San Juan 1:45 - Jakalteko

⁴⁵ Lahwi tuꞌ xin, isto naj Felipe saywal yin̈ naj Natanael. Yet ischahlo naj Natanael tuꞌ yu naj, yalni naj tet naj: —Machahlo Comam tzꞌibn̈ebilcanayo yul Hum yet ley akꞌbilcano yu naj Moisés, yeb tzꞌibn̈ebilcano yu huntekꞌanxa ebnaj ischejab Comam Dios yet payat; haꞌ naj Jesús ah Nazaret, iscꞌahol naj José, ẍi ebnaj.

San Juan 1:45 Iomraidhean Croise

San Mateo 10:3

Naj Felipe, naj Bartolomé, naj Tomás, naj Mateo, naj chiticꞌa inilo chꞌen tohlabal chito bey Roma, naj Jacobo iscꞌahol icham Alfeo, naj Tadeo.

San Mateo 13:55

Naj tiꞌ iscꞌahol naj hutxꞌum teꞌ ye naj, yebpaxo yunin ix María ye naj, yeb yuẍta isba naj yeb naj Jacobo, naj José, naj Simón yeb naj Judas.

San Mateo 2:23

Yet yapni naj bey tuꞌ yehayo naj yeb ix María yeb naj nichꞌan Jesús yul con̈ob Nazaret. Hac tuꞌ yu yijni isba tzet tzꞌibn̈ebilcano yu ebnaj ischejab Comam Dios yet payat bay chala tato nazareno chihallax yin̈ Comam Jesús.

San Mateo 21:11

Istakꞌwi huntekꞌanxa ebnaj: —Haꞌ naj tiꞌ Jesús, ischejab Comam Dios ay bey Nazaret yul ismajul Galilea, ẍi ebnaj.

San Marcos 14:67

Hayet yilni ix iskꞌaẍni naj Pedro, yoccano tꞌan̈no ix yin̈ naj, yalni ix: —Hach tiꞌ hawetbi haba yeb naj Jesús, naj ah Nazaret, ẍi ix.

San Marcos 6:3

¿Tom maẍtaj naj tiꞌ naj hutxꞌum teꞌ, naj yunin ix María? yeb ¿tom mach yuẍtajo isba naj yeb naj Jacobo, naj José yeb naj Judas, yeb naj Simón? ¿Tom xin maẍtaj coxol tiꞌ aypaxo yanab naj? ẍi ebnaj. Yu huneꞌ tuꞌ yuxin mach isje ebnaj yabeꞌ yin̈ tzet chal Comam.

San Lucas 18:37

Yallax tet naj tato haꞌ Comam Jesús ah Nazaret lan̈an yecꞌtoj.

San Lucas 2:4

Yuxinto el naj José bey yul con̈ob Nazaret yul ismajul Galilea, isto naj bey Belén yul ismajul Judea, yuto haꞌ tuꞌ pitzcꞌana naj rey David, yichmam naj José tuꞌ.

San Lucas 2:48

Haxa yet yilcha naj yu ismam yeb ismiꞌ, caw cꞌayilo iscꞌul. Yalni ismiꞌ naj tet: —Wunin, ¿tzet yin̈ yuxinto hac tiꞌ chon̈hawutehan̈? Haninan yeb hamam caw biscꞌulal jehan̈ cachcosaynicꞌojan̈, ẍi ix.

San Lucas 24:27

Yoc Comam yalno yin̈ caw haban yin̈ sunil tzet tzꞌibn̈ebilcanayo yin̈ Comam Cristo yul Yum Comam Dios. Ichico bay tzꞌibn̈ebilcano yu naj Moisés, masanta apni yin̈ sunil tzet tzꞌibn̈ebilcano yu ebnaj ischejab Comam Dios yet payat.

San Lucas 24:44

Yalni Comam tet ebnaj: —Haꞌ huntekꞌan isyaꞌtajil mawakꞌletiꞌan, haꞌ ton walan teyet yet ayintocꞌojan texol, ta yilal yijni isba hacaꞌ tzet tzꞌibn̈ebilcano win̈an yu naj Moisés, yebpaxo yu ebnaj ischejab Comam Dios yet payat, yebpaxo xin yin̈ Salmos, ẍi Comam.

San Lucas 3:23

Lahon̈ebxa iscawinah habil Comam Jesús yet yichico ismunla yin̈ Istzotiꞌ Comam Dios. Iscꞌahol naj José ye Comam chute yalni anma. Hac tiꞌ caw ye istxolal yichmam Comam hacaꞌ tiꞌ: naj José, naj Elí,

San Lucas 4:22

Wal xin sunil anma caw cꞌul istzotel yin̈ Comam Jesús. Caw cꞌayilo iscꞌul yuto cꞌulchꞌan istzoteli. Yichico anma yalni tet hunun: —¡Yaj iscꞌahol naj José ye naj tiꞌ! ¿Tzet xin chu yalni naj hacaꞌ ti? ẍi ebnaj yin̈ Comam.

