San Juan 6:52 - Jakalteko

⁵² Hayet yaben anma Israel huntekꞌan tiꞌ, istzabnico anma isteyelen isba yin̈ tzet yal Comam. Le-yalni anma hacaꞌ tiꞌ: —¿Tzet chu yakꞌni naj tiꞌ isnimanil cocꞌuxuꞌ? ẍi anma tet hunun.

San Juan 6:52 Iomraidhean Croise

San Juan 1:19

Yet hunel xin ebnaj yahawil con̈ob Israel ay bey Jerusalén, ischejto ebnaj huntekꞌan ebnaj sacerdote yeb huntekꞌan ebnaj levita iskꞌambeno tet naj Juan hacaꞌ tiꞌ: —¿Mac hach anmahil hach tiꞌ? ẍi ebnaj.

San Juan 10:19

Yet yaben anma Israel yin̈ tzet yal Comam tuꞌ, ispohnipaxto isba hunelxa.

San Juan 3:4

Iskꞌamben naj Nicodemo tuꞌ xin: —¿Tzettaxca chu ispitzcꞌa hunu anma yin̈ iscayelal tato ichamxa? ¿Tom chito yu ismeltzoco yin̈ ismiꞌ hunelxa cat xin ispitzcꞌa, hawalni? ẍi naj tet Comam.

San Juan 3:9

Iskꞌamben naj hunelxa tet Comam: —¿Tzet xin chu yijni isba huneꞌ tuꞌ? ẍi naj.

San Juan 4:11

Yalnipaxo ix tet Comam: —Mamin, caw nahat yehayto haꞌ yul cꞌuh lah, caw xin machi hanet chiinahti haꞌ. ¿Bay xin chaẍto hawikꞌati haꞌ chiakꞌni kꞌinale chawakꞌ wettuꞌan hawalni?

San Juan 6:41

Yet yaben ebnaj yahawil yin̈ ebnaj Israel yin̈ tzet chal Comam tuꞌ, yoc ebnaj buchwal yin̈ Comam yuto yal Comam hacaꞌ tiꞌ: “Hanintiꞌan huneꞌ wah titna yul satcan̈,” ẍi Comam.

San Juan 6:60

Yet yaben anma chicuywi yinta Comam Jesús huntekꞌan cuybanile yakꞌ Comam tuꞌ, txꞌiꞌal ebnaj halni tet hunun: —Caw yaꞌta cochahni huntekꞌan chal naj tiꞌ. ¿Mactaxca chikꞌoji isyijeni? ẍi ebnaj.

San Juan 9:16

Ay xin ebnaj fariseo halni: —Huneꞌ naj tuꞌ, caw mach yeto Comam Dios ye naj yuto mach chisyije naj istzꞌayical xewilal, ẍi ebnaj yin̈ Comam. Yaj ay ebnaj halnipaxoj: —Yaꞌ Jesús tuꞌ, mach mulumo yaꞌ. Wal xin tato mulum yaꞌ, ¿tom chiyu isyeni yaꞌ hunu cꞌaybalcꞌule hacaꞌ chisye tiꞌ? ẍi ebnaj.

Hechos 17:32

Yet yaben ebnaj yalni naj Pablo tato chiitzitzbican̈ anma camom, ay ebnaj buchwa yin̈ naj, aypaxo ebnaj halni: —Xacokꞌambeꞌan̈ huneꞌ tiꞌ tawet yet hunoxa tiempohal, ẍi ebnaj.

1 Corintios 2:14

Haꞌ mac maẍto Yespíritu Comam Dios yin̈, mach chischah yabeꞌ huntekꞌan tzet ye tuꞌ yet Comam Espíritu Santo, yuto sucal ye yul sat, mach chitxumchapaxo yu, yuto huntekꞌan tiꞌ han̈cꞌan̈e Comam Espíritu Santo chiakꞌni cotxumuloj.