San Juan 6:24 - Jakalteko

²⁴ Yet yilni anma tato matxa Comam Jesús bey tuꞌ yeb ebnaj chicuywi yintaj, yocto anma yul huntekꞌan teꞌ barco apni bey tuꞌ, isto anma saywal yin̈ Comam kꞌaxepxacꞌto haꞌ bey yul con̈ob Capernaum.

San Juan 6:24 Iomraidhean Croise

San Mateo 14:34

Hayet iskꞌaxponicꞌto Comam Jesús yiban̈ haꞌ lago tuꞌ yeb ebnaj iscuywom, yapni Comam yul ismajul txꞌotxꞌ Genesaret.

San Marcos 1:37

Hayet yilcha Comam yu ebnaj, yalni ebnaj tet Comam: —Mamin, sunil anma lan̈an cachissaynicꞌoj, ẍi ebnaj.

San Marcos 6:53

Hayet iskꞌaxponicꞌto Comam Jesús yiban̈ haꞌ lago yeb ebnaj iscuywom, yapni Comam yul ismajul Genesaret, isxecbancano ebnaj isbarco istiꞌ haꞌ.

San Lucas 8:40

Lahwi tuꞌ xin ispaxto Comam Jesús bey iskꞌaxepicꞌto haꞌ lago. Hayet yapni Comam, caw chitzala anma sunil yuto caw echmabil Comam yu anma.

San Juan 20:15

Iskꞌamben Comam tet ix: —¿Tzet yin̈ yuxinto chachokꞌi? ¿Mac chasaya? ẍi Comam. Haꞌ yute isnani ix tato haꞌ naj chitan̈en huneꞌ tzꞌunub tuꞌ chitzotel tet ix, yuxinto yal ix: —Mamin, tato hach maxawitoj, halilo wetan baytuꞌwal macachbey hawakꞌaꞌcanoj, cat winitojan, ẍi ix.

San Juan 6:17

Lahwi tuꞌ xin yocto ebnaj yul huneꞌ teꞌ barco yun̈e yecꞌ apno ebnaj iskꞌaxepxacꞌto haꞌ lago cat yapni ebnaj yul con̈ob Capernaum. Caw xaay numnahi, maẍtoticꞌa xin chiapni Comam iscꞌatan̈ ebnaj.

San Juan 6:23

Ay xin huntekꞌan teꞌ barco ispeto yul con̈ob Tiberias apni iscawilal bay iswah anma ixim pan yet yakꞌni Comam yuchꞌandiosal yin̈ ixim tet Comam Dios.

San Juan 6:26

Istakꞌwi Comam tet anma: —Yin̈ caw isyelal chiwalan teyet, walex hex tiꞌ, chinhesayilojan yuto caw noh hecꞌul yu ixim pan wakꞌan hewab. Maẍtaj yu matxumchalo heyu yin̈ tzet chal yelapno ye huneꞌ cꞌaybalcꞌule inwatxꞌetuꞌan, ẍi Comam.

San Juan 6:59

Sunil huntekꞌan tiꞌ yakꞌ Comam Jesús iscuyuꞌ anma yul iscapilla ebnaj Israel bey yul con̈ob Capernaum.

San Juan 7:11

Caw xin chissayicꞌo ebnaj iswiꞌehal ebnaj Israel tuꞌ Comam Jesús yin̈ kꞌin̈ tuꞌ, chalni ebnaj: —¿Baytaxca tuꞌ ay huneꞌ naj winaj tuꞌ? ẍi ebnaj.