San Juan 1:38 - Jakalteko

³⁸ Istꞌan̈xito Comam Jesús yintaj, yilni Comam tato tzujan ebnaj cawan̈ tuꞌ yinta Comam. Iskꞌamben Comam tet ebnaj: —¿Tzet chesaya? ẍi Comam. —Rabí, ¿baytuꞌwal ayach? ẍi ebnaj. (Huneꞌ tzotiꞌ rabí, cuywawom chaliloj.)

San Juan 1:38 Iomraidhean Croise

San Lucas 10:39

Aypaxo huneꞌ isnoh ix, María isbi. Ix María tuꞌ, ay tzꞌon̈no ix yich yoj Comam Jesús yu yaben ix tzet chal Comam.

San Lucas 14:25

Caw hantan̈e anma oc tzujno yinta Comam Jesús. Hayet hunel tuꞌ, ismeltzo isba Comam, yalni tet anma:

San Lucas 15:20

Lahwi tuꞌ xin, ispaxto naj bey yatut ismam. Ayto yapni naj xin, yillaxto naj yu ismam; caw tzꞌaycan̈ iscꞌul ismam naj yilni. Isto lemna naj mame tuꞌ ischahno naj. Yoc lakꞌno naj yin̈ iscꞌahol tuꞌ, istzꞌohnipaxo naj iskꞌotx naj yu tzalahilal.

San Lucas 19:5

Hayet yecꞌto Comam yich teꞌ, istꞌan̈xahto Comam yin̈ naj, yalni Comam tet naj: —Zaqueo, ayan̈ti yin̈ an̈e, yuto haꞌ bey hawatut chincanojan huneꞌ akꞌbal tiꞌ, ẍi Comam tet naj.

San Lucas 22:61

Istꞌan̈xito Comam yin̈ naj Pedro tuꞌ. Hac tuꞌ xin yu isnaniti naj Pedro tzet yal Comam tet naj: “Oxelxa chawala ta mach quinhawohtajojan yet chiꞌokꞌcan̈ noꞌ icham chiyo,” ẍi Comam Jesús tet naj.

San Lucas 8:38

Iskꞌanto isba naj bay el ischejab naj matzwalil tuꞌ yinta Comam. Yalni Comam tet naj ta chican naj bayticꞌa ay tuꞌ.

San Juan 1:37

Hayet yaben ebnaj cawan̈ tuꞌ tzet yal naj Juan, isto ebnaj yinta Comam Jesús.

San Juan 1:39

Istakꞌwi Comam xin: —Catawej cat heyilni, ẍi Comam. Hac tuꞌ yu isto ebnaj yilno baytuꞌwal ay Comam. Iscancano ebnaj huneꞌ akꞌbal tuꞌ yuto kꞌejbixa.

San Juan 1:49

Istakꞌwi naj Natanael tuꞌ: —Mam cuywawom, yin̈ caw yeli hach tiꞌ Iscꞌahol Comam Dios, Yahawil con̈ob Israel hawehi, ẍican̈ naj tet Comam.

San Juan 12:21

Apni ebnaj tiꞌ iscꞌatan̈ naj Felipe ay bey con̈ob Betsaida ayco yul ismajul Galilea, yalni ebnaj tet naj: —Mamin, caw chijochehan̈ chijilan̈ yin̈ Comam Jesús, ẍi ebnaj.

San Juan 18:4

Wal xin, caw yohtaxa Comam Jesús tzet lan̈an yul yiban̈, yuxinto elto Comam chahwal yin̈ ebnaj, iskꞌambeni: —¿Mac chesaya? ẍi Comam.

San Juan 18:7

Lahwi tuꞌ xin, iskꞌambenpaxo Comam: —¿Mac chesaya? ẍi Comam. —Haꞌ naj Jesús nazareno chicosayan̈, ẍipaxo ebnaj.

San Juan 3:2

Yet akꞌbalil xin, apni naj yilaꞌ Comam Jesús, yalni naj tet Comam: —Mam cuywawom, caw johtajan̈ tato haꞌ Comam Dios an̈e hachti con̈hacuyuꞌan̈, yuto machi mac chiyu iswatxꞌen cꞌaybalcꞌule hacaꞌ chawatxꞌe tiꞌ ta mach ayoco Comam Dios yetbihoj, ẍi naj tet Comam.

San Juan 3:26

Isto ebnaj yalno tet naj Juan: —Mam cuywawom, naj ayco tacꞌatan̈ yet ayach bey haꞌ niman Jordán, naj hawal jetan̈, lan̈an yahnican̈ naj haꞌ iswiꞌ anma. Caw xin hantan̈e anma chioccano tzujno yinta naj, ẍi ebnaj tet naj Juan.

San Juan 4:31

Yet maẍto chiapni anma iscꞌatan̈ Comam, yalni ebnaj iscuywom Comam: —Mam cuywawom, waꞌan̈, ẍi ebnaj tet Comam.

San Juan 6:25

Yet yecꞌ apno anma iskꞌaxepicꞌto haꞌ lago tuꞌ yilcha Comam yu anma. Iskꞌamben anma tuꞌ tet Comam: —Mam cuywawom, ¿hanicꞌ hawul bey tiꞌ? ẍi anma tet Comam.

Hechos 10:21

Yayti naj xin, yapni naj iscꞌatan̈ ebnaj ischejab naj Cornelio tuꞌ, yalni naj: —Haninan chinhesayicꞌojan. ¿Tzet hechejbanil wetan? ẍi naj tet ebnaj.

Hechos 10:29

Yu huneꞌ tuꞌ yuxinto manyijehan intitan yinta ebnaj ma-bey-quininoꞌtijan. Wal tinan̈, halwe wetan ¿tzet yin̈ yuxinto maquinheyawtehan? ẍi naj Pedro tuꞌ.