꞌ: “Naj cꞌamteꞌ caw mach ecꞌbalo naj sata ispatrón,” yuxin tato caw quincajlaxan yu anma, haꞌ quexpax tuꞌ chal tuꞌ, chexcajlaxpaxo yu anma. Wal tato isyije anma intzotiꞌan walan tet xin, haquex pax tuꞌ, chisyije anma cuybanile cheyala.

San Juan 16:33

Caw chiwalcanojan sunil huntekꞌan tiꞌ teyet yun̈e yoccano akꞌancꞌulal yin̈ heyanma wuhan. Yul sat yiban̈kꞌinal tiꞌ cheyilaꞌ isyaꞌtajil, yaj aweco yip heyanma yuto hanintiꞌan xaquinkꞌojihan yin̈ sunil isyaꞌtajil ay yul sat yiban̈kꞌinal tiꞌ.

1 Tesalonicenses 3:4

Yuxin yet jecꞌan̈ texol, jalcanojan̈ teyet tato yilal yul isyaꞌtajil jiban̈, caw xin cheyila tato hac tuꞌ elicoj.

1 Pedro 4:1

Yuxin hacaꞌ yu yaben Comam Cristo isyaꞌtajil yin̈ isnimanil yet iscami, hac tuꞌ xin chu jaben isyaꞌtajil, yuto xacon̈cam yinta Comam han̈on̈ tiꞌ; haꞌ ebnaj camnaxa, matxa chaco ismul ebnaj.