San Lucas 1:28 - Jakalteko

²⁸ Hayet yoc apno naj ángel yul n̈a bay ay ix, yalni naj tet ix: —Tzalahan̈ yuto ayco Comam Dios hawetbihoj. Caw niman iscꞌulchꞌanil Comam tawin̈ yuto sicꞌbilachilo xol hawet ixal, ẍi naj.

San Lucas 1:28 Iomraidhean Croise

San Mateo 12:48

Yajaꞌ takꞌwi Comam tet naj: —¿Mac xin inmiꞌan yeb wuẍtatuꞌan hawalni? ẍi Comam.

San Lucas 1:27

Yapni naj iscꞌatan̈ huneꞌ ix kꞌopo, María isbi. Wal xin takꞌwebilxa mohyilal yu ix tet huneꞌ naj, José isbi, yichmam naj ye naj rey David.

San Lucas 1:29

Hayet yaben ix tzet yal naj tuꞌ xin, iscꞌayilo iscꞌul ix, yichico ix istxumnilo hacaꞌ tiꞌ: —¿Tzet yelapno ye huneꞌ tiꞌ? ẍi ix.

San Lucas 1:30

Yalnipaxo naj ángel tet ix: —María, mach chachxiwcan̈, yuto xaꞌilcha iscꞌulal hawu yul sat Comam Dios.

San Lucas 1:42

Yuxinto yal ixnam hacaꞌ tiꞌ yin̈ caw ip: —Hach tiꞌ María, caw niman iscꞌulal Comam Dios chakꞌ tawet sata sunil ebix jet ixal. Nimanpaxo iscꞌulal Comam chakꞌ tet huneꞌ hawunin chipitzcꞌaho tiꞌ.

Hechos 18:10

Yalnipaxo Comam: —Wal xin, ayinicꞌojan hawetbihoj, yuxin machi huno mac chu yoc caẍistzabnoyoj. Caw ayxa anma sicꞌbilcan̈ wuhan bey yul huneꞌ con̈ob tiꞌ, ẍi Comam tet naj.

Efesios 1:6

Yu huneꞌ tuꞌ yuxinto chijaco ismay Comam Dios yu issakꞌalil iscꞌulchꞌanil iscꞌul. Xayakꞌ Comam iscꞌulal iscꞌul jet yu Iscꞌahol caw xahan ay yu.