San Juan 4:19 - Jakalteko

¹⁹ Hayet yaben ix huneꞌ tuꞌ xin, yalni ix tet Comam. —Mamin, wal tinan̈, caw chitxumchalo wuhan tato caw ischejab Comam Dios hawehi.

San Juan 4:19 Iomraidhean Croise

San Mateo 21:11

Istakꞌwi huntekꞌanxa ebnaj: —Haꞌ naj tiꞌ Jesús, ischejab Comam Dios ay bey Nazaret yul ismajul Galilea, ẍi ebnaj.

San Lucas 24:19

Iskꞌamben Comam tet ebnaj: —¿Tzet huneꞌ yu tuꞌ? ẍi Comam. Yalni ebnaj: —Ay huneꞌ yaꞌ Jesús, ah Nazaret, ischejab Comam Dios, haꞌ tzet iswatxꞌe yeb tzet yala caw niman yelapno yul sat Comam Dios yeb yul sat anma.

San Lucas 7:16

Hayet yilni anma huneꞌ tuꞌ, caw xiwcan̈ anma sunil. Yalni anma cꞌulla tzotiꞌ yin̈ Comam Dios hacaꞌ tiꞌ: —Haꞌ huneꞌ ischejab Comam Dios ischejti coxol tiꞌ, caw niman yelapno yehi, ẍi anma. Yalnipaxo anma: —Caw mahul Comam Dios colwal jin̈, han̈on̈ iscon̈obon̈ tiꞌ, ẍi anma.

San Lucas 7:39

Hayet yilni naj fariseo huneꞌ tuꞌ, istxumni naj hacaꞌ tiꞌ: “Ta yelticꞌa ischejab Comam Dios ye huneꞌ naj tiꞌ, chimtxumchalo yu naj tzet ixal huneꞌ ix chitzabni yoj naj tiꞌ. Chimtxumcha yu naj ta caw mulum ix,” ẍi naj ischuquil.

San Juan 4:18

Yaj howan̈xa ebnaj chawikꞌle, walpaxo naj ikꞌbil hawu tinan̈ xin, mach hawichamilo naj. Yuxin caw yel chawala, machi hawichamil, ẍi Comam tet ix.

San Juan 4:29

—Catawej, ton̈we jilaꞌ huneꞌ mac mahalni wetan yin̈ sunil tzet wehicojan. ¿Cꞌuxan tato haꞌ naj tuꞌ Cristo? ẍi ix.

San Juan 6:14

Yet yilni anma huneꞌ cꞌaybalcꞌule iswatxꞌe Comam Jesús tuꞌ, yalni anma hacaꞌ tiꞌ: —Yin̈ caw yeli, haꞌ huneꞌ naj tiꞌ ischejab Comam Dios halbilcanoj tato chihul coxol bey yul sat yiban̈kꞌinal tiꞌ, ẍi anma.

San Juan 7:40

Yet yaben anma cutxanico tuꞌ yin̈ tzet yal Comam Jesús, ay anma halni hacaꞌ tiꞌ: —Yin̈ caw yeli, haꞌ naj tiꞌ ischejab Comam Dios halbilcanoj ta chuli, ẍi.

San Juan 9:17

Yocpaxo ebnaj fariseo iskꞌambeno tet naj maẍticꞌa chiyu yilni tuꞌ: —Haxa hach tiꞌ, ¿tzet chawute hawalni yin̈ naj akꞌni hajlo hasat tiꞌ? ẍi ebnaj. Yalni naj hacaꞌ tiꞌ: —Haꞌ huneꞌ chiwute walnihan, to caw ischejab Comam Dios ye yaꞌ, ẍipaxo naj tet ebnaj.