San Lucas 21:26 - Jakalteko

²⁶ Chipaxilo yip anma yu xiwquilal yu isnani tzet chu yul sat yiban̈kꞌinal tiꞌ. Yebpaxo sunil tzet caw ay yip satcan̈ chitzicobtan̈elaxi.

San Lucas 21:26 Iomraidhean Croise

San Mateo 24:29

Yalnipaxo Comam Jesús: —Chin̈elahwi yecꞌto huntekꞌan nimeta isyaꞌtajil tuꞌ, cat iskꞌejholilo yoj tzꞌayic, wal ixahaw matxa chimujli, cat istitcꞌay txꞌumel ay satcan̈, cat xin istzicobtan̈elax sunil tzet ay yip yul satcan̈.

San Marcos 13:25

cat istitcꞌay ej txꞌumel ay satcan̈, cat xin isbilipaxo sunil tzet ay yip ay yul satcan̈.

San Lucas 21:25

Ay huntekꞌan yechel chisyecan̈ isba yin̈ tzꞌayic yeb yin̈ ixahaw, yeb yin̈ txꞌumel. Wal anma ay sat yiban̈kꞌinal tiꞌ, chisomchaocan̈ iscꞌul yu xiwquilal yaben ishuccha haꞌ mar yet chismakꞌnican̈ isba haꞌ, yuto caw ayxa ismay chute haꞌ.

San Lucas 21:27

Chilahwi tuꞌ xin, cat yilni anma wayilojan xol moyan Hanin Akꞌbilintijan texol yu Comam Dios. Chinhulan yeb sunil iskꞌakꞌal wipan.