San Juan 9:2 - Jakalteko

² Iskꞌamben ebnaj chicuywi yinta Comam tuꞌ: —Mam cuywawom, ¿tzet yin̈ yuxin mutzꞌan sat huneꞌ naj tiꞌ yet ispitzcꞌa naj? ¿Tom yu ismul ismam naj mato yu ismul naj? ẍi ebnaj tet Comam.

San Juan 9:2 Iomraidhean Croise

San Mateo 16:14

Istakꞌwi ebnaj: —Ay mac chalni ta hach tiꞌ naj Juan anican̈ haꞌ iswiꞌ anma, aypaxo mac chalni tato Elías hach, aypaxo mac chalni tato hach tiꞌ naj Jeremías, maca to hunuxa ischejab Comam Dios ecꞌlena yet payat, ẍi ebnaj.

San Mateo 23:7

Hayet chiecꞌpaxo ebnaj yulaj calle yochebal ebnaj caw cꞌul chu istioẍli anma tet ebnaj, yeb xin caw choche ebnaj yabeꞌ tato chihallax cuywawomal yin̈ ebnaj.

San Mateo 23:8

Wal hex tiꞌ xin, machojab cheyoche chihallax cuywawomal teyin̈, yuto huneꞌn̈e mac hecuywawom, wal xin heyuẍtan̈e heba.

San Lucas 13:2

Yalni Comam Jesús tet ebnaj: —¿Ham heyalni ta ecꞌbal ismul ebnaj cam tuꞌ sata huntekꞌanxa ebnaj ay bey Galilea tuꞌ? ¡Machoj!

San Juan 4:31

Yet maẍto chiapni anma iscꞌatan̈ Comam, yalni ebnaj iscuywom Comam: —Mam cuywawom, waꞌan̈, ẍi ebnaj tet Comam.

San Juan 9:1

Yet yecꞌ Comam Jesús yin̈ isbel hunel, yilni Comam huneꞌ naj caw maẍticꞌa chu yilni yettaxticꞌa ispitzcꞌahi.

San Juan 9:34

Istakꞌwi ebnaj tet naj: —Walach hach tiꞌ, caw mulumach yettaxticꞌa hapitzcꞌahi. ¿Tom chaẍoc con̈hacuyuꞌan̈ hawalni? ẍi ebnaj tet naj, hac tuꞌ yu istennilti ebnaj naj tuꞌ yul capilla.

Hechos 28:4

Hayet yilni ebnaj ah con̈ob tuꞌ ta tꞌun̈anico noꞌ laba tuꞌ yin̈ iskꞌab naj, yalni ebnaj tet hunun hacaꞌ tiꞌ: —Huneꞌ naj tiꞌ caw potxꞌom anmami naj, wal xin walca caw yaꞌta mayu iscolcha naj yiban̈ haꞌ mar, yaj caw yilal istohlan naj ismul yuxin caw chicamo naj, ẍi ebnaj.