San Juan 12:49 - Jakalteko

⁴⁹ Wal xin, sunil tzet chiwalan, caw mach wetojan inchuquilan, haꞌ Inmaman an̈eintijan, haꞌ chejn̈einan yin̈ tzettaj chiwalan yeb tzettaj chiwakꞌan iscuyuꞌ anma.

San Juan 12:49 Iomraidhean Croise

San Juan 14:10

¿Tom caw maẍto chawayto yul hawanma tato wetbi inbahan yeb Inmaman, yetbipaxo Inmaman wehan? Yuxinto sunil tzet chiwalan teyet mach wetojan inchuquilan, haꞌ Inmaman ayico wetbihojan, haꞌ chiwatxꞌen ismunil.

San Juan 14:24

Haꞌ mac mach chinochenan, mach chisyije tzet chiwalan. Wal huneꞌ cuybanil lan̈an heyaben tiꞌ caw mach wetojan, yet Inmaman an̈eintijan texol.

San Juan 14:31

Yaj to caw yilal yecꞌyaꞌ wanmatiꞌan yun̈e yohtan̈enilo sunil anma tato caw chiwochehan Inmaman, cat inyenilojan tato caw chinyijehan chejbanil akꞌbil wetan yu. Wal tinan̈ xin, ahan̈wewanoj, elojon̈we bey tiꞌ, ẍi Comam.

San Juan 15:15

Walex hex tiꞌ, caw matxa chexwalan inchejabojan, yuto hunu naj chejab caw mach yohtajo naj tzet chiswatxꞌe yahaw, wal xin chexwalan wamigohojan, yuto xawalan teyet sunil tzet halbil wetan yu Inmaman.

San Juan 17:8

Cuybanile hawakꞌ wetan, caw xawalan yabeꞌ ebnaj, ischahni ebnaj yul yanma. Yuxinto caw yohta ebnaj tato caw yeli tacꞌatan̈ titnajinan. Caw ischayto ebnaj yul yanma tato hach an̈eintijan.

San Juan 3:11

Yin̈ caw yeli haꞌ tzet ohtabil juhan̈ haꞌ chijalan̈, cat jalnipaxojan̈ tzet ilbil juhan̈. Walex caw mach cheyayto yul heyanma yin̈ tzet chijalan̈.

San Juan 3:32

Yuxin haꞌ tzet ilbil yu, yeb xin tzet abebil yu, haꞌ chiyala, yaj xin machi mac chiyayto yul yanma yin̈ tzet chiyala.

San Juan 5:19

Yalni Comam Jesús tet ebnaj: —Yin̈ caw isyelal chiwalcanojan teyet, caw Iscꞌahol Dios wehan, yuxin haꞌ huntekꞌan chinwatxꞌetiꞌan caw mach wetojan inchuquilan. Haꞌ tzet chakꞌ Inmaman inwatxꞌehan, haꞌ chiwuhan, yuxinto sunil tzet chiswatxꞌe Inmamtuꞌan, caw chiyupaxo wuhan.

San Juan 5:30

Yalnipaxo Comam Jesús tet ebnaj yahawil yeco yin̈ con̈ob Israel: —Wal hanintiꞌan, caw machi hunu tiꞌ chinwatxꞌehan yul wetan inchuquilan. Hacaꞌ halbil wetan yu Inmaman hac tuꞌ chu wilnihan yin̈ tzet chielico anma, yajaꞌ chiwilan yin̈ tzet chielico yin̈ caw istoholal. Yuxin haꞌ tzet chal iscꞌul Inmaman an̈eintijan, haꞌ chinwatxꞌehan, maẍtaj tzet chiwochehan.

San Juan 6:68

Istakꞌwi naj Simón Pedro, tet Comam: —Mamin, maccꞌanab yinta chon̈oc tzujnojan̈, yuto han̈cꞌan̈e hatzotiꞌ chiakꞌni kꞌinale mach istan̈bal.

San Juan 7:16

Istakꞌwican̈ Comam tet ebnaj: —Haꞌ cuybanile chiwalan teyet tiꞌ mach wetojan inchuquilan, yet Comam chejn̈eintijan.

San Juan 8:26

Caw hantan̈e tzet chiwalan teyin̈ yet chiwilnihan yin̈ tzet chexelicoj. Yaj Comam an̈eintijan texol tiꞌ, caw yin̈ isyelal chitzoteli. Yuxinto haꞌ tzet halbil wetan yu, haꞌ chiwalpaxojan tet anma ay yul sat yiban̈kꞌinal tiꞌ, ẍi Comam.

San Juan 8:28

Yuxinto yal Comam tet ebnaj: —Hayet chinheyanican̈an yin̈ teꞌ culus, haꞌ to tuꞌ chitxumchalo heyu tato Hanin Akꞌbilintijan texol yu Comam Dios, cat xin heyohtan̈eniloj tato mach wetojan inchuquilan sunil tzet chiwaltiꞌan. Wal xin haꞌ tzet chal Inmaman wetan, haꞌ chiwalan.

San Juan 8:42

Yalnipaxo Comam: —Tato yeli hemam Comam Dios tuꞌ, xahanmi chinheyilan, yuto haꞌ bay ay Comam Dios titnajinan yet wulan bey tiꞌ, Maẍtajinan witi inbahan inchuquilan, haꞌ Comam Dios chejn̈eintijan.

Apocalipsis 1:1

Haꞌ huneꞌ tiꞌ yakꞌ Comam Dios, isyeb Comam Jesucristo tet ebnaj ischejab yin̈ huntekꞌan tzet yilal yuni yeb toxa chiyuhi. Ischejniti Comam Jesucristo yángel yakꞌni wohtan̈elojan, hanin Juan intiꞌan, ischejab Comam Jesucristo.