San Juan 7:11 - Jakalteko

¹¹ Caw xin chissayicꞌo ebnaj iswiꞌehal ebnaj Israel tuꞌ Comam Jesús yin̈ kꞌin̈ tuꞌ, chalni ebnaj: —¿Baytaxca tuꞌ ay huneꞌ naj winaj tuꞌ? ẍi ebnaj.

San Juan 7:11 Iomraidhean Croise

San Juan 1:19

Yet hunel xin ebnaj yahawil con̈ob Israel ay bey Jerusalén, ischejto ebnaj huntekꞌan ebnaj sacerdote yeb huntekꞌan ebnaj levita iskꞌambeno tet naj Juan hacaꞌ tiꞌ: —¿Mac hach anmahil hach tiꞌ? ẍi ebnaj.

San Juan 11:56

Chi-xin-ecꞌ anma tuꞌ saywal yin̈ Comam Jesús. Yet cutxanico anma yul yatut Comam Dios, chiskꞌamben anma tet hunun hacaꞌ tiꞌ: ¿Tzet quexchi? ¿Chimhulu yaꞌ Jesús yin̈ kꞌin̈ tiꞌ mato machoj? ẍi anma.

San Juan 7:1

Lahwi tuꞌ xin, istzabnico Comam Jesús yecꞌ yul ismajul Galilea. Matxa isje iscꞌul Comam ehoyo yul ismajul Judea yuto caw chiyoche ebnaj yahawil yin̈ ebnaj Israel yakꞌaꞌ camo Comam.

San Juan 7:13

Yajaꞌ xin caw ewanta chitzotel anma tuꞌ yuto caw chixiw anma tet ebnaj yahawil yin̈ anma Israel.

San Juan 7:15

Caw xin chicꞌay iscꞌul ebnaj Israel tuꞌ yaben tzet chal Comam. Chi-la-yalni ebnaj hacaꞌ tiꞌ: —¿Tzet chute huneꞌ naj tiꞌ yohtan̈enilo sunil huntekꞌan tiꞌ? Yaj mach cuywina naj, ẍi ebnaj yin̈ Comam.

San Juan 9:12

Iskꞌamben ebnaj tet naj: —¿Baytuꞌwal xin ay naj tinan̈? ẍi ebnaj. —Caw mach wohtajojan, ẍi naj.