San Juan 15:1 - Jakalteko

¹ Yalni Comam Jesús tet ebnaj iscuywom: —Wal hanintiꞌan, caw lahaninan yeb xin hunu yoj teꞌ uva caw cꞌul, wal Inmaman xin, caw lahan yeb hunu mac chiilni teꞌ.

San Juan 15:1 Iomraidhean Croise

San Mateo 15:13

Istakꞌwi Comam: —Sunil te teꞌ maẍtaj Inmaman ay yul satcan̈ tzꞌunn̈e chihocꞌlaxcan̈.

San Mateo 20:1

Yalnipaxo Comam Jesús tet ebnaj iscuywom: —Anma chioc yul iskꞌab Comam Dios lahan hacaꞌ hunu naj yahaw munil to yin̈ caw sahab sacꞌayal issayaꞌ iscꞌamteꞌ chimunla xol teꞌ uva.

San Mateo 21:33

Yalnipaxo Comam Jesús tet ebnaj: —Abewe huneꞌxa yechel chiwaltiꞌan: “Ay huneꞌ naj yahaw munil tzꞌunni teꞌ uva sat istxꞌotxꞌ, ispenayo naj istzꞌunub tuꞌ. Iswatxꞌen naj bay chiyatzꞌlax yal teꞌ, iswatxꞌenpaxocan̈ naj huneꞌ n̈a nimajal yucan̈ istel yun̈e istan̈elax huneꞌ peyab tuꞌ. Lahwi tuꞌ xin, yanito naj istzꞌunub tuꞌ comonal tet huntekꞌan ebnaj. Isto naj yul huneꞌxa con̈ob caw nahat.

San Marcos 12:1

Lahwi tuꞌ yichico Comam Jesús iscuyni anma, yanico Comam huneꞌ yechel tiꞌ: —Ay huneꞌ naj tzꞌunni teꞌ uva sat istxꞌotxꞌ, ispenayo naj istzꞌunub tuꞌ. Iswatxꞌenpaxo naj bay chiyatzꞌlax yal teꞌ. Yanipaxocan̈ naj huneꞌ n̈a nimajal istel bay chitan̈elax teꞌ uva tuꞌ. Lahwi tuꞌ yanito naj istzꞌunub comonal tet huntekꞌan ebnaj munlawom, isto naj yin̈ huneꞌ isbel caw nahat.

San Lucas 13:6

Yalni Comam Jesús hunxa yechel tiꞌ tet anma: —Ay huneꞌ naj, ay huneꞌ teꞌ higuera sat istxꞌotxꞌ. Isto naj yilno ta ay sat teꞌ, yajaꞌ haxa yet yapni naj yilno teꞌ, machi huno sat teꞌ ilcha yu naj. Isto naj yalno tet naj chitan̈en istxꞌotxꞌ tuꞌ.

San Juan 1:17

Yul iskꞌab naj Moisés yakꞌ Comam Dios huneꞌ chejbanile caw how yakꞌni naj jet, haxa Comam Jesucristo xin, hul akꞌno sunil iscꞌulal iscꞌul yeb xin isyelal Comam Dios jet.

San Juan 1:9

Wal Comam yin̈ caw yeli issajilkꞌinal tuꞌ, hulicꞌo yul sat yiban̈kꞌinal tiꞌ yu yakꞌni Comam issajilkꞌinal yul yanma sunil anma.

San Juan 15:2

Kꞌinaloj tato ayej teꞌ iskꞌab mach chisatni, chitzocꞌlaxilto teꞌ yu naj chitan̈en teꞌ. Wal teꞌ iskꞌab caw cꞌul issatni xin, chiyilo naj istajinal iskꞌab teꞌ, hac tuꞌ xin caw chisatni teꞌ sicꞌlebil. Hacaꞌ iswatxꞌencan̈ naj teꞌ uva tuꞌ, caw hac tuꞌ chiyute istan̈en Inmaman macta ayxaco yul inkꞌaban.

San Juan 6:32

Yalni Comam tet anma: —Yin̈ caw isyelal chiwalan teyet, maẍtaj naj Moisés akꞌn̈e huneꞌ itah satcan̈il tuꞌ tet ebnaj jichmam yet payat tiempo tuꞌ. Wal xin itah tit yul satcan̈ tuꞌ yechel yin̈ huneꞌ wah caw yeli chakꞌ Inmaman teyet.

San Juan 6:55

Yuto innimaniltiꞌan lahan hacaꞌ wah, haꞌ chiakꞌni kꞌinale mach istan̈bal, hacpax tuꞌ xin inchiqꞌuilan hacaꞌ tzet chiucꞌlaxi.

Romanos 11:17

Ay ebnaj Israel tiꞌ hacaꞌ iskꞌab teꞌ olivo tzocꞌbililoj, hac tuꞌ yehi, haxa hex tiꞌ xin lahanex hacaꞌ iskꞌab teꞌ xol telajil olivo tzacꞌbilico yin̈ yoj teꞌ caw olivo isselelo ebnaj. Hac tuꞌ yu heyetbin̈encano heba yeb teꞌ isxeꞌ olivo tuꞌ, heyikꞌnicano hekꞌinal yin̈ teꞌ.

1 Corintios 3:9

Han̈on̈tiꞌan̈ jet munlawomal cobahan̈ yin̈ ismunil Comam Dios, wal hex tiꞌ xin hacaꞌ istzꞌunub Comam Dios heyehi. Lahanexpaxo hacaꞌ hunu n̈a lan̈an iswatxꞌencan̈ Comam Dios.

1 Juan 2:8

Walca xin payxa akꞌbilcano huneꞌ chejbanile tiꞌ, yaj hacaꞌ hunu caw acꞌto chiwute walnitojan teyet, yuto haꞌ Comam Jesucristo hul watxꞌenocano yin̈ caw istꞌin̈anil. Lan̈anpaxo xin isyenilo isba huneꞌ cuybanile tiꞌ texol, yuxin haxa huneꞌ issajilkꞌinal, haꞌxa chimujli yin̈ heyanma, hac tuꞌ xin chu yelcano kꞌejholo teyin̈.