San Juan 12:34 - Jakalteko

³⁴ Istakꞌwi anma tet Comam: —Chal Istzotiꞌ Comam Dios yin̈ ley aycano jet, tato yaꞌ Cristo chiehocꞌo yaꞌ yin̈ sunilbal tiempo. ¿Tzet yin̈ yuxinto chawal hacaꞌ tiꞌ?: “Wal Hanin Akꞌbilintijan texol yu Comam Dios, caw yilal chinilaxcan̈an,” cachi. ¿Mac xin huneꞌ Akꞌbilti coxolan̈ yu Comam Dios tuꞌ? ẍi ebnaj tet Comam.

San Juan 12:34 Iomraidhean Croise

San Mateo 16:13

Yet yapni Comam Jesús yeb ebnaj iscuywom bey Cesarea yul ismajul Filipo, iskꞌamben Comam tet ebnaj iscuywom tuꞌ hacaꞌ tiꞌ: —Hanin Akꞌbilintijan texol yu Comam Dios, ¿mac anmahilinan yalni anma? ẍi Comam.

San Mateo 21:10

Hayet yapni Comam bey Jerusalén, iswejchacan̈ anma sunil, iskꞌambeni: —¿Mac anmahil huneꞌ naj tiꞌ? ẍi anma.

San Mateo 8:20

Yalni Comam tet naj: —Noꞌ wech ay isn̈achꞌen noꞌ bay chiwayi, yebpaxo noꞌ chꞌic ay yatut noꞌ. Yajaꞌ Hanin Akꞌbilintijan texol yu Comam Dios, machi watutan bay chinxewninojan, ẍi Comam.

San Juan 10:34

Yalni Comam Jesús: —Istzotiꞌ Comam Dios tzꞌibn̈ebilcano yet payat akꞌbilcano teyet, chal hacaꞌ tiꞌ: “Haninan chiwalan tato dios hex,” ẍicanoj.

San Juan 12:32

Wal intiꞌan, yet chinilaxcan̈an sat txꞌotxꞌ tiꞌ yin̈ teꞌ culus, sunil anma chiwitijan incꞌatan̈an, ẍi Comam.

San Juan 15:25

Yajaꞌ caw chu huntekꞌan tiꞌ, yun̈e yijnicano isba sunil tzet tzꞌibn̈ebilcano yin̈ Istzotiꞌ Comam Dios bay chala: Caw machi inmulan tet anma, yaj to caw yaco ishowal win̈an, ẍiayoj.

San Juan 8:28

Yuxinto yal Comam tet ebnaj: —Hayet chinheyanican̈an yin̈ teꞌ culus, haꞌ to tuꞌ chitxumchalo heyu tato Hanin Akꞌbilintijan texol yu Comam Dios, cat xin heyohtan̈eniloj tato mach wetojan inchuquilan sunil tzet chiwaltiꞌan. Wal xin haꞌ tzet chal Inmaman wetan, haꞌ chiwalan.

Romanos 3:19

Caw johtaj tato sunil tzet tzꞌibn̈ebilcano yin̈ ley yet payat tuꞌ, haꞌ tet mac ayicto yalan̈ ley tuꞌ haꞌ tet chitzoteli, yun̈e sunil mac chiscach istiꞌ, cat istakꞌwenico ismul yiban̈ tet Comam Dios.

Romanos 5:18

Yuto yu ismul naj Adán, yuxin cancano sunil anma yalan̈ isyaꞌtajil, yajaꞌ yu istoholal iswatxꞌe Comam Jesucristo, yuxin chon̈colcha yalan̈ isyaꞌtajil cat cochahni cokꞌinal.

Hebreos 7:24

Walpaxo Comam Jesucristo machi bakꞌinal chicami, yuxin mach chiecꞌto ismunil tuꞌ tet hunuxa maca, wal xin sacerdote Comam yin̈ sunilbal tiempo.