San Juan 6:30 - Jakalteko

³⁰ Yalnipaxo anma tet Comam: —¿Tzet xin hunu cꞌaybalcꞌulehal chaye jilaꞌan̈, yun̈e cachcochahnihan̈ yul janmahan̈? ¿Tzet hunu chawatxꞌe?

San Juan 6:30 Iomraidhean Croise

San Marcos 15:32

Ta chiscolilo isba naj yin̈ culus tiꞌ yin̈ cosat, wal tuꞌ chimjayto yul janma ta haꞌ naj Cristo Yahawil Israel, ẍi ebnaj. Hacpax tuꞌ ebnaj aycan̈ yin̈ culus yinta Comam tuꞌ, ocpaxo ebnaj buchwal yin̈ Comam.

San Marcos 8:11

Ay xin huntekꞌan ebnaj fariseo apni iscꞌatan̈ Comam Jesús, yoc ebnaj buchwal yin̈ Comam. Yajaꞌ yun̈e yilwen ebnaj Comam yuxin oc ebnaj iskꞌanaꞌ ta chisye Comam hunu cꞌaybalcꞌule chiyeniloj tato yeli ischejab Comam Dios ye Comam.

San Juan 10:38

Wal xin hatzet chal Inmaman, haꞌ chinwatxꞌehan. Waxan̈ca caw mach chinhechaytojan yul heyanma, chahwe yul heyanma tzet chinwatxꞌetiꞌan. Hac tuꞌ xin chiyu heyohtan̈eniloj tato caw ayco Comam Dios wetbihojan, ayinpaxicojan yin̈ Comam, ẍi Comam tet ebnaj.

San Juan 12:37

Caw hantan̈e cꞌaybalcꞌule isye Comam Jesús tet anma tuꞌ, yaj caw maẍticꞌa ischah anma Comam yul yanma.

San Juan 2:18

Iskꞌamben xin ebnaj yahawil Israel tet Comam: —¿Tzet hunu chawakꞌ yechelo jetan̈ yun̈e johtan̈enilojan̈ tato ay hawip hawatxꞌen huntekꞌan tiꞌ? ẍi ebnaj tet Comam.

San Juan 6:14

Yet yilni anma huneꞌ cꞌaybalcꞌule iswatxꞌe Comam Jesús tuꞌ, yalni anma hacaꞌ tiꞌ: —Yin̈ caw yeli, haꞌ huneꞌ naj tiꞌ ischejab Comam Dios halbilcanoj tato chihul coxol bey yul sat yiban̈kꞌinal tiꞌ, ẍi anma.

San Juan 6:2

Caw xin hantan̈e anma oc tzujno yinta Comam, yuto yil anma tuꞌ iswatxꞌen Comam cꞌaybalcꞌule yet iscawxi anma yaꞌay yu Comam.

San Juan 6:36

Caw xaticꞌa walan teyet, waxan̈ca caw cheyilico win̈an, yajaꞌ caw mach cheyaco heba yul inkꞌaban.

Hechos 4:30

Yuhojab hawip chicawxican̈ anma yaꞌay juhan̈, cat hayeni yechel hawip, yeb cꞌaybalcꞌule yu yip Comam Jesús hachejab, Comam caw toholcanoj, ẍi ebnaj yin̈ istxah tet Comam Dios.

1 Corintios 1:22

Anma Israel, haꞌ cꞌaybalcꞌule choche anma yilaꞌ, wal ebnaj griego xin, haꞌ ishelanil anma choche ebnaj yabeꞌ.

Hebreos 2:4

Yeb xin haꞌticꞌa Comam Dios yaco isba testigohal yin̈ huneꞌ Tzotiꞌ cꞌul yet colbanile tiꞌ yu ej yechel yip Comam yeb yu ej cꞌaybalcꞌule, yeb yu tzettaj akꞌlax yub ebnaj yu Comam Espíritu Santo hacaꞌ el yin̈ iscꞌul Comam Dios.