San Juan 1:44

Caw xin yet con̈ob isba naj Felipe tuꞌ yeb naj Andrés yebpaxo naj Simón Pedro; ah con̈ob Betsaida ebnaj.

San Juan 12:21

Apni ebnaj tiꞌ iscꞌatan̈ naj Felipe ay bey con̈ob Betsaida ayco yul ismajul Galilea, yalni ebnaj tet naj: —Mamin, caw chijochehan̈ chijilan̈ yin̈ Comam Jesús, ẍi ebnaj.

San Juan 14:8

Yalni xin naj Felipe tet Comam: —Mamin, ye Hamam tuꞌ jilaꞌan̈, cꞌuxanojtamna tuꞌ, ẍi naj tet Comam.

San Juan 18:5

Istakꞌwi ebnaj xin: —Naj Jesús nazareno chicosayicꞌojan̈, ẍi ebnaj. —Hanintonan, ẍi Comam tet ebnaj. Aypaxico naj Judas xol ebnaj, naj chianico Comam yul iskꞌab camical.

San Juan 18:7

Lahwi tuꞌ xin, iskꞌambenpaxo Comam: —¿Mac chesaya? ẍi Comam. —Haꞌ naj Jesús nazareno chicosayan̈, ẍipaxo ebnaj.

San Juan 19:19

Istzꞌibn̈en naj Pilato hayeb tzꞌib, ischejni naj yalaxoco yiban̈ iswiꞌ Comam yin̈ culus, chalni hacaꞌ tiꞌ: Naj Jesús ah Nazaret, Yahawil anma Israel, ẍi hayeb tzꞌib tuꞌ.

San Juan 21:2

Istiꞌ haꞌ lago tuꞌ ayayo naj Simón Pedro, yeb naj Tomás, naj chihallax tioẍ uninal, yeb xin naj Natanael ah Caná ay yul ismajul Galilea, yeb xin cawan̈ ebnaj iscꞌahol icham Zebedeo, yebpaxo xin cawan̈xa ebnaj iscuywom Comam.

San Juan 6:42

Yalni ebnaj hacaꞌ tiꞌ: —¿Tom maẍtaj naj tiꞌ naj Jesús, iscꞌahol naj José? Caw johta mac ismam naj yeb ismiꞌ naj. ¿Tzet yin̈ yuxinto chal naj tato yul satcan̈ titna naj? ẍi ebnaj yin̈ Comam.

San Juan 6:5

Yet yilni Comam xin ta caw hantan̈e anma apni iscꞌatan̈, yalni Comam tet naj Felipe: —¿Baytuꞌwal chicolokꞌ tzet chislo sunil anma tiꞌ? ẍi Comam tet naj.

San Juan 6:7

Istakꞌwi naj: —Waxan̈ca ay cabo ciento denario comelyu chilokꞌni tzet chilolaxi, caw maẍticꞌam chabe yikꞌni anma hunta txꞌinano yet, ẍi naj tet Comam.

Hechos 10:38

Caw heyohtaj hex tiꞌ tato Comam Dios, haꞌ akꞌni yip Comam Espíritu Santo tet Comam Jesucristo ah Nazaret. Yakꞌnicano Comam Dios yip Comam yu iscolwa yin̈ anma. Sunil huntekꞌan anma bay ayco ischejab naj matzwalil cawxicanocan̈ yu Comam. Sunil huntekꞌan tiꞌ iswatxꞌe Comam yuto ayco Comam Dios yetbihoj.

Hechos 2:22

Hex wet con̈ob Israel, hajba hetxiquin yin̈ tzet chalilo huneꞌxa chiwalan teyet tiꞌ: —Caw xaꞌisyelo Comam Dios ismunil Comam Jesucristo ah Nazaret jet cosunil, yet iswatxꞌen Comam Jesús iscꞌulal yeb cꞌaybalcꞌule yeb yechel yip Comam Dios. Wal xin caw heyohtaxa sunil tiꞌ yuto haꞌ coxol yuhi.

Hechos 22:8

Inkꞌambenan hacaꞌ tiꞌ: “¿Mac hach anmahil Mamin?” quinchiyan. Yalni wetan xin: “Hanintiꞌan Jesús inan ah Nazaret, huneꞌ ayachico hawakꞌni ecꞌoyaꞌ yanma tiꞌ,” ẍi wetan.

Hechos 26:9

Yalnipaxo naj Pablo: —Yet yalan̈tocano tuꞌ, oc yin̈ innabalan wocan incachnojan anma yun̈e mach chischayto Comam Jesús ah Nazaret yul yanma.

Hechos 3:6

Yalni naj Pedro: —Wal hanintiꞌan, mach inmelyuhan, yaj wal huneꞌ ikꞌbil wuhan chiwakꞌan tawet. Yu yip Comam Jesucristo ah con̈ob Nazaret, ahan̈wanoj cat xin habelwi, ẍi naj Pedro tuꞌ tet naj.