San Juan 13:35 - Jakalteko

³⁵ Tato caw xahancano cheyil heba hununex, hac tuꞌ chiyu yohtan̈enilo anma tato quexincuywoman, ẍi Comam tet ebnaj.

San Juan 13:35 Iomraidhean Croise

San Juan 17:21

Wal tinan̈ xin Mam, caw chinkꞌanan tawet tato caw hunn̈ehojab chiyute isnabal ebnaj. Hacaꞌticꞌa je han̈on̈ tiꞌ, hawetbi wehan, wetbipaxojan hawehi. Hac tuꞌ Mam, chiwochehan tato caw hunxan̈ehojab chucano isnabal ebnaj. Hac ton tuꞌ xin chiyu yanayto anma yul yanma tato hach an̈eintijan yul sat yiban̈kꞌinal tiꞌ.

1 Juan 2:10

Wal tato caw xahan chijil juẍtaj yeb janab, caw ayxaco issajilkꞌinal yul janma, matxa tzet chon̈akꞌni aycꞌayoj.

1 Juan 2:5

Wal tato caw chicoyije tzet chal Comam tuꞌ xin, caw yeli chijoche Comam Dios. Hac tuꞌ xin chiyu johtan̈eniloj tato caw hunxa je yeb Comam.

2 Juan 1:5

Wal tinan̈ xin, caw chiwalan teyet tato caw yilal xahan chijil coba hununon̈. Huneꞌ chejbanile chiwakꞌan teyet tiꞌ, caw mach babelto heyabeni, caw hataxticꞌa yet joc yul iskꞌab Comam Dios, hatax tuꞌ yichi jabeni.