San Juan 6:2 - Jakalteko

² Caw xin hantan̈e anma oc tzujno yinta Comam, yuto yil anma tuꞌ iswatxꞌen Comam cꞌaybalcꞌule yet iscawxi anma yaꞌay yu Comam.

San Juan 6:2 Iomraidhean Croise

San Mateo 12:15

Hayet yabenilo Comam Jesús huneꞌ tuꞌ, isto Comam. Caw hantan̈e anma oc tzujno yinta Comam; yakꞌni cawxo Comam macta yaꞌay.

San Mateo 13:2

Yajaꞌ caw txꞌiꞌal anma apni iscꞌatan̈ Comam, yuxin ahto Comam yul huneꞌ teꞌ barco, yay tzꞌon̈noj, yichico Comam iscuywahi. Wal anma xin cancano istiꞌ haꞌ lago tuꞌ.

San Mateo 14:14

Hayet yelti Comam yul teꞌ barco tuꞌ xin yilnitoj ta tenanxato anma yechmani. Istzꞌaycan̈ iscꞌul Comam yin̈ anma, yakꞌni cawxo Comam anma yaꞌay ilaxto bey tuꞌ.

San Mateo 8:1

Yet ispaxayti Comam Jesús iswiꞌ huneꞌ won̈an tuꞌ, caw hantan̈e anma oc tzujno yinta Comam.

San Marcos 1:45

Yajaꞌ yet ispaxto naj, yichico naj yalni tet anma yin̈ tzet yu iscawxilo naj, yuxin matxa chu isyeni isba Comam yin̈ caw haban yulaj con̈ob. Wal xin istxamlaxan̈e con̈ob chiecꞌ Comam bay machi anma chieqꞌui. Yajaꞌ sunil anma ay yulaj con̈ob apni iscꞌatan̈ Comam.

San Marcos 6:33

Yajaꞌ txꞌiꞌal mac ilni isto Comam yeb ebnaj, istxumnilo anma bay chiapni Comam, yuxin sunil anma ay yul huntekꞌan con̈ob ayayo istiꞌ haꞌ tuꞌ, to yu yoj bay chiapni Comam. Babel xin apni anma tuꞌ sata Comam yuxin hayet yapni Comam wejanxato anma yechmani.

San Juan 11:47

Hac tuꞌ xin yu yoc ebnaj fariseo islahtiꞌn̈en isba yeb ebnaj yahawil yehico yin̈ ebnaj sacerdote yeb xin ebnaj yahaw con̈ob. Yalni ebnaj: —¿Tzet wal juten tinan̈, huneꞌ naj tuꞌ caw txꞌiꞌal cꞌaybalcꞌule chisyecano naj?

San Juan 12:18

Caw txꞌiꞌal anma to chawal yin̈ Comam, yuto yabe anma iskꞌumal yin̈ huneꞌ cꞌaybalcꞌule iswatxꞌe Comam tuꞌ.

San Juan 12:37

Caw hantan̈e cꞌaybalcꞌule isye Comam Jesús tet anma tuꞌ, yaj caw maẍticꞌa ischah anma Comam yul yanma.

San Juan 2:11

Haꞌ xin bey yul con̈ob Caná ayco yul ismajul Galilea, haꞌ bey tuꞌ isye Comam Jesús babel cꞌaybalcꞌule. Hac tuꞌ yu isyeni Comam ishelanil yip, wal ebnaj chicuywi yinta Comam xin, caw yacanayto ebnaj yul yanma yin̈ Comam.

San Juan 2:23

Yet aycꞌo Comam Jesús yul con̈ob Jerusalén yin̈ kꞌin̈ Pascua, caw hantan̈e anma chahnayto Comam yul yanma yu cꞌaybalcꞌule iswatxꞌe Comam bey tuꞌ.

San Juan 20:30

Caw xin txꞌiꞌalto cꞌaybalcꞌule isye Comam Jesús yilaꞌ ebnaj iscuywom mach tzꞌibn̈ebilayo yul huneꞌ hum tiꞌ.

San Juan 3:2

Yet akꞌbalil xin, apni naj yilaꞌ Comam Jesús, yalni naj tet Comam: —Mam cuywawom, caw johtajan̈ tato haꞌ Comam Dios an̈e hachti con̈hacuyuꞌan̈, yuto machi mac chiyu iswatxꞌen cꞌaybalcꞌule hacaꞌ chawatxꞌe tiꞌ ta mach ayoco Comam Dios yetbihoj, ẍi naj tet Comam.

San Juan 6:14

Yet yilni anma huneꞌ cꞌaybalcꞌule iswatxꞌe Comam Jesús tuꞌ, yalni anma hacaꞌ tiꞌ: —Yin̈ caw yeli, haꞌ huneꞌ naj tiꞌ ischejab Comam Dios halbilcanoj tato chihul coxol bey yul sat yiban̈kꞌinal tiꞌ, ẍi anma.

San Juan 6:22

Haxa yin̈ hunxa tzꞌayic xin, yet aytocꞌo anma sunil istiꞌ haꞌ lago tuꞌ, isnaniti anma tato xato ebnaj iscuywom Comam yul huneꞌ teꞌ barco ayayo bey tuꞌ, han̈e xin teꞌ ayayoj. Isnanipaxti anma ta machi to Comam yinta ebnaj.

San Juan 6:26

Istakꞌwi Comam tet anma: —Yin̈ caw isyelal chiwalan teyet, walex hex tiꞌ, chinhesayilojan yuto caw noh hecꞌul yu ixim pan wakꞌan hewab. Maẍtaj yu matxumchalo heyu yin̈ tzet chal yelapno ye huneꞌ cꞌaybalcꞌule inwatxꞌetuꞌan, ẍi Comam.

San Juan 6:30

Yalnipaxo anma tet Comam: —¿Tzet xin hunu cꞌaybalcꞌulehal chaye jilaꞌan̈, yun̈e cachcochahnihan̈ yul janmahan̈? ¿Tzet hunu chawatxꞌe?