San Juan 4:1 - Jakalteko

¹ Yaben ebnaj fariseo ta chiyapaxocan̈ Comam Jesús haꞌ iswiꞌ anma yeb xin ta caw ecꞌnaxa anma tzujan yinta Comam satapaxo naj Juan;

San Juan 4:1 Iomraidhean Croise

San Lucas 1:76

Yalnipaxo icham Zacarías tuꞌ yin̈ iscꞌahol: Walach hach tiꞌ cꞌahol, chachoc ischejabo Comam Dios caw ay yip, yuto hach babel chaẍto sata Comam Jahawil. Yu hawatxꞌen isbeh Comam, haꞌ ton hacuyni yanico anma isnabal yin̈ Comam Dios.

San Lucas 19:31

Yalnipaxo Comam: —Ta ay mac chikꞌamben teyet, “¿Tzet yin̈ xin chepuhilo noꞌ?” ta ẍi, cheyalaꞌwe hacaꞌ tiꞌ: “Ay chꞌocnico noꞌ yu Comam Jesús,” quexchi, ẍi Comam.

San Lucas 19:34

Istakꞌwi ebnaj: —To ay chꞌocnico noꞌ yu Comam Jesús, ẍi ebnaj.

San Lucas 2:11

Bey yul con̈ob Belén, iscon̈ob naj rey David, haꞌ tuꞌ mapitzcꞌa huneꞌ Hecolomal, haꞌ ton Comam Cristo, Comam Jahawil.

San Lucas 7:13

Hayet yilnito Comam ix hunix tuꞌ, istzꞌaycan̈ iscꞌul Comam yin̈ ix, yalni Comam: —Mach chaẍokꞌi, ẍi Comam.

San Lucas 7:19

Yalni naj tet ebnaj ta chito ebnaj iskꞌambe tet Comam Jesús hacaꞌ tiꞌ: —¿Tom hach tiꞌ bay tzꞌibn̈ebilcanoj ta chaẍhuli, mato ayto hununxa naj chijechmahan̈ yuli? quexchi, ẍi naj Juan tet ebnaj.

San Juan 3:22

Lahwi tuꞌ, isto Comam Jesús yeb ebnaj iscuywom bey yul ismajul Judea. Haꞌ tuꞌ xin ehayo Comam hanicꞌ tiempohal yeb ebnaj; chiyanican̈ ebnaj haꞌ iswiꞌ anma.

San Juan 3:26

Isto ebnaj yalno tet naj Juan: —Mam cuywawom, naj ayco tacꞌatan̈ yet ayach bey haꞌ niman Jordán, naj hawal jetan̈, lan̈an yahnican̈ naj haꞌ iswiꞌ anma. Caw xin hantan̈e anma chioccano tzujno yinta naj, ẍi ebnaj tet naj Juan.

Hechos 10:36

Comam Dios an̈ecano tzotiꞌ yet akꞌancꞌulal jetan̈, han̈on̈ Israel on̈tiꞌan̈, huneꞌ haltebilcano coxol yu Comam Jesucristo, Comam Yahawil sunil anma.

1 Corintios 1:17

Mach chejbilojinan wanican̈an haꞌ iswiꞌ anma yu Comam Cristo, walxinto haꞌ inchejbanilan haꞌ walnicꞌojan Tzotiꞌ yet colbanile. Yajaꞌ machi bay quintzotelan yin̈ nimeta tzotiꞌ teyet yun̈e heyanico heyanma yin̈, wal xin han̈e iscamical Comam Jesucristo yin̈ culus, haꞌ walicꞌojan.

1 Corintios 15:47

Naj babel winaj, yin̈ txꞌo txꞌotxꞌ watxꞌelax naj, yuxin yet txꞌo txꞌotxꞌ ye naj. Wal naj iscab Adán yet satcan̈ ye naj.

1 Corintios 2:8

Huneꞌ tiꞌ maẍticꞌa txumcha yu ebnaj yahaw con̈ob yul sat yiban̈kꞌinal tiꞌ, yuto ta istxum ebnaj machim yacan̈ ebnaj Comam yin̈ culus, Comam caw aycano yelapno yehi.

2 Corintios 4:5

Maẍtajon̈an̈ chijalicꞌo cobahan̈, walxinto haꞌ Comam Jesucristo chijalicꞌojan̈ ta haꞌ Comam Jahawil. Wal han̈on̈an̈ xajaco cobahan̈ hechejaboj yuto chitzala janmahan̈ yin̈ Comam.

Santiago 2:1

Hex wuẍtaj, hex wanab, hex xahechah Comam Jesucristo yul heyanma, Comam caw ay yelapno yehi, lahann̈ehojab hexahann̈en heba hesunil.

Apocalipsis 19:16

Wal yin̈ xil iskꞌap yeb yin̈ isbul tzꞌibn̈ebilico huneꞌ bihe hacaꞌ tiꞌ: Yahawil yin̈ ebnaj yahaw, Iswiꞌehal yin̈ ebnaj ayco iswiꞌehaloj, ẍicoj.