San Juan 5:46 - Jakalteko

⁴⁶ Wal xin tato cheyayto yul heyanma yin̈ tzet tzꞌibn̈ebilcano yu naj Moisés, chimheyapaxayto yul heyanma win̈an, yuto win̈an chitzotel huntekꞌan tzet tzꞌibn̈ebilcano yu naj.

San Juan 5:46 Iomraidhean Croise

San Lucas 24:27

Yoc Comam yalno yin̈ caw haban yin̈ sunil tzet tzꞌibn̈ebilcanayo yin̈ Comam Cristo yul Yum Comam Dios. Ichico bay tzꞌibn̈ebilcano yu naj Moisés, masanta apni yin̈ sunil tzet tzꞌibn̈ebilcano yu ebnaj ischejab Comam Dios yet payat.

San Juan 1:45

Lahwi tuꞌ xin, isto naj Felipe saywal yin̈ naj Natanael. Yet ischahlo naj Natanael tuꞌ yu naj, yalni naj tet naj: —Machahlo Comam tzꞌibn̈ebilcanayo yul Hum yet ley akꞌbilcano yu naj Moisés, yeb tzꞌibn̈ebilcano yu huntekꞌanxa ebnaj ischejab Comam Dios yet payat; haꞌ naj Jesús ah Nazaret, iscꞌahol naj José, ẍi ebnaj.

San Juan 5:47

Yajaꞌ tato mach cheyayto yul heyanma yin̈ tzet tzꞌibn̈ebilcano win̈an yu naj tuꞌ, tzicꞌanab chiyu heyanayto yul heyanma yin̈ sunil tzet chiwaltiꞌan, ẍi Comam tet ebnaj.

Hechos 26:22

Yaj yu iscolwal Comam Dios, yuxinto lin̈anintohan tinan̈ yin̈ walnicꞌojan Istzotiꞌ Comam tet sunil anma; tet anma comon yeb xin tet anma caw ay yelapno yehi. Caw maẍticꞌa hunelo inhelan tzet walan, to han̈echꞌan tzet yal ischejab Comam Dios yet payat yeb xin jichmam Moisés; huntekꞌan yilal yijni isba, haꞌ walicꞌojan,

Romanos 10:4

Yuto isley naj Moisés cachnacano ismunil yin̈ Comam Cristo, yuxin macxan̈eticꞌa chianayto Comam yul yanma chicancano cꞌulal yul sat Comam Dios.

Gálatas 2:19

Wal hanintiꞌan camnajinxalojan yin̈ ley. Haꞌ huneꞌ ley tuꞌ quinakꞌni camojan yun̈e caw witzitzbilojan yin̈ Comam Dios.

Gálatas 3:10

Sunil huntekꞌan anma ayco yanma yin̈ isley naj Moisés, chitit ishowal Comam Dios yin̈, hacaꞌ yalni yul Yum Comam bay chala: “Chitit ishowal Comam Dios yiban̈ huntekꞌan anma mach chikꞌoji isyijen sunil ley tzꞌibn̈ebilcanayo yul Yum Comam,” ẍiayoj.

Gálatas 3:13

Yajaꞌ xin Comam Jesucristo coln̈ehon̈ilo yalan̈ isyaꞌtajil huneꞌ ley tuꞌ, yanico isba Comam yalan̈ isyaꞌtajil coseleloj. Yuxinto chal yul Yum Comam Dios: “Caw tzꞌactiꞌn̈ebil mac chiah locno yin̈ hunu teꞌ culus,” ẍiayoj.

Gálatas 3:24

Yuxin haꞌ huneꞌ ley tuꞌ jilomaln̈e yehi, hacaꞌ chu yilni hunu naj chejab hunu nichꞌan unin, hac tuꞌ con̈isbeytzenti ley tuꞌ iscꞌatan̈ Comam Jesucristo, yun̈e janico janma yin̈ Comam, cat xin joccano cꞌulal yul sat Comam Dios